Siyasət

Baş Prokurorluq ictimai fəala "facebook" postuna görə xəbərdarlıq edib

Aytac Məmmədli
4 Avqust, 2022
136

Sosial Media

Bu gün, avqustun 4-də ictimai fəal Rüstəm İsmayılbəyli Baş Prokurorluğa çağırılıb. 
 
Ona "facebook"da yazdığı statusuna görə, Prokurorluq haqqında qanunun 22-ci maddəsilə (Xəbərdarlıq) rəsmi xəbərdarlıq edilib. 
 
İctimai fəal "Toplum TV"-yə bildirib ki, o, Atatürkün "Xalqın azadlığına təhlükə olmadığı müddətcə müharibə başlatmaq cinayətdir" cümləsini status kimi yazdığı üçün Prokurorluğa çağrılıb.  

https://toplum.tv/siyaset/mudafie-nazirliyinden-qarabagdaki-emeliyyatlarla-bagli-aciqlama
 
"Prokurorluq Azərbaycan ordusunu cinayətkar adlandırıram deyə düşünüb. Mən də izahatda bildirdim ki, o, Atatürkün sözüdür və mən yazıda bildirməmişəm ki, müharibəni kim başladıb. Müharibə başlatmaq cinayətdir sözündən Azərbaycan dövləti cinayətkardır fikrini çıxartmaq mümkün deyil", - deyə R. İsmayılbəyli söyləyib.  
 
İctimai fəal 2 saatdan çox Baş Prokurorluqda saxlanıldığını bildirib.

Siyasət

İsrailin Azərbaycandakı səfiri İran barədə: Bu qatil rejimin hədələrini ciddi qəbul edin

16 Avqust 2022

Sosial mediadan skrinşot

İsrailin Azərbaycandakı səfiri Corc Dik bu gün, avqustun 16-da "tvitter"də britaniyalı yazıçı Salman Rüşdinin bıçaqlanmasıyla bağlı video müraciət yayıb.  Corc Dik müraciətində deyib:  "İranın Azərbaycandakı səfiri yaxınlarda məni ölümlə təhdid etdi. O, "tvitter"də yazdı ki, mən qırmızı xətti keçmişəm, ona görə də İran xalqı məni dəfn edəcək. İndi siz Salman Rüşdinin bıçaqlandığını eşidərkən mənim nə düşündüyümü təsəvvür edə bilərsiniz. Çünki İran həm də demişdi ki, o, [Salman Rüşdi] qırmızı xətti keçib və onu da ölümlə hədələmişdi. Və terrorçu onu günün günorta çağl öldürməyə cəhd etdi. Ona görə də indi siz mənim müəyyən qədər şəxsi hisslərimi təsəvvür edə bilərsiniz.  https://toplum.tv/siyaset/iranin-azerbaycandaki-sefiri-israilli-hemkarini-tehdid-etdi Həftələr...
Siyasət

Qarabağ Azadlıq Təşkilatı adını dəyişir, partiyaya çevrilir

16 Avqust 2022

Açıq mənbələrdən götürülüb

Qarabağ Azadlıq Təşkilatı adını dəyişib Azad Vətən Partiyasına çevriləcək.  Bunu təşkilatın sədri Akif Nağı avqustun 16-da APA-ya açıqlamasında deyib. Onun sözlərinə görə, qanunvericilik təşkilatın yenidən təşkilinə icazə verir. Bununla əlaqədar Təşkilat Komitəsi yaradılıb, sabah qurultay keçiriləcək. Qurultayda Qarabağ Azadlıq Təşkilatının Azad Vətən Partiyasına çevrilməsi barədə qərar qəbul ediləcək. Partiya sədrliyinə namizəd Akif Nağıdır. "Qarabağ Azadlıq Təşkilatı" - 1993-cü ildə yaradılıb.  Təşkilatın ilk adı Qarabağ Azadlıq Hərəkatı olub, 2000- ci il yanvarın 28-də keçirilən qurultayda adın indiki forması - Qarabağ Azadlıq Təşkilatı qəbul olunub. 

Seçilmiş Videolar

Toplum TV loqo