Siyasət

Azərbaycan İsraildə ilk rəsmi nümayəndəliyini açdı - reaksiyalar

Məzahir Abdurahmanov
29 İyul, 2021
2259

Rəsmi səhifə

"Azərbaycanla İsrail münasibətlərinin güclənməsinə İran ciddi reaksiya verməyəcək”.

Bunu “Toplum TV”-yə açıqlamasında siyasi şərhçi Azər Qasımlı deyib.

Bu gün İsraildə Azərbaycanın ticarət nümayəndəliyi açılıb.

İsrailin Azərbaycandakı səfiri Corc Dik “Tvitter” səhifəsində məsələyə belə münasibət bildirib:

“Həmin o gün gəldi. Bu gün biz Azərbaycan rəsmilərini İsraildə ticarət nümayəndəliyinin açılışı ilə bağlı qarşılayırıq. Bu, ölkədəki ilk rəsmi mövcudluğudur. İndi Azərbaycanın İsraildə ilk rəsmi evi var! Bu gün aramızdakı əlaqələr tarixində mühüm bir gündür. Nazir M.Cabbarov və nazir Y.Razvozov birgə lenti kəsərək Azərbaycanın İsraildəki ticarət nümayəndəliyini açıblar”.

Azər Qasımlı - Sosial Media

A.Qasımlı hesab edir ki, İsraildə Azərbaycanın ticarət nümayəndəliyinın açılmasını İran təbii ki, istəməzdi: “İran bu hadisəylə bağlı hansısa bir rəsmi nümayəndəsinin dili ilə bəyanət verərək mövqeyini bildirə bilər. Dövlət səviyyəsində hər hansı bir bəyanatın verilməsini isə gözləmirəm”.

“İsraillə münasibətləri İranın reaksiyalarına görə tənzimləyə bilmərik”

İqtisadçı Natiq Cəfərli isə hesab edir ki, Azərbaycanın İsraildə rəsmi nümayəndəlik açması iki ölkə arasında növbəti mərhələnin başlanğıcı ola bilər: 

“Azərbaycanın ilk dəfə İsraildə nümayəndəliyi fəaliyyət göstərəcək. Gələcəkdə konsulluq xidmətinin açılması, növbəti addım kimi isə səfirliyin açılması mümkündür. İsrail tərəfi bununla bağlı dəfələrlə Azərbaycana çağırışlar edib. Amma müxtəlif siyasi səbəblərdən, əsasən də qonşu İran dövlətinin ehtimal olunan reaksiyalarına görə, İsraildə səfirliyin açılması təxirə salınırdı. Bizim İranla da çox yaxşı münasibətlərimiz var və inkişaf etdirilməsi düşünülür”.

Bununla belə, ekspert zənn edir ki, İsraildə ticarət nümayəndəliyinin açılması, İranla münasibətlərin kəskin şəkildə pozulması ilə nəticələnməyəcək: “İran kəskin reaksiya verməsə belə, bəzi məsələlərdə öz narazılıqlarını göstərəcək. Məsələn, o, Ermənistanla münasibətlərini daha da sıxlaşdıra bilər. Daha ciddi iqtisadi münasibətlər qura bilər və s”.

Azər Qasımlıya görə, İsraildə ticarət nümayəndəliyinin açılmasının Azərbaycana elə də ciddi iqtisadi faydaları toxunmayacaq: “Azərbaycan iqtisadi cəhətdən müəyyən mənada qapalı ölkədir. Çünki biz Ümumdünya Ticarət Təşkilatının üzvü deyilik. Həmçinin Azərbaycanın daxilində iqtisadi azadlıqlar, mülkiyyətin toxunulmazlığı prinsipləri yoxdur. Ona görə də Azərbaycana hansısa ciddi investisiyanın qoyulması mümkünsüzdür”.

