Siyasət

Azərbaycan İsrailə yardım təklif etdi

17 Avqust, 2021
654

Açıq mənbələrdən götürülüb

"Azərbaycan İsraildə baş verən meşə yanğınları ilə əlaqədar kömək göstərməyə hazırdır".

Azərbaycanın Xarici İşlər Nazirliyindən avqustun 17-də yaydığı məlumatda deyilir. 

“İsraildəki güclü meşə yanğınlarını yaxından və narahatlıqla izləyirik. Azərbaycan zərurəy yaranarsa, təcili yardım göstərməyə və yanğını söndürmək səylərində ölkəyə kömək etməyə hazırdır”, - deyə qurumun rəsmi "Tvitter" hesabındakı məlumatda qeyd olunub.

İsrail bu gün Qərbi Qüdsdəki meşə yanğınlarını söndürmək üçün dünya ölkələrindən kömək istəyib. 

Məlumata görə, avqustun 15-indən başlayan meşə yanğınlarında 16 min hektardan çox meşə sahəsi kül olub. 

Siyasət

AŞPA LGBTİ  hüquqları ilə bağlı Cənubi Qafqaz ölkələrinə çağırış edib

27 Yanvar 2022

Açıq mənbələrdən götürülüb

Avropa Şurası Parlament Assambleyası Ermənistan, Azərbaycan və Gürcüstanda LGTBİ-nin (lesbiyanlar, geylər, biseksuallar, transseksuallar və interseksuallar) vəziyyəti ilə bağlı narahatlığını bildirib. "Turan"-ın məlumatına görə, Assambleyanın yanvarın 25-də qəbul edilmiş qətnaməsində (Southern Caucasus: measures to combat alleged violations of the rights of LGBTI people) bu insanların hüquqlarının pozulması haqqında çoxsaylı məlumatlar olduğu qeyd edilir. Cənubi Qafqaz ölkələri "cinsi orientasiya, gender kimliyi, gender özünüifadəsi və cinsi əlamətlərinə görə ayrı-seçkiliyin aradan qaldırılmasına yönəlmiş səmərəli qanunvericilik qəbul etməli və siyasət həyata keçirməlidir".  "Gürcüstanın ayrı-seçkiliyə qarşı mübarizədə əldə etdiyi irəliləyişi", həmçinin "Ermənistanda hazırki demokratiyaya keçid prosesi ilə bağlı yaranan imkanları" alqışlayan parlamentarilər Yerevan, Bakı və Tbilisini...
Siyasət

Xaricdə yaşayan bloger və jurnalist barəsində axtarış elan edildi

27 Yanvar 2022

Açıq mənbələrdən götürülüb

Bakı Şəhər Baş Polis İdarəsi (BŞBPİ) Avropada yaşayan azərbaycanlı mühacirlər - bloger Sadıqlı Tural Əlövsət oğlu və jurnalist Hüseynov Fikrət Nurəli oğlu barəsində axtarış elan edib. Bu barədə yanvarın 27-də "Report" hüquq-mühafizə orqanlarına istinadən xəbər yayıb.  Məlumata görə, T.Sadıqlı barəsində Azərbaycan Cinayət Məcəlləsinin 178.3.1-ci (Dələduzluq, mütəşəkkil dəstə tərəfindən törədildikdə), F.Hüseynov barəsində isə 178.3.1-ci (Dələduzluq, mütəşəkkil dəstə tərəfindən törədildikdə), 318-1.2-ci (Qanunsuz miqrasiyanın təşkili) 320.1-ci (Rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama, satma və ya saxta sənədlərdən istifadə etmə) maddələri ilə axtarışa verilib. T.Sadıqlı Almaniyada, F.Hüseynov isə Niderlandda yaşayır.
Seçilmiş Videolar