Siyasət

AXCP fəalı polis bölməsində işgəncəyə məruz qaldığını deyir

17 Noyabr, 2022
399

Açıq mənbələrdən götürülüb

AXCP

Xalq Cəbhəsi Partiyasının (AXCP) üzvü Rövşən Məmmədov noyabrın 11-də etiraz aksiyasında saxlanıldıqdan sonra polis bölməsində işgəncəyə məruz qalıb. 

Bu barədə o, Binəqədidə İnzibati Həbs olunanların Saxlanma Məntəqəsində vəkili Nemət Kərimliyə danışıb.

Kərimlinin "Turan" Agentliyinə verdiyi məlumata görə, görüş vəkilin müvəkkili ilə ünsiyyətinin məxfiliyi pozulmaqla baş tutub. Əvvəlcə ona şüşə arakəsmə vasitəsilə əlaqə saxlamaq təklif olunub. "Mən etirazımı bildirdikdən sonra üz-üzə görüşməyimizə icazə verdilər. Amma yanımızda polis əməkdaşı var idi və bu, qanun pozuntusudur", - deyə Kərimli bildirib.

https://toplum.tv/multimedia/axcp-nin-aksiyasi-zorakiliqla-dagidildi

Məmmədov saxlanıldıqdan sonra Səbail Rayon Polis İdarəsinin 8-ci polis bölməsində işgəncələrə məruz qaldığını bildirib. Bununla əlaqədar vəkil bu gün prokurorluğa şikayət verib.

Vəkilin sözlərinə görə, Məmmədova İnzibati Xətalar Məcəlləsinin 510-cu (xırda xuliqanlıq) və 535.1-ci (polisə tabe olmama) maddələri ilə ittiham irəli sürülüb və 30 günlük həbs cəzası verilib.

Vəkil Məmmədovun polis maşınının şüşələrini sındırması ilə bağlı ittihamın əsassız olduğunu qeyd edib.

Onun sözlərinə görə, jurnalistlərin çəkdiyi videogörüntülərdən də Məmmədovun polis maşınının şüşəsini sındırmadığı görünür.

DİN-in mətbuat xidmətinin şöbə rəisi Elşad Hacıyev polis bölməsində Məmmədova işgəncə verildiyi haqqında iddiaları təkzib edib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Azərbaycan və Ermənistan XİN başçılarının görüş tarixi açıqlandı

26 Fevral 2024

Açıq mənbələrdən götürülüb

Azərbaycan və Ermənistan xarici işlər nazirlərinin görüşü fevralın 28-29-da Berlində baş tutacaq. Toplum TV xəbər verir ki, bu barədə fevralın 26-da Ermənistan Xarici İşlər Nazirliyinin mətbuat katibi Ani Badalyan bildirib. Onun sözlərinə görə, görüş bir müddət əvvəl Münhen Təhlükəsizlik Konfransında keçirilən üçtərəfli görüşdə əldə olunan razılaşmaya əsasən təşkil olunacaq.  Qeyd edək ki, bundan əvvəl xarici işlər naziri Ceyhun Bayramov Ermənistan nümayəndə heyəti ilə sülh müqaviləsi ilə bağlı təkbətək danışıqların aparılacağını bildirmişdi. 
Siyasət

Həbs olunmuş fəalın səhhətində problemlər yaranıb

26 Fevral 2024

Sosial Media

Azərbaycanın alternativ həmkarlar ittifaqı konfederasiyası olan "İşçi Masası"nın həbsdə olan üzvü Möhyəddin Orucovun səhhətində problemlər yaranıb.  Toplum TV xəbər verir ki, bu barədə fevralın 26-da "Turan" agentliyinə onun anası Təranə Orucova bildirib. O qeyd edib ki, 2023-cü ilin oktyabrında inzibati qaydada həbs edildikdən sonra Möhyəddini uzun müddət açıq havada saxlayıblar və onun böyrəklərinə soyuq dəyib. Həbs dövründə onu müayinə etməyiblər, sadəcə olaraq ağrıkəsicilər veriblər. Azad edildikdən sonra fəal müalicə olunub, lakin 2023-cü ildə yenidən həbs edildiyinə görə müalicəsi yarımçıq qalıb. https://toplum.tv/siyaset/pbahar-muradova-quotabzas-isiquot-ile-bagli-hebs-olunan-jurnalistlerden-danisibp Orucovun anasının sözlərinə görə, hazırda onun böyrəklərində ağrılar artıb. Onu xəstəxanaya yerləşdirməkdən imtina edirlər. Vəkil sabah yenidən onun xəstəxanaya...

Seçilmiş Videolar

Toplum TV loqo