Siyasət

Azərbaycan hökuməti siyasi fəala təzminat ödəcəyək

2 İyun, 2022
815

Əbülfəz Qurbanlı - sosial media

Avropa İnsan Haqları Məhkəməsi (AİHM) iyunun 2-də Azərbaycandan göndərilmiş şikayətlər üzrə növbəti qərarını elan edib.

Qərarlar barədə məlumatı “aihmaz.org” dərc edib.

“Dəyanət Babayev və başqaları Azərbaycana qarşı” işində bəhs edilən hadisələr 2012-ci ildə baş verib.

Mediada siyasi motivlə həbs edildiyi iddia olunan M.M. və B.H.-nin işgəncəyə məruz qalması barədə məlumatların yayılmasından sonra ərizəçilər və başqa şəxslər işgəncə iddialarının araşdırılması və ona etiraz edilməsi məqsədilə Daxili İşlər Nazirliyinin (DİN) binası istiqamətində yürüş keçirməyə cəhd ediblər.

Dinc aksiyaya əsasən mülki geyimdə olan polis əməkdaşları zor tətbiq etməklə müdaxilə edib.

Ərizəçilər də daxil olmaqla, ümumilikdə 17 etirazçı saxlanılıb, Yasamal Rayon Polis İdarəsinə aparılıb.

Birinci ərizəçi Dəyanət Babayev kiçik xuliqanlıqda günahkar bilinib, 50 manat cərimə olunub.

İkinci və üçüncü ərizəçilər, Ərzuman Məcidov və Əbülfəz Qurbanlı ictimai toplantıların keçirilməsi qaydalarını pozmada günahkar biliniblər.

Onların hər biri 10 manat məbləğində cərimə ödədikdən sonra sərbəst buraxılıblar.

Ərizəçilər AİHM qarşısında etiraz aksiyasının dağıdılması ilə bağlı milli qurumlardakı icraatların ədalətli məhkəmə araşdırması hüququnun pozuntusu ilə müşayət olunduğunu, aksiyanın dağıdılmasının sərbəst toplaşmaq və ifadə azadlığı hüquqlarına zidd olduğunu iddia ediblər.

Avropa Məhkəməsi 1-ci və 2-ci ərizəçinin şikayətlərini daxili müdafiə vasitələrini tükəndirmədiklərinə görə qəbuledilməz elan edib.

“Cavablarında ərizəçilər bildiriblər ki, onların hər üçü üçün məhkəmə xərclərini ödəyə bilmədiklərinə görə, yalnız üçüncü ərizəçi kassasiya şikayəti verib. Ərizəçilər daha sonra iddia ediblər ki, mövcud daxili müdafiə vasitələri effektiv olmayıb və buna görə də onların tükəndirilməsinə ehtiyac yoxdur”, – deyə qərarda qeyd olunur.

Məhkəmə qeyd edir ki, hazırkı işdə birinci və ikinci ərizəçi Bakı Apelyasiya Məhkəməsinin qərarından kassasiya şikayəti verməyiblər.

Onların maliyyə imkanlarının olmaması iddiasına gəldikdə, məhkəmə əvvəlcə qeyd edib ki, ərizəçilər daxili qanunvericiliyə uyğun olaraq kassasiya şikayəti vermək üçün hüquqi yardım üçün müraciət edə bilərdilər, lakin bunu etməyiblər.

Bundan əlavə, ərizəçilər onları bu hüquqi müdafiə vasitəsinə müraciət etmək tələbindən azad edən xüsusi halların mövcudluğunu nümayiş etdirməyiblər.

AİHM vurğulayır ki, mövcud daxili müdafiə vasitələrinin müvəffəqiyyət perspektivi və effektivliyi ilə bağlı şübhələr, mövcud hüquqi müdafiə vasitələrindən normal istifadə tələbindən imtina etmək üçün yetərli deyil.

Buna görə birinci və ikinci ərizəçiyə münasibətdə daxili hüquqi müdafiə vasitələrinin tükəndirilməməsinə görə ərizə rədd edilməlidir.

3-cü ərizəçi, Ə.Qurbanlının ərizəsinə gəlincə, AİHM hesab edib ki, onun sərbəst toplaşmaq hüquna müdaxilə baş verib.

Məhkəmənin qərarına əsasən, Ə.Qurbanlıya mənəvi zərər əvəzi 2000, xərc və məsrəflərə görə 500 avro təzminat ödənilməlidir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Paşinyan Bakının sülh müqaviləsi ilə bağlı şərtlərinin qəbul etmədiyini deyir 

23 Mart 2023
Yerevan İlham Əliyevin Ermənistanın sərhədin delimitasiyası ilə bağlı Azərbaycanın şərtlərini qəbul etməli olduğu, əks halda sülh müqaviləsi bağlanmayacağı haqqında 18 mart tarixli bəyanatını qəbuledilməz hesab edir. Bu barədə Ermənistan baş naziri Nikol Paşinyan martın 23-də hökumətin iclasında bildirib.  O, bunu "təcavüz aktı" və "yüksək səviyyədə əldə olunmuş razılaşmaların kobud pozuntusu" adlandırıb. Xüsusən, Paşinyan "BMT Nizamnaməsinə və 1991-ci il tarixli Almatı Bəyannaməsinə uyğun olaraq suverenliyin, ərazi bütövlüyünün və sərhədlərin pozulmazlığının qarşılıqlı tanınması haqqında" əvvəlki razılaşmalara istinad edib.  Paşinyanın sözlərinə görə, bu bəyanatlarda sovet respublikalarının sərhədlərinin onların dövlət sərhədi olduğu qeyd edilib, amma "Azərbaycan daim hansısa tarixi xəritələr əsasında delimitasiyadan danışır ki,...
Siyasət

Avropa İttifaqı Azərbaycanda qəbul edilən siyasi partiyalar haqqında yeni qanunu tənqid edib

23 Mart 2023
Avropa İttifaqı Azərbaycanda siyasi partiyalar haqqında yeni qanunla tətbiq edilmiş məhdudiyyətlərdən narahatlığını bildirib. Azərbaycan hakimiyyəti Venesiya Komissiyasının və ATƏT DTİHB-nin tövsiyələrini yerinə yetirməyə çağırılıb. Bu barədə Aİ-nin Xarici Siyasət Xidmətinin 22 mart tarixli bəyanatında deyilir.  "Avropa İttifaqı siyasi partiyalar haqqında yeni qanunla tətbiq edilmiş məhdudiyyətlərdən narahatdır. Bu, Azərbaycanda siyasi plüralizmə və birləşmək, fikri ifadə etmək və dinc toplaşmaq azadlığı kimi əsas hüquq və azadlıqlara çəkindirici təsir göstərə bilər", deyə Aİ-nin Xarici Siyasət Xidmətinin saytında yer alan bəyanatda bildirilir.  Bu hüquqlar "demokratik cəmiyyətin fəaliyyəti üçün əsasdır". Aİ israrla Azərbaycanı Avropa Şurası Venesiya Komissiyasının əvvəlki siyasi partiyalar haqqında qanunla bağlı köhnə tövsiyələrini,...

Seçilmiş Videolar

Toplum TV loqo