Siyasət

Azərbaycan-Rusiya işgüzar görüşündə Anlaşma Memorandumu: Azərbaycanın xeyri nə olacaq?

Məzahir Abdurahmanov
23 İyul, 2021
300

Sosial Media

“Azərbaycan-Rusiya işgüzar görüşündə komminikasiyaların açılması məsələsi də müzakirə oluna bilər. Rusiya bu mövzuda daha israrlıdır”.

İqtisadçı Natiq Cəfərli “Toplum TV”-yə açıqlamasında belə deyib.

Bu gün Bakıda Azərbaycan və Rusiya arasında iqtisadiyyat naziri Mikayıl Cabbarovun da iştirak etdiyi işgüzar görüş keçirilib və iki ölkənin birgə lizinq şirkəti yaratması ilə bağlı Anlaşma Memorandumu imzalanıb.

Müştərək şirkəti Azərbaycanın “Gəncə Avtomobil Zavodu” (GAZ) İstehsalat Birliyi və Rusiyanın “KamAZ” şirkəti yaradır.

Yeni şirkət "KamAZ" markalı avtomobillərin və onların qoşqularının Azərbaycanda satışı ilə məşğul olacaq.

Bu xəbəri şərh edən N.Cəfərli deyir ki, layihənin detallarını biləndən sonra daha konkret fikir bildirmək olar: “Bir var istehsal, bir var yığma. Azərbaycanda heç vaxt yük avtomobili, qoşqu, traktor istehsal olunmayıb, həmişə kənardan gətirilən hazır hissələr yığılıb. Detalların ən azı 20-25%-i ölkədə olunanda həm yerli maşınqayırma saneyisi inkişaf edir, həm yeni iş yerləri açılır. Yeni layihədə söhbət detalların gətirilib yığılmasından gedirsə, bunun ciddi effekt verəcəyini düşünmürəm”.

“Prezident İlham Əliyevin Moskva səfərindən sonra Rusiya Prezidenti belə bir anons vermişdi ki, yaxın zamanlarda Rusiyanın müxtəlif nazirliklərinin nümayəndələri Azərbaycana gələcəklər və bir çox həll olunmamış məsələlərin birlikdə müzakirəsi təşkil ediləcək. Hesab edirəm ki, görüşdə komminikasiyaların açılması məsələsi də müzakirə oluna bilər. Rusiya bu mövzuda daha israrlıdır. Çünki Zəngəzur koridorunun istifadəyə verilməsi Rusiyanın Ermənistandakı hərbi bazalarının təhcizatının və digər iqtisadi maraqlarının təminatında Gürcüstandan asılılığını və xərclərini xeyli azaldacaq. Gürcüstan üzərindən yük daşımalarda ciddi problemlər yaşanırdı, Rusiya ağır yük təyyarələri ilə Ermənistana yük daşımağa məcbur olurdu”.

Azərbaycan Prezidenti İlham Əliyevlə Rusiya Prezidenti Vladimir Putinin görüşündən sonra ikincisiylə Ermənistanın Baş naziri Nikol Paşinyan arasında telefon danışdığı olduğunu xatırladan iqtisadçı deyir ki, həmin danışıqla bağlı xəbərlərdə məhz kommunikasi məsələsinin müzakirə olunduğu vurğulanıb.

Siyasət

Maqsud Mahmudov Ukraynada tutularaq Azərbaycana gətirilib

18 Sentyabr 2021

Sosial Media

Bloger kimi M. Mahmudov dələduzluqda ittiham olunur Baş Prokurorluq və Daxili İşlər Nazirliyinin birgə məlumatında bildirilir ki, 2020-ci ilin yanvar ayının 10-dan Cinayət Məcəlləsinin 178.3.2 (dələduzluq külli miqdarda ziyan vurmaqla törədildikdə) maddəsi ilə Daxili İşlər Nazirliyi tərəfindən beynəlxalq axtarışa verilmiş Mahmudov Maqsud Soltan oğlu bu il iyul ayında Ukrayna Respublikası ərazisində tutulub. Sentyabrın 18-də o, Ukraynadan Azərbaycana gətirilərək istintaqa təhvil verilib. M. Mahmudov Azərbaycan hakimiyyətini və ictimai şəxslər kimi tanınan vətandaşları sərt söyüşlə təhqir və tənqid edən bloger kimi tanınır. Bakıda hökumət əleyhinə aksiyaların iştirakçısı olub.
Siyasət

Rusiyanın hərbi gəmiləri Bakıya gəlib

18 Sentyabr 2021
Rusiya Hərbi Dəniz Qüvvələrinin nümayəndə heyəti Azərbaycana səfərə gəlib. "Report"un xəbərinə görə, Rusiya Hərbi Dəniz Qüvvələrinə məxsus "Astraxan" və "Anatoli Qujvin" hərbi gəmiləri ilə gələn nümayəndələr Bakı Dəniz Limanında hərbi orkestrin müşayiəti ilə qarşılanıb. Qarşılama mərasimində Azərbaycan Hərbi Dəniz Qüvvələrinin rəsmiləri, Rusiyanın Azərbaycandakı səfirliyinin və hərbi atteşesinin nümayəndələri iştirak ediblər.
Seçilmiş Videolar