Siyasət

Azərbaycanda internet niyə azad deyil? -  ""Freedom House"-un hesabatı obyektivdir"  

24 Sentyabr, 2021
1460

Açıq mənbələrdən götürülüb

""Bu statistikanı “Freedom House” yayıb, o, tərəfkeşdir, müharibədə də əleyhimizə olmuşdu" - kimi ifadələrdən uzaq durmaq lazımdır. Düzdür, “Freedom House” hansısa hesabatında obyektiv olmaya bilər, ancaq bu hesabatı çox obyektivdir və reallığı ortaya qoyub”.  
 
Bunu hüquqşunas Ələsgər Məmmədli “Freedom House”-un internet azadlığı ilə bağlı hesabatını “Toplum TV”-yə şərh edərkən deyib.  
 
“Freedom House”-un yaydığı hesabata görə, Azərbaycan 35 balla interneti azad olmayan ölkələr sırasındadır.  
 
Bu sıralamaya 0-39 bal yığan ölkələr salınıb. Azərbaycanla yanaşı Qazaxıstan (33), Belarus (31), Rusiya (31), İran (16) da interneti azad olmayan ölkələrdir.  
 
Gürcüstan 77, Ermənistan isə 71 balla interneti azad ölkələr hesab olunub.  
 
Ukrayna (62), Qırğızıstan (53) interneti qismən azad ölkələrdir.  
 
Azərbaycan daha öncəki hesabatlarda da interneti qeyri-azad ölkə hesab olunub.  
 
Ancaq hakimiyyət təmsilçiləri internetin azad olmaması fikirlərini qəbul etmirlər.  
 
Ölkədə bütün təməl hüquq və azadlıqların tam təmin olunduğu bildirilir.  
 
“Turan İnformasiya Agentliyinin” redaktoru Şahin Hacıyev deyir ki, bu statistika obyektivdir: “Burada söhbət internetdə azad fikrin ifadəsinə görə təzyiqin, cəzanın olub-olmamasından gedir. Bu yanaşma ilə həmin hesabat obyektivdir. Ermənistanda internet bizə nisbətən daha azaddır. Beynəlxalq təşkilat internetin azadlığını qiymətləndirərkən internetdə azad fikir söyləyən şəxslərin cəzalandırılıb-cəzalandırılmadığına, əgər cəzalandırılırsa, hansı nisbətdə, hansı fikrə görə olduğuna, qanuni cəhətdən düzgün olub-olmadığına diqqət edir”.  

Şahin Hacıyev - Açıq mənbələrdən götürülüb


Ələsgər Məmmədli də bu hesabatın reallığı əks etdirdiyini deyir: “Təəssüf edirəm ki, biz bu obyektiv reallıqda azad olmayan ölkələr kataqoriyasına düşmüşük. Əslində, bu, öncədən bəlli idi. 2017-ci ilə qədərki dövrə diqqət etsək, Azərbaycanın balı 40-dan yuxarı olurdu və azad olmayan ölkələr siyahısında deyil, qismən azad ölkələr katoqriyasına aid edilirdi. 2017-ci ildə qanunvericlikdə sərt dəyişikliklər edildi. Bu dəyişikliklərə görə məhkəmə qərarı olmadan inzibati orqanlara internet resurslarını bloklama səlahiyyəti verildi. Sonradan da bunun sürətlə, sıx tədbiq olunması bu nəticənin ortaya çıxmasına səbəb oldu”.  
  
Hüquqşunas qeyd edir ki, Azərbaycan internet sürətində də geriləyib: “Azərbaycan internet sürətinə görə də dünyada 102-ci yerdən 167-ci yerə qədər geriləyib. Dünya ortalamasından 5 dəfə geri qalıb. Bu, çox üzücü haldır. Səbəbi də bəllidir. Birincisi, infrastruktur qurulmur, ikincisi, ölkəni internetlə təchiz edən qurumlar müxtəlif filter proqramlar vasitəsilə sürəti zəiflədirlər”.  
 
Ə.Məmmədli hesab edir ki, bu problemlərin aradan qaldırılmasında hökumətin üzərinə böyük məsuliyyət düşür: “Gürcüstan və Ermənistanda yüksək ballar var. Bunun səbəbi orada internetə süni müdaxilələrin daha az olması, məhkəmə qərarı olmadan blok oluna bilməməsi, bizdə olduğu qədər müdaxilələrin olmamasıdır. Bu baxımdan bu istiqamətdə hökumətdə yeni bir açılım olması vacibdir. Bu açılım hüquqi mühitin liberallaşması, beynəlxalq standartlara uyğun olmayan məhdudiyyətlərin aradan qaldırılması baxımından vacibdir. Eyni zamanda, ikinci problem kontentə müdaxilə məsələsidir. İstər sosial şəbəkələrə, istər internet media resuslarına məhkəmə qərarı olmadan çox sürətlə müdaxilələr ola bilir”.  

