Siyasət
Bayden: "Vaşinqtondakı iğtişaşları Tramp təşkil edib"
14 Yanvar, 2021
Baxış: 47
FOTO: BBC

ABŞ-ın yeni seçilmiş prezidenti Co Bayden yanvarın 6-da Kapitolidə baş verən iğtişaşların prezident səlahiyyətlərini icra edən Donald Tramp tərəfindən təşkil edildiyini və qarışıqlıqların planlaşdırılmış xarakter daşıdığını ehtimal edir. 

Bu barədə yerli vaxtla yanvarın 13-də CNN məlumat verib. 

"Keçən həftə demokratik sistemimizə misli