Siyasət

Bakıda yürüş təyin edildi – “Zorakılığa cəmiyyət olaraq etiraz etməsək, daha ağır cinayətlər baş verəcək”

Məzahir Abdurahmanov
11 May, 2022
757

Toplum Tv

"Biz kriminal dövlətdə yaşamaq istəmədiyimiz üçün yürüş təşkil etmişik"

İctimai fəal Gülnarə Mehdiyeva 14 mayda baş tutatacaq yürüşün tələbləri barədə "Toplum TV"-yə danışarkən belə deyib.

Bir qrup ictimai fəal 14 may Fəvvarələr meydanında mitinq təyin edib. Aksiyada itirak etmək niyyətində olan jurnalistlər, vətəndaş cəmiyyəti nümayəndələri ölkədə son vaxtlar tanınmış ictimai-siyasi şəxslərə qarşı törədilmiş cinayətlərə, artan zorakılığa və cəzasızlığa etiraz edəcəklərini qeyd edirlər.

Aksiyanın Təşkilat Komitəsinin siyahısına aşağıdakı şəxslər daxildir:

1) Bəxtiyar Hacıyev

2) Ülvi Həsənli

3) Mehman Hüseynov

4) İlkin Rüstəmzadə

5) Zaur Əkbər

6) Rüfət Səfərov

7) Əhməd Məmmədli

8. Əziz Məmiyev

9) Rüstəm İsmayılbəyli

10) Tofiq Yaqublu

11) Nərmin Şahmarzadə

12) Ruslan İzzətli

13) Gülnara Mehdiyeva

14) Fuad Əhmədli

15) Fatimə Mövlamlı

16) Fikrət Cəfərli

17) Rəbiyyə Məmmədova

18) Qiyas İbrahim

19) Nemət Kərimli

20) Səxavət Soltanlı

21) Elmir Abbasov

22) Sənubər Heydərova

23) Fərid İmanov

G.Mehdiyeva söyləyir ki, ictimai-siyasi şəxslərə qarşı törədilmiş cinayətlərə, artan zorakılığa cəmiyyət olaraq etiraz etməsək, daha ağır cinayətlər, o cümlədən, siyasi qətllər baş verəcək:

"Son 6 ayda baş verən bir çox cinayətlər siravi insanlar tərəfindən törədilməyib. Burada hökumətin əlinin olduğuna dair ciddi şübhələr var. Məsələn, Tofiq Yaqublunun polis tərəfindən saxlanıldıqdan sonra amansızca döyülməsi, işgəncəyə məruz qalması, ardınca Əvəz Hafizlinin dəfələrlə ölüm təhlükəsində olduğunu desə də, şikayətlər etsə də Dövlət Təhlükəsizlik Xidməti açıq şəkildə dedi ki, biz bu işlə məşğul olmuruq. Nəticədə Əvəz Hafizli nifrət nitqinin qurbanı oldu və öldürüldü. Bəxtiyar Hacıyevin oğurlanması, hədələnməsində də dövlətin əli var. Ardınca Aytən Məmmədovanın boğazına bıçaq dirənməsi hadisəsi baş verdi. Biz bilirik ki, Azərbaycan hökumətinin əlində böyük resurslar var və istəsələr, qısa müddətdə cinayəti törədən şəxsləri tapa bilərlər. Əgər tapmırlarsa, deməli maraqları yoxdur. Bütün bunlar bizi təkcə ictimai fəal kimi yox, adi vətəndaş kimi də qorxudur. Binanın girişinə daxil olanda düşünürük ki, görən, bizi orda kimsə gözləyir, ya yox, küçəni təşvişlə keçirik. Sivil, normal dövlətdə belə hallar yaşana bilməz. Biz bunun qarşısını vaxtında almalıyıq".

Gülnara Mehdiyeva - sosial media

İctimai fəal İlkin Rüstəmzadə qeyd edir ki, onlar siyasi fəallara, jurnalistlərə, vətəndaş cəmiyyət fəallarına qarşı terrorun dayandırılmasını tələb edirlər: "Tofiq Yaqublunun döyülməsi , Əvəz Hafizlinin öldürülməsi, Bəxtiyar Hacıyevin, Aytən Məmmədovanın başına gələnlər və dövlətin bu hadisələr reaksiyasızlığı onu göstərir ki, Azərbaycanda dövlət vətəndaş cəmiyyətinə və fəallara qarşı artıq çox ağır cəzalandırma metodları seçib. Bu proseslər dayandırılmalıdır".

