Siyasət

Azərbaycan Milli Platforması Cəmil Həsənlinin qızına qarşı törədilən təxribatla bağlı bəyanat verdi

Nigar Səmədli
31 Mart, 2021
538

Açıq mənbələrdən götürülüb

Avropa İttifaqı Şərq Tərəfdaşlığı Vətəndaş Cəmiyyəti Forumunun Azərbaycan Milli Platformasının üzvləri bəyanat yayıb.

Bu barədə platformanın üzvləri martın 30-da sosial şəbəkədə paylaşım edib.

Bəyanatda qeyd olunur ki,  üzvlər son günlər bir qrup Azərbaycan vətəndaşına, o cümlədən ictimai fəallara, QHT təmsilçilərinə və siyasətçilərə qarşı şantaj xarakterli intim videoların yayılmasını, onlara qarşı əxlaqsız kampaniyaların təşkilini qətiyyətlə pisləyir və bunları mənəvi terror hesab edir. 

Martın 28-də Milli Şuranın sədri Cəmil Həsənlinin qızı Günel Həsənliyə aid olduğu iddia edilən  intim görüntülər  yayılıb. C.Həsənli bu görüntülərin yayılmasında Azərbaycan hakimiyyətini ittiham edib.

“Biz, hesab edirik ki, kimliyindən, statusundan asılı və siyasi mövqeyindən olmayaraq istənilən şəxsə qarşı bu cür çirkin kampaniyanın aparılması şəxsiyyətin və ləyaqətin alçaldılmasıdır və belə addımlar cəmiyyətdə mövcud olan gərginliyi daha da artırır. Milli Platforma bir daha Avropa İnsan Hüquqları Konvensiyasının 8-ci maddəsilə təmin edilməli olan şəxsi və ailə həyatına hörmət hüququ, Azərbaycan Respublikasının Konstitusiyasının 32-ci maddəsi ilə təmin edilməli olan şəxsi toxunulmazlıq hüququnu xatırladaraq, bu əməllərin Azərbaycan Respublikası Cinayət Məcəlləsinin 156-cı maddəsilə şəxsi həyata qarşı cinayət əməli olmasını qeyd edir və məsələnin ictimai əhəmiyyətini vurğulayaraq aidiyyatı qurumları, xüsusilə də Baş prokurorluğu bu əməllərlə bağlı cinayət işi açmağa, kibercinayətkarların tapılaraq cəzalandırılmasına çağırır” – deyə, bəyanatda qeyd olunur.

1. Səbuhi Qafarov 
2. Bəxtiyar Hacıyev 
3. Elçin Abdullayev
4. Fuad Həsənov 
5. Anar Məmmədli 
6. Emin Hüseynov 
7. Cəsur Məmmədov 
8. Qubad İbadoğlu 
9. İlqar Hüseynli 
10. Xalid Vahidoğlu 
11. Sevil Yüzbaşova 
12. Aynurə Abdullayeva 
13. Leyla Əliyeva 
14. Əliməmməd Nuriyev 
15. Şəhla İsmayıl 
16. Ziya Quliyev 
17. Himayət Rizvanqızı 
18. Sevil Allahverdiyeva 
19. Samir Əliyev 
20. Rübabə Hüseynli 
21. Əvəz Həsənov 
22. Bəşir Süleymanlı 
23. Vüsalə Hüseynli 
24. İradə Cavadova 
25. Rafiq Təmrazov 
26. Anar Orucov
27. Zaur Əkbər
28. Ruhəngiz Hüseynova
29. Səbinə Ələkbrova
30. Eldar Zeynalov
31. Sabit Bağırov
32. Zaur İbrahimli
33. Qalib Toğrul
34. İlyas Səfərli

Siyasət

Yalçın İmanov: “Anar Bağırov ya vəkillərin könlünü alır, ya da manipulyasiya edir”

Məzahir Abdurahmanov
23 Sentyabr 2021

Ona

“Dəyişikliklər edildikdən sonra bununla bağlı özünü sığortalamaq üçün fikir bildirmək manipulyasiya və ya könül almaq üçün atılan addımdır”. Vəkil Yalçın İmanov Vəkillər Kollegiyasının sədri Anar Bağırovun məhkəmədə vəsatətlərin rədd edilməsi ilə bağlı həm həmkarlarına, həm də hakim korpusuna etdiyi müraciət haqqında “Toplum TV”-yə danışarkən belə deyir.   Anar Bağırov sentyabrın 22-də “Feysbuk” hesabında yazıb ki, qanunvericiliyə görə rədd edilən vəsatətin əsaslandırılması məcburidir.  “Vəsatətə əsasən qəbul edilmiş qərar əsaslandırılmalı və həmin qərarda ərizəçinin dəlillərinə verilmiş qiymət əksini tapmalıdır. Cinayət təqibi ilə bağlı bütün halların hərtərəfli, tam və obyektiv araşdırılmasına, cinayət prosesi iştirakçılarının pozulmuş hüquqlarının və qanuni mənafelərinin bərpa edilməsinə yönəldilmiş vəsatət...
Siyasət

ABŞ Konqresi "Azərbaycanın hərbi cinayətləri" ilə bağlı bəyanat qəbul etdi

23 Sentyabr 2021

AA

ABŞ Nümayəndələr Palatası İkinci Qarabağ müharibəsi kontekstində Azərbaycanla bağlı bəyanat qəbul edib.  Konqresin saytının sentyabrın 23-də verdiyi məlumata görə, bəyanatda "erməni əsir və girovlar”ın dərhal azad edilməsi tələb olunur, müdafiə nazirinə isə Azərbaycanın hərbi cinayətləri, o cümlədən qadağan olunmuş silahlardan istifadəsi, eləcə də türk PUA-larında Amerika texnologiyalarından istifadə haqqında hesabat hazırlamaq tapşırılır. Bəyanatda bildirilir ki, Azərbaycan imzaladığı Üçüncü Cenevrə Konvensiyasının ziddinə olaraq "erməni əsirləri" qaytarmaqdan imtina edir. Müharibə zamanı Azərbaycanda əsirlərlə amansız davranıldığı da qeyd olunub.  “Bütün bunlar Azərbaycanın uzunmüddətli sülh danışıqlarına dair sadiqliyinə ciddi şübhələr yaradır”, - sənəddə deyilir. Konqresmenlər hesab edirlər ki, ABŞ Prezidenti Co Bayden beynəlxalq hüququn...
Seçilmiş Videolar