Siyasət

Azərbaycan hərbi xərclərini niyə artırır? 

Lida Abbaslı
21 İyun, 2022
210

Açıq mənbələrdən götürülüb

Bu ilin dövlət büdcəsinin yenilənmiş proqnozlarına əsasən, müdafiə və milli təhlükəsizlik xərcləri 5 milyard 084. 760 milyon manat müəyyən edilib.

Bu məsələ Milli Məclisin iyunun 20-də keçirilən növbədənkənar sessiyasının plenar iclasında müzakirəyə çıxarılan “Azərbaycan Respublikasının 2022-ci il dövlət büdcəsi haqqında” qanuna dəyişiklikdə öz əksini tapıb.

"Sülh imzalandığı təqdirdə də hərbi xərclərin azaldılması gözlənilmir"

Milli Məclisin İqtisadi siyasət komitəsinin üzvü, deputat Rüfət Quliyev “Toplum TV”-yə deyir ki, müdafiə xərclərinin artırılmasının başlıca səbəbi Azərbaycan torpaqlarının gələcəkdə də lazımi səviyyədə qorunmasıdır. 

O, hərbi komplekslərin inkişaf etdirilməli olduğunu da vurğulayır. 

Rüfət Quliyev  - Açıq mənbələrdən götürülüb

"Sülh istəyiriksə, müharibəyə də hazır olmalıyıq", -  söyləyən deputat qeyd edir ki, Ermanistanla sülh imzalandığı təqdirdə də hərbi xərclərin azaldılması gözlənilmir.

“Bu, qarşı tərəfin revanşist addımlarının önləmək baxımından vacibdir". 

Türkiyə modelinə uyğun ordu qurulması xərcləri artırır

Hərbi ekspert Cəsur Sümərinli müdafiə xərclərinin artırılmasını bir neçə səbəblə əlaqələndirir. Onun qənaətincə, bunlardan birincisi müharibədən sonrakı dövrdə yeni hərbi birləşmələrin formalaşdırılmasıdır.

https://toplum.tv/siyaset/pasinyandan-azerbaycanla-bagli-aciqlamalar-bu-bizim-ucun-qirmizi-xetdir

“Azərbaycanda əvvəlki hərbi hissələrin şəxsi heyətinin ümumi sayı 80-100 min arasında idi və Silahlı Qüvvələrin bir korpusunun şəxsi heyətinin sayı təxminən 10-15 min nəfər idi. Hazırda Azərbaycan Silahlı Qüvvələrinin şəxsi heyətinin sayı təxminən 15-20 % artıb. Buna səbəb də nəzərdə tutulan regionun böyük olmasıdır və bu baxımdan şəxsi heyətin sayının artırılması büdcənin artırılmasını zəruri edir".  

Ekspertin sözlərinə görə, ikinci səbəb  Azərbaycanın Türkiyə modelinə uyğun ordu qurmaq hədəfidir, bu da ordu strukturlarında dəyişiklikləri zəruri edir. 

Cəsur Sümərinli - Sosial Media

Cəsur Sümərinli hesab edir ki, bunlara kadr dəyişikliyi, ordu strukturu, texnika kimi məsələlər daxildir və bu da əlavə vəsaitlərin ortaya çıxmasına səbəb olur. 

O bildirir ki, məsələnin üçüncü səbəbi inflyasiya ilə bağlıdır. Pul dəyərdən düşdüyü üçün hərbçilərin məvacibləri də buna uyğun olaraq tədricən artırılır. 

“Yəni əməyin qiyməti artırılır. Bundan başqa, tikinti-təmir işləri, ordunun ərzaqla təminatı, onların maya dəyəri və.s də bununla bərabər artır. Buna görə də büdcə artırılmalı olur”. 

Hərbi ekspertin söylədiyinə görə, dördüncü səbəb yeni silahlanma strategiyası ilə bağlıdır. 

“Azərbaycan  Rusiya, Türkiyə, İsrail və  NATO ölkələrindən müəyyən miqdarda yeni  silah və hərbi texnika almağa çalışacaq", - ekspert deyib.