İlkin Rüstəmzadə -sosial media

G.Mehdiyava söyləyr ki, aksiyanın baş tutması üçün heç bir quruma müraciət edilməyəcək: "İcazəli aksiya deyə bir anlayış yoxdur. Qanunvericilikdə baş tutacaq aksiya haqqında xəbərdarlıq edilməsi nəzərdə tutulur. Biz də Təşkilat Komitəsi olaraq qərara gəldik ki, sosial şəbəkələrdə etiraz aksiyası ilə bağlı paylaşımlarımız artıq xəbərdarlıq xarakteri daşıyır. Ona görə də hansısa quruma müraciət etməyi nəzərdə tutmuruq".

Daxili İşlər Nazirliyinin mətbuat xidmətinin şöbə rəisi Elşad Hacıyev sözlərinə görə, sözügedən yürüşə polis müdaxilə edəcək. "İcazəsiz, müvafiq icra orqanından saksiyalaşdırılmayan bütün aksiyaların, qanunsuz təşkil edilən tədbirlərin qarşısı polis tərəfindən alınacaq", - deyə o qeyd edib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Prezident səfirliyə hücumun qarşısını alanları təltif edib 

3 Fevral 2023

Açıq mənbələrdən götürülüb

Azərbaycanın İrandakı səfirliyinə qarşı törədilmiş terror aktının qarşısının alınmasında iştirak etmiş şəxslər təltif olunub.  Toplum Tv xəbər verir ki, bu barədə fevralın 3-də Prezident İlham Əliyev sərəncam imzalayıb.  https://toplum.tv/siyaset/pilham-eliyev-iran-polisi-her-hansi-ciddi-tedbir-goumlrmeyibp Sərəncama əsasən, yanvarın 27-də Azərbaycanın İrandakı səfirliyinə qarşı törədilmiş terror aktının qarşısının alınması zamanı həyat və sağlamlıq üçün real təhlükə şəraitində xidməti borcu yerinə yetirərkən mərd və qətiyyətli hərəkətlərinə görə, Tağıyev Vasif Natiq oğlu 1-ci dərəcəli “Rəşadət” ordeni ilə təltif olunub. Həmçinin Əsgərov Orxan Rizvan oğlu (ölümündən sonra) və İmanov Mahir Kamil oğlu “Vətən uğrunda” medalına layiq görülüblər. Xatırlatma Azərbaycanın Tehrandakı səfirliyinə hücum yanvarın 27-si səhər saat 8:30 radələrində baş verib....
Siyasət

Prokurorluq: Tələbələrdən rüşvət alan dekan həbs edilib

3 Fevral 2023

Açıq mənbələrdən götürülüb

Aqrar Universitetin korrupsiya əməllərinə yol vermiş vəzifəli şəxsi barəsində cinayət işi başlanıb. Toplum TV xəbər verir ki, bu barədə fevralın 3-də Baş Prokurorluq məlumat yayıb. Bildirilir ki, Baş prokuror yanında Korrupsiyaya qarşı Mübarizə Baş İdarəsi tərəfindən həyata keçirilmiş əməliyyat-axtarış tədbirləri nəticəsində tələbələrdən rüşvət alan vəzifəli şəxsin qanunsuz əməlləri ifşa edilib. https://toplum.tv/iqtisadiyyat/pazerbaycanda-ruumlsvetxorluq-artib-hesabatp "Azərbaycan Dövlət Aqrar Universitetində dekan işləyən Famil Nəsibovun rəhbərlik etdiyi fakültənin bəzi tələblərinin dərslərdə iştirak etməməsi və imtahanlarda məqbul qiymətlər yazılması müqabilində rüşvət almasına əsaslı şübhələr müəyyən edilib. Famil Nəsibovun üzərində və xidməti otağında aparılan axtarış zamanı iş üçün əhəmiyyət kəsb edən sübutlar aşkar edilərək götürülüb", - deyə məlumatda...

Seçilmiş Videolar

Toplum TV loqo