Siyasət

Azərbaycan Ermənistanla sərhəddə əməliyyat keçirir? - İtkilər var

13 Sentyabr, 2022
124

Açıq mənbələrdən götürülüb

Azərbaycanın teleqram kanallarında Kəlbəcər istiqamətində qızğın döyüşlərin getməsi barədə məlumatlar yayılıb. Bildirilir ki, Azərbaycan keçirdiyi əməliyyata “Qətiyyətli cavab” adı verilib. 

Azərbaycan tərəfi əməliyyat barədə hələlik rəsmi informasiya yaymayıb.

Azərbaycan Müdafiə Nazirliyi  səhər saatlarında Ermənistanın Azərbaycanın mövqelərini atəşə tutması barədə məlumat yayıb və bildirib ki, məqsəd sülh sazişinin imzalanmasının yubadılmasıdır.

"Azərbaycan 2020-ci il 10 noyabr tarixli üçtərəfli bəyanata sadiqdir, sərhədlərin demarkasiya və delimitasiya işinin başlanması və hər iki ölkə arasında sülh müqaviləsinin imzalanması ilə bölgədə əminamanlığın bərqərar olunmasına maraqlıdır. Qarşı tərəf isə əksinə, ərazilərimizə, bölmələrimizin təminat yollarına minalar basdırmaqla bəyanata zidd davranışlar sərgiləyir. Bu da Ermənistanın hərbi avantüra və revanşist mövqedə olduğuna əyani sübutdur", - bu sözləri Müdafiə Nazirliyinin Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov Azərbaycan Respublikasında akkreditə olunmuş xarici hərbi attaşelər üçün brifinqdə deyib.

 Azərbaycan Xarici İşlər Nazirliyinin bəyanatı

Bu gün məsələylə əlaqədar Azərbaycan Xarici İşlər Nazirliyi də məlumat yayıb. 

"Son bir ay ərzində Ermənistan silahlı qüvvələrinin dövlət sərhədinin Laçın, Gədəbəy, Daşkəsən və Kəlbəcər rayonları istiqamətində təxribatları, Azərbaycan Ordusunun həmin rayonların ərazisindəki mövqelərinin müxtəlif çaplı silahlardan atəşə tutulması halları intensiv və sistematik xarakter daşıyırdı. Eyni zamanda, Ermənistan tərəfindən Azərbaycan sərhədləri boyunca hərbiləşməni artırması, bölgədə ağır texnika və iri çaplı silahlar yerləşdirməsi Ermənistanın genişmiqyaslı hərbi təxribata hazırlaşdığını göstərirdi.

https://toplum.tv/dunya/abs-turkiyeye-xeberdarliq-edib

Bununla yanaşı, Ermənistanın normallaşma prosesini müxtəlif bəhanələrlə ləngitməsi, beynəlxalq səylərlə aparılan danışıqlarda destruktiv mövqe nümayiş etdirməsi, üçtərəfli bəyanatlar və əldə edilmiş razılıqlar çərçivəsində öhdəliklərə zidd olaraq, erməni silahlı birləşmələrini Azərbaycan ərazisindən çıxarmaması, Ermənistanda istehsal olunan minaların son zamanlarda Laçın ərazisində yerləşdirilməsi də daxil olmaqla ərazilərin minalanmasının davam etdirilməsi, kommunikasiyaların və nəqliyyat marşrutlarının açılması işlərində Ermənistan tərəfindən yeni şərtlərin irəli sürülməsi və prosesi dağıtması, eləcə də sülh gündəliyinə qarşılıq verməməsi Ermənistanın sülh prosesində maraqlı olmadığını və prosesə zərbə vurulması məqsədlərini nümayiş etdirirdi" - deyə açıqlamada qeyd edilib. 

XİN vaş vermiş təxribat, qarşıdurma və itkilərə görə bütün məsuliyyət Ermənistanın hərbi-siyasi rəhbərliyinin üzərinə düşdüyünü bildirib. 

Ermənistan tərəfi də Azərbaycanı ittiham edir

Ermənistan tərəfi Azərbaycan Silahlı Qüvvələrinin dövlət sərhədində atəşkəsi pozduğuna dair açıqlama yayıb. 

Ermənistan Müdafiə Nazirliyinin məlumatına görə, Ermənistan-Azərbaycan sərhədində vəziyyət son dərəcə ağır olaraq qalır.

Bildirilib ki, Azərbaycan artilleriya qurğularından, minaatanlardan, PUA-lardan və iriçaplı silahlardan intensiv atəş açır.

Erməni tərəf açıqlamasına itkilərin dəqiqləşdirildiyi barədə də məlumat yayıb. 

Ermənistan KTMT-yə və BMT Təhlükəsizlik Şurasına müraciət edəcək

Dünən, sentyabrın 13-də Baş nazir Nikol Paşinyanın sədrliyi ilə Təhlükəsizlik Şurasının iclası keçirilib, iclasda Təhlükəsizlik Şurasının üzvlərindən əlavə, Prezident Vaaqn Xaçaturyan və Milli Assambleyanın sədri Alen Simonyan da iştirak edib.

Bildirilib ki, Ermənistan baş verənlərlə bağlı Rusiyaya, Kollektiv Təhlükəsizlik Müqaviləsinə Təşkilatına və BMT Təhlükəsizlik Şurasına rəsmi müraciət edəcəyini açıqlayıb. 

Paşinyan Blinkenlə danışıb

Dünən həmçinin Ermənistanın Baş naziri ilə ABŞ Dövlət katibi Entoni Blinken arasında telefon danışığı baş tutub. 

Erməni tərəfinin açıqlamasına görə, Paşinyan Blinkeni bölgədə baş verənlər barədə məlumatlandırıb. 

"Entoni Blinken Amerika tərəfinin vəziyyətdən dərin narahatlığını ifadə edib və vəziyyətin daha da gərginləşməsini qəbuledilməz hesab edib. O, ABŞ-ın vəziyyəti sabitləşdirmək üçün səy göstərməyə hazır olduğunu bildirib", - Erməni hökumətinin yaydığı rəsmi məlumatda bildirilib. 

Ceyhun Bayramovla Blinkenin köməkçisiylə danışıb

Bu gün Azərbaycan Xarici İşlər Naziri Ceyhun Bayramovla ABŞ dövlət katibinin Avropa və Avrasiya məsələləri üzrə köməkçisi Karen Donfrid arasında da telefon danışığı baş tutub.

https://toplum.tv/siyaset/ermeniler-lacin-seherini-ve-zabuxu-terk-edir-insanlarin-hissleriyle-oynamaq-neye-lazim-idi

Bildirilir ki, telefon danışığı zamanı Ermənistanın genişmiqyaslı təxribatı nəticəsində davam edən toqquşmalar və gərginlik müzakirə edilib.

"Nazir Ceyhun Bayramov Ermənistan silahlı qüvvələrinin Azərbaycan-Ermənistan sərhədboyu ərazilərində genişmiqyaslı təxribatları, habelə ölkəmizin ərazisinə və suverenliyinə qarşı hərbi təhlükələrin qarşısının alınması, hərbi qulluqçularımızın, o cümlədən infrastruktur işlərinə cəlb olunmuş mülki işçilərin təhlükəsizliyinin təmin edilməsi məqsədilə görülən tədbirlər barədə qarşı tərəfə məlumat verib", - XİN-in açıqlamasında bildirilib. 

Qeyd olunub ki, Karen Donfrid bölgədə artan gərginlik və hərbi toqquşmalardan narahatlığını diqqətə çatdırıb, hərbi əməliyyatların dərhal dayandırılmasına çağırış edib.

Ermənistan və Rusiya müdafiə nazirləri telefonla danışıb

Ermənistan müdafiə naziri Suren Papikyan və Rusiya müdafiə naziri Sergey Şoyqu arasında telefon danışığı olub. Onların bölgədə baş verənləri müzakirə etdikləri qeyd olunub. 

Öz növbəsində Ceyhyn Bayramov türkiyəli həmkarı Mövlud Çavuşğulunu baş verənlər barədə məlumatlandırıb. 

Məsələylə əlaqədar  Avropa İttifaqının Cənubi Qafqaz üzrə xüsusi nümayəndəsi də açıqlama yayıb. 

Rəsmi “Twitter“dəki açıqlamasında bildirib ki, Aİ gərginliyin azaldılmasına töhfə vermək üçün tərəflərlə sıx əlaqədədir”.   

Siyasət

Lənkəran Şəhər İcra Hakimiyyətində əməliyyat: saxlanılanlar var

4 Oktyabr 2022

Açıq mənbələrdən götürülüb

Baş prokuror yanında Korrupsiyaya qarşı Mübarizə Baş İdarəsinin əməkdaşları Lənkəran Şəhər İcra Hakimiyyətində əməliyyat keçirib. Bu barədə oktyabrın 4-də Baş Prokurorluğun Mətbuat Xidməti məlumat yayıb.  Əməliyyat zamanı bir neçə vəzifəli şəxs saxlanıldığı bildirilir. APA-nın xəbərinə görə, saxlanılanlardan biri də İH-nin Memarlıq və tikinti şöbəsinin müdiri, rayonun baş memarı Elgün Abdullayevdir.
Siyasət

Həbs edilmiş siyasi mühacir aclıq aksiyasına başladı

4 Oktyabr 2022

Sosial Media

Azərbaycanda narkotik maddələrin qanunsuz dövriyyəsi ittihamı ilə həbs edilmiş Anar Əliyev oktyabrın 3-dən quru aclığa başlayıb.  "Turan" xəbər verir ki, bu barədə vəkil Elçin Sadıqov məlumat verib. Vəkilin sözlərinə görə, Nizami rayon polis idarəsinin müvəqqəti saxlanma yerində saxlanılan Əliyev ona qarşı siyasi və qurama ittiham irəli sürülməsinə, ailəsinə təzyiq olunaraq ölkədən çıxışına məhdudiyyət qoyulmasına etiraz əlaməti olaraq quru aclığa başlayıb. Anar Əliyev iyulda xəstə atasına baş çəkmək üçün Almaniyadan Azərbaycana gəlib. Almaniyada Əliyevin ailəsi humanitar səbəblərlə əlaqədar Almaniyadan sığınacaq alıb. Bir neçə həftə sonra o, polis tərəfindən saxlanılıb və narkotik ticarətində ittiham olunub. Onun barəsində Cinayət Məcəlləsinin 234.4.1-ci (qanunsuz olaraq...

Seçilmiş Videolar

Toplum TV loqo