Ələsgər Məmmədli - Sosial Media


 
Jurnalistlərin Həmkarlar İttifaqının sədri Müşfiq Ələsgərli isə bu hesabatla razılaşmır. 
 
O deyir ki, “Freedom House”un hesabatında əks olunan durumla Azərbaycandakı vəziyyət kəskin şəkildə fərqlənir: “Azərbaycanda internetin durumunun çox yüksək səviyyədə olduğunu iddia eləmirik. Təbii ki, internetdə müəyyən problemlər var və aradan qaldırılmalıdır. Ancaq “Freedom House”-un hesabatı Azərbaycandakı interneti həm məzmun baxımından, həm də texniki proplemlər baxımından düzgün ifadə etmir”. 
 
Müşfiq Ələsgərlinin sözlərinə görə, Ermənistanın Azərbaycandan öndə olduğunu göstərmək ondan xəbər verir ki, hesabat real faktlara əsaslanmır: "Bu hesabat qeyri-obyektivdir, reallıqla heç bir əlaqəsi yoxdur. Başqa ölkələri deyə bilmərəm, ancaq Ermənistanla biz rəqib olduğumuza görə, Ermənistanda olan həm ifadə, həm media, həm də intermet azadlığını izləyirik. Ermənistandakı internet azadlığının “Freedom House”-un hesabatında təsvir edildiyindən qat-qat pis olduğunu biz bilirik”. 

Müşviq Ələsgərli - Sputnik


 Onun fikrincə, hesabat Ermənistandakı vəziyyəti süni şəkildə normal, Azərbaycandakı vəziyyəti isə şəkildə pis göstərir: “Ermənistanda olan vəziyyəti onlar ciddiyə almır, ordakı neqativ faktarı qeydə almayıblar. Əgər “Freedom House” müraciət etsə, mən Ermənistandakı ifadə, mətbuat və internet azadlığı ilə bağlı yüzlərlə neqativ  faktı çatdıra bilərəm. Məsələn, 2020-ci ilin noyabrında Ermənistan Jurnalistlər Birliyinin rəhbərinin medianın çox acınaqlı durumda olması ilə bağlı bəyanatı var. Təəssüf ki, biz Ermənistanda olan bu neqativ faktları, özlərinin verdiyi bəyanatı belə “Freedom House”-un saytında, hesabatında görmürük”.  
 
"ABŞ Konqresi 44 günlük müharibəyə görə Azərbaycanı ittiham edir. ABŞ-ın Ermənistandakı səfiri Dağlıq Qarabağa status tələb edir, eləcə də bir ABŞ təşkilatı olaraq “Freedom House” eyni formada Azərbaycanı gözdən salma siyasəti yürüdür”, - Ələsgərli belə deyir.  
 
Onun sözlərinə görə, bu hesabat ümumi müşahidələr nəticəsində aparılır: ““Freedom House” apardığı araşdırmada nəzərə aldıqları meyarları bizə təqdim etmir. Beynəlxalq təşkilatların hər birinin ölkə üzrə təmsilçiləri olur. Belə hesabatlar aparılarkən ölkə üzrə yerli təmsilçilərdən rəy və mövqe alınır. “Freedom House”-un bu hesabatı hansı prinsiplər üzrə apardığı məlum deyil”.  
 
“Freedom House” artıq 11-ci ildir qlobal internet azadlığının pisləşdiyini qeyd edir.  
 
Ən böyük geriləmə Myanma, Belarus, Uqandada qeydə alınıb.  
 
Hesabatda qeyd olunur ki, bu ölkələrdə dövlətə məxsus qüvvələr seçki və konstitusiya böhranlarında zorakı davranıblar. Hökumətlərin istifadəçi hüquqları ilə bağlı texnologiya şirkətləri ilə toqquşduğu qeyd da olunur. Azı 48 ölkənin hakim orqanları son bir ildə kontent, data və rəqabətlə bağlı texnologiya şirkətləri üçün yeni qaydalar tətbiq ediblər. 
 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo