Siyasət

Bakıda etiraz aksiyası keçirilib, saxlanıların olduğu deyilir

Məzahir Abdurahmanov
14 May, 2022
194

Toplum Tv

Mayın 14-də bir qrup ictimai fəal və jurnalist Fəvvarələr Meydanında etiraz aksiyası keçirib. Onlar ölkədə son vaxtlar jurnalist və ictimai fəallara qarşı törədilmiş cinayətlərə, artan zorakılığa və cəzasızlığa etiraz etdiklərini bildiriblər. 

Aksiyada “Kriminal dövlət istəmirik”, “Öldürmə ədaləti, dayandır cinayəti” kimi şüarlar səsləndirilib.

Yürüş iştirakçılarının qətnaməsində ictimai fəallara, müxalifətçilərə və jurnalsitələrə qarşı cinayətlər pislənib.

Təşkilatçılar rəsmi qurumlarla razılaşdırılmayan aksiyada 20-dən çox şəxsin polis tərəfindən saxlanıldığını deyirlər.

Saxlanılanların bunlar olduğu deyilir: Kamran Məmmədli, Cavid Nəbiyev, Emin Xəlilli,Nurlan Libre, Novruz Əliyev, Samir Sultanov, Afiəddin Məmmədov, Əhməd Məmmədli, Səməd Səmədov, Samir Axundzadə, Elnur Abbasov, Rüstəm İsmayılbəyli, Zakir Bayramov, Mehman Hüseynov, Ülvi Həsənli, Fuad Əhmədli, Əziz Məmiyev, Alı Alızadə, Fuad Əhmədli, Tofiq Yaqublu, Babək Həsənov, İlkin Rüstəmzadə, Əmrah Təhmə. 

Daxili İşlər Nazirliyindən “Qafqazinfo”-ya bildirilib ki, aksiyada heç bir insident qeydə alınmayıb, saxlanılan olmayıb.

Siyasət

DİN: Böyük Britaniya səfirliyinin yanlış məlumat yayması qəbuledilməzdir

17 May 2022

Toplum Tv

Daxili İşlər Nazirliyi Böyük Britaniyanın Azərbaycandakı Səfirliyinin 14 may aksiyasnda polisin aksiyaya müdaxilə etməsi saxlanılan şəxslərin olması barədə məlumatına münasibət bildirib. Toplum Tv DİN-in rəsmi saytında dərc olunan bəyanatda deyilir ki, mayın 14-də bir qrup şəxs Səbail rayonu ərazisindəki “Fəvvarələr meydanı”nda müvafiq dövlət qurumları ilə razılaşdırılmamış aksiya keçirib: “Bu aksiyanın Azərbaycan Respublikasının "Sərbəst toplaşmaq azadlığı haqqında" Qanununa zidd keçirilməsinə baxmayaraq polis əməkdaşları tərəfindən aksiyaya müdaxilə edilməyib, əksinə iştirakçıların təhlükəsizliyi təmin olunub və aksiyanın yekununda müvafiq bəyanat səsləndirilib. Aksiya zamanı hər hansı insident qeydə alınmayıb və saxlanılan olmayıb”. Toplum Tv DİN vurğulayır ki, Böyük Britaniyanın Azərbaycandakı Səfirliyinin polisin aksiyaya ciddi müdaxilə...
Siyasət

Əliyev Tokayevi Azərbaycana dəvət edib

17 May 2022

president.az

Qazaxıstanın Prezidenti Kasım-Jomart Tokayev Azərbaycana səfər edəcək. "president.az”ın məlumatına görə, bu gün, mayın 17-də Azərbaycan Prezidenti İlham Əliyev Qazaxıstan Prezidenti Kasım-Jomart Tokayevə zəng edib. “İlham Əliyev Kasım-Jomart Tokayevi Azərbaycana rəsmi səfərə dəvət edib. Dəvət məmnunluqla qəbul olunub", - məlumatda qeyd olunub. Dövlət başçıları iki ölkə arasında ikitərəfli dostluq münasibətlərinin müxtəlif sahələrdə uğurla inkişaf etdiyini vurğulayaraq, əlaqələrin bundan sonra da genişlənəcəyinə əminliklərini ifadə ediblər

Seçilmiş Videolar

Toplum TV loqo