Natiq Cəfərli - Sosial Media

Natiq Cəfərli də deyir ki, bir çox ölkələrdə Azərbaycanın belə ticarət nümayəndəlikləri açılıb, amma ölkə bundan hansısa ciddi iqtisadi fayda əldə etməyib: “Çində, Rusiyada, Ərəb ölkələrinin bəzilərində Azərbaycanın ticarət nümayəndəlikləri var. Amma bu iqtisadi baxımdan ixracatın stimullaşdırılması istiqamətində ciddi effekt verməyib. Xaricdə ticarət evlərinin açılmasının məğzi ondan ibarətdir ki, ölkə ixracat məhsullarının tanıtımını həyata keçirmək və reklam kampaniyaları, iş adamları ilə əlaqələrin qurulması nəticəsində həmin ixracat mallarının satışını təşkil etmək üçün imkanlar əldə etsin. Azərbaycan (neft-qazdan başqa) nə istehsal edir ki, onu satmaq üçün ticarət nümayəndəliyinə ehtiyacı yaransın?”

“İsrail bizim ən böyük ticarət tərəfdaşlarımızdan biridir. Bizim İsrailə satdığımız məhsulun 98%-i xam neft, çox cüzi hissəsini də neft məhsulları təşkil edir. Biz  gərək istehsal potensialımızı artdıraq ki, çox çeşidli istehsal və ixracat modelinə keçək ki, sonradan onun tanıtımı ilə bağlı işlər görə bilək”, - deyə N.Cəfərli vurğulayıb. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

"Abzas Media"nın işi Xətai rayon məhkəməsinə qaytarılıb

11 Dekabr 2023
Dekabrın 11-də Bakı Apellyasiya Məhkəməsində "Abzas Media"nın direktoru Ülvi Həsənli, baş redaktoru Sevinc Vaqifqızının və onların ailə üzvlərinin bank hesablarına həbs qoyulması və bank məlumatlarının ələ keçirilməsi ilə bağlı şikayətə baxılıb. Hakim işi Xətai Rayon Məhkəməsinə geri qaytarıb.  https://toplum.tv/siyaset/puumllvi-hesenliye-tecridxanada-tezyiq-edildiyi-bildirilirp Toplum TV xəbər verir ki, Ülvi Həsənlinin vəkili Zibeydə Sadıqova "Amerikanın Səsi"nə açıqlamasında bildirib ki, məhkəmənin qərarı əsassızdır: "Biz məhkəmənin qərarından ona görə şikayət vermişik ki, məhkəmə öz qərarını əsaslandırmayıb. Biz həm də müddətin bərpasına dair vəsatətlər vermişdik. Çünki qərarlar noyabr ayında verilib, biz isə dekabr ayında xəbər tutmuşuq. Ümumiyyətlə, bizi heç məhkəməyə də dəvət etməmişdilər ki, belə bir qərarlar qəbul...
Siyasət

İran Ermənistan və Azərbaycan birgə bəyanatına münasibət bildirib

Toplum TV
11 Dekabr 2023

Rəsmi səhifə

İran Ermənistan və Azərbaycanın qarşılıqlı fəaliyyət və əməkdaşlıq, o cümlədən hər iki tərəfdən məhbusların azad edilməsi haqqında birgə bəyanatını alqışlayır. Toplum TV xəbər verir ki, bunu dekabrın 11-də İranın Xarici İşlər Nazirliyinin sözçüsü Nasir Kənani gündəlik brifinq zamanı deyib.  https://toplum.tv/siyaset/presmi-moskva-azerbaycanla-ermenistan-arasindaki-razilasmaya-muumlnasibet-bildiribp XİN sözçüsü bunu müsbət hal kimi qiymətləndirib:  "Davamlı sülhün əldə edilməsi region ölkələri arasında sülh və etimad ritorikasının gücləndirilməsini tələb edir. Ümid edirik ki, bu tədbirlər iki tərəf arasında sülh və sabitliyə gətirib çıxaracaq".  Kənani həmçinin qeyd edib ki, İran regional sülh və təhlükəsizliyin təmin edilməsində hər iki ölkəyə dəstək verməyə hazırdır.

Seçilmiş Videolar

Toplum TV loqo