Siyasət

Azərbaycan hökuməti Natiq Cəfərova təzminat ödəməlidir

1 Aprel, 2022
267

açıq mənbədən götürülüb

Avropa İnsan Hüquqları Məhkəməsi (AİHM) Azərbaycandan üzrə daha bir şikayət barədə yekun qərarını elan  edib.

Qərarda deyilir ki, məhkəmə “Natiq Cəfərov Azərbaycana qarşı” işini baxılacaq ərizələrin siyahısından çıxarıb və hökumət ərizəçiyə təzminat ödəməlidir.

Bu məhkəmə işi ərizəçinin məhkəməyə qədər həbs qərarının qanunsuz olması iddiaları ilə bağlı idi. Şikayətdə Konvensiyanın 5-ci maddəsinin 3-cü bəndinə istinadən iddia olunurdu ki, milli məhkəmələr ərizəçinin məhkəmədən əvvəl həbs edilməsi barədə qərarını əsaslandıra bilməyiblər.

2018-ci ildə göndərilmiş şikayətin kommunikasiyası zamanı tərəflər məhkəməyə dostca anlaşma təqdim ediblər. Anlaşmaya əsasən, hökumət ərizəçiyə təzminat ödəmək, ərizəçi isə iddialarını geri çəkmək öhdəliyi götürüb. Anlaşmanı nəzərə alan məhkəmə, şikayəti baxılacaq işlərin siyahısından çıxarmağa qərar verib. Qərara əsasən, hökumət 3 ay ərzində ərizəçiyə ümumilikdə 3500 avro təzminat ödəməlidir.


 

Siyasət

Müsəlman Birliyi Hərəkatının üzvünə hökm oxundu

20 May 2022

Razi Hümbətov - sosial media

Bu gün, mayın 20-də Bakı Ağır Cinayətlər Məhkəməsinin qərarı ilə Müsəlman Birliyi Hərəkatının üzvü Razi Hümbətova hökm oxunub. Azadlıq Radiosunun məlumatına görə, hərəkatın üzvü 6 il azadlıqdan məhrum edilib. R.Hümbətov Cinayət Məcəlləsinin 234.4.3 (satış məqsədilə külli miqdarda narkotik əldə etmə, saxlama, daşıma) maddəsi ilə günahkar sayılıb. Atası məhkəmə qərarını qərəzli adlandırıb və qeyd edib ki, R.Hümbətovun qonşuları, digər şəxslər Prezident Administrasiyasına, Daxili İşlər Nazirliyinə onlarla məktub yazaraq onun bu işdə günahsız olduğunu və narkomaniya ilə mübarizə apardığını bildiriblər. Xəbərdə o da bildirilir ki, məhkəmə prosesinə gələnlərdən Ağaəli Yahyayev, Süleyman Ələkbərov və daha bir neçə şəxsin saxlanılıb. R.Hümbətov ötən il iyulunda saxlanıb....
Siyasət

Almaniyadan qaytarılan daha bir fəal həbs edilib

Roza Məmmədova
20 May 2022

açıq mənbədən götürülüb

Tənqidçi mövqeyi ilə tanınan ictimai fəal Ziya İbrahimlinin Bakı Hava limanında həbs edildiyi deyilir. Bu barədə məlumatı mayın 20-də jurnalist Əfqan Muxtarlı “feysbuk” hesabında yazıb: “Bu dəqiqələrdə Biləsuvar məhkəməsində Ziya İbrahimlinin məhkəməsi gedir. Ona vəkil tutmağa belə imkan verilməyib. Ziya bəy 2019-cu ildən Almaniyada yaşayıb. Onun eyni il axtarışa verilməsi siyasi fəaliyyəti ilə bağlıdır. Azərbaycanda yaşamayan adamı Biləsuvar polisi niyə axtarışa versin?” Əfqan Muxtarlı - sosial media Ə.Muxtarlı fəalın həbsində Almaniya Hökumətinin də məsuliyyət daşıdığını bildirib: “Əvvəl-əvvəl 2-3 ay gözləyib həbs edirdilər. İndi elə aeroportda həbs edirlər. Vətənə döndükdən sonra həbs edilən mühacirlərin hər biri üçün Almaniya höküməti məsuliyyət daşıyır”....

Seçilmiş Videolar

Toplum TV loqo