Siyasət

Azərbaycan hökuməti Tofiq Yaqubluya təzminat ödəyəcək

15 İyul, 2021
1177

Sosial Media

Avropa Məhkəməsi Tofiq Yaqubluya görə Azərbaycanı cərimələdi

"Aihmaz.org" saytının məlumatına görə, iyulun 15-də Avropa İnsan Hüquqları Məhkəməsi (AİHM) Müsavat Partiyası təmsilçisi Tofiq Yaqublunun iki şikayəti üzrə qərarını elan edib.

Məlumatda deyilir:

"Avropa İnsan Haqları Məhkəməsi (AİHM) bu gün, iyulun 15-də müxalif Müsavat Partiyası təmsilçisi Tofiq Yaqublunun iki şikayəti üzrə qərarını elan edib. Məhkəmə müxalif siyasətçinin iddia etdiyi pozuntuların əksəriyyətini tanıyıb.

AİHM-in yekdilliklə qəbul etdiyi qərara əsasən, işin hallarına görə, iki dəfə inzibati məsuliyyətə cəlb edilmiş T.Yaqubluya münasibətdə azadlıq və toxunulmazlıq (Maddə 5.1) və ədalətli məhkəmə araşdırması (Maddə 6.1, 6.3) hüquqlarının pozuntusuna yol verilib.

AİHM bu işdə ərizəçinin polis bölməsində pis şəraitdə saxlanılması iddialarını (Maddə 3) qəbul etmədi. Diqqəti ərizəçilərin həbsdə saxlanılma şərtləri ilə bağlı iddiaları əsaslandırmaq üçün sübutların toplanmasında yaşadığı obyektiv çətinliklərə çəkən məhkəmə qeyd etdi ki, belə iddialara dair dəlillər aydın, təkzibedilməz olmalıdır. Ən azı saxlanılan digər şəxslərin ifadələri, saxlanılma şərtlərinin pis olmasını dəstəkləyən fotoşəkillər dəlil kimi təqdim edilə bilərdi. Məhkəmə həmçinin, ərizəçinin özünün və yetkinlik yaşına çatmayan oğlunun saxlanılma şəraiti, pis rəftarla bağlı daxili vasitələrdən yararlanmağa cəhd etmədiyini də ifadə etdi.

Qərar qəti olduqdan sonra hökumət T.Yaqubluya mənəvi zərər əvəzi 8000 avro, xərc və məsrəflərə görə isə 1000 avro təzminat ödəməlidir.

İşin detalları haqda

AİHM-ə 2013-14-cü illərdə göndərilmiş bu şikayətlər T.Yaqublunun 2012-ci ilin may ayının 24-də və 25-də polislər tərəfindən iki dəfə saxlanılması ilə bağlı idi.

Ərizəçi 2012-ci ilin may ayının mayın 24-də, müxalif qüvvələrin aksiyasından bir gün əvvəl Suraxanı rayonunda saxlanılmışdı. Onun inzibati qaydada cərimə edilməsinə (20 AZN) qərar verilmişdi.

Ertəsi gün, may ayının 25-də “Sahil” metro stansiyasının yaxınlığında bu dəfə oğlu ilə birlikdə saxlanılan T.Yaqublu bir gün polisdə saxlanılmışdı. Polisin qanuni əmrinə tabe olmamağa görə günahkar bilinən ərizəçi yenidən inzibati qaydada cərimə (20 AZN) olunmuşdu. Ərizəçi hər iki işi milli məhkəmələrdə mübahisələndirmiş, amma bütün hallarda onun şikayətləri rədd olunmuşdu.

Ərizəçi AİHM-ə şikayətlərində iddia edirdi ki, barəsindəki araşdırmalar və qərarlar onun işgəncəyə məruz qalmamaq (Maddə 3, saxlanılma şəraitinin uyğunsuzluğu), azadlıq və toxunulmazlıq (Maddə 5, saxlanılmanın qanunsuzluğu) və ədalətli məhkəmə araşdırması (Maddə 6) hüquqlarına müdaxilə məzmununda olub".

Siyasət

Rəşad Ramazanov saxlanılıb

21 May 2022

Açıq mənbələrdən götürülüb

Bloger Rəşad Ramazanovun saxlandığı bildirilir.  Həyat yoldaşı Könül Ramazanova Meydan TV-yə bildirib ki, o, mayın 20-də günorta saatlarında evdən çıxarkən saxlanılıb. Könül Ramazanovanın sözlərinə görə, həyat yoldaşını əvvəlcə Sabunçu rayonu, 14-cü polis bölməsinə aparıblar.  Rəşad Ramazanov özü bölmədən evlə əlaqə saxlayıb və orada olduğunu deyib. "Mən dərhal ora getdim. Orada dedilər ki, guya Baş Narkotiklərlə Mübarizə İdarəsinin əməkdaşları saxlayıb. Bildirdilər ki, bölmədə yoxdur. Amma sonradan öyrəndim ki, Sabunçu Rayon Polis İdarəsinə aparıblar. Yenə narkotiklə şərləmək istəyirlər”, – Könül Ramazanova bildirib. O əlavə edib ki, baş verənlərlə əlaqədar həm Ombudsman Aparatına, həm də Daxili İşlər Nazirliyinin "102” zəng mərkəzinə məlumat verib....
Siyasət

Kəlbəcərdəki mövqelər atəşə tutulub

21 May 2022

Rəsmi səhifə

Ermənistan silahlı qüvvələrinin bölmələri mayın 20-si axşam saatlarında dövlət sərhədinin Basarkeçər rayonunun Aşağı Şorca yaşayış məntəqəsi istiqamətində yerləşən mövqelərindən Ordumuzun Kəlbəcər rayonunun Yellicə yaşayış məntəqəsi istiqamətində yerləşən mövqelərini atəşə tutub. Bu barədə mayın 21-də Azərbaycan Müdafiə Nazirliyinin Mətbuat xidmətindən məlumat verilib. Məlumatda bildirilib ki, Azərbaycan Ordusunun bölmələri tərəfindən adekvat cavab tədbirləri görülüb.

Seçilmiş Videolar

Toplum TV loqo