Onun sözlərinə görə, torpaqların azad olunması ilə əlaqədar həmin ərazilərdə hərbi sahədə müxtəlif tikinti işlərinin aparılması da digər bir səbəbdir.

"Cəbhə xətti Azərbaycan-Ermənistan sərhədində yenidən qurulmalıdır. Minalardan təmizlənmə və.s məsələlər də müdafiə xərclərinə daxildir".

“Xərclərin şişirdilməsi korrupsiya göstəricisidir”

Ekspertin fikrincə, beşinci və ənənəvi səbəb isə pul yuyulması məsələləri ilə bağlıdır. Buna büdcə xərclərinin şişirdilməsi, xərclərin necə bölünməsi ilə bağlı detalların verilməməsi və s. daxildir.

“Büdcənin bu qədər artırılmasının əsas səbəblərindən biri xərclərin şişirdilməsidir. Daha sonra həmin vəsaitlər müəyyən şəxslərin ciblərinə gedir. Bu, Azərbaycan Silahlı Qüvvələrində, ümumiyyətlə, müdafiə-təhlükəsizlik sektorunda korrupsiyanın və rüşvətxorluğun göstəricisidir. Bunların sübutu çətin məsələ olsa da, şəffaflığın olmaması bunu deməyə ciddi əsas verir"- deyə o vurğulayıb. 

Siyasət

Demokratik Təşəbbüslər İnstitutu yeni hesabat yaydı

6 İyul 2022

Açıq mənbələrdən götürülüb

Azərbaycanda dövlət səviyyəsində Avropa İnsan Hüquqları Məhkəməsinin (AİHM) qərarlarının icrasını həyata keçirən və bu icraya nəzarət edən vahid bir qurum yoxdur.  Bu barədə Demokratik Təşəbbüslər İnstitutu tərəfindən (IDI) “Şəxsi və Ailə Həyatına Hörmət Hüququ (Konvensiya, maddə 8) ilə bağlı AİHM-in Azərbaycana qarşı Qərarlarının İcra Vəziyyətinə” dair hazırladığı hesabatda bildirili.  Hesabatda şəxsi və ailə həyatına hörmət hüququ,bu hüquqa olan təminatlar, o cümlədən AİHM qərarlarının hüquqi qüvvəsi nəzərdən keçirilib, yerli və beynəlxalq qanunvericilik analiz edilib.  Araşdırmada AİHM tərəfindən Azərbaycana qarşı 8-ci (“Şəxsi və ailə həyatına hörmət hüququ”) maddə altında çıxarılan və pozuntusu tanınan 16 qərarın qısa təsviri və həmin qərarların icra vəziyyəti,...
Siyasət

Şahid: Almaniyaya getmək üçün mənə AXCP üzvü olmağım barədə saxta arayış verdi

Leyli Cəfərova
6 İyul 2022

Açıq mənbələrdən götürülüb

“Sənədlərin hazırlanması üçün Ramin Hacılıya 4500 manat pul verdim. Sənədlər arasında AXCP üzvü olmağım barədə arayış da var idi. Ancaq belə heç bir partiyanın üzvü deyiləm”. Bunu iyulun 6-da Azərbaycan Avropa Hərəkatının həbsdə olan rəhbəri Ramin Hacılının məhkəməsində şahid qismində dindirilən Elnur Qəmbərov dedi. O, bu sənədlərin ona Almaniyaya getmək üçün lazım olduğunu söylədi. Bakı Ağır Cinayətlər Məhkəməsində hakim Azad Məcidov şahiddən Almaniyaya getməsinin səbəblərini soruşdu. O bildirdi ki, azyaşlı övladı xəstədir, məqsədi onu Almaniyaya apararaq müalicə etdirmək olub: “Burda müalicələr təsir etmirdi, məcbur oldum ki, Almaniyaya getməyin yollarını tapım. Soraqlayıb bu şirkəti tapdım, Ramin Hacılı mənə sənədlərin toplanmasında kömək...

Seçilmiş Videolar

Toplum TV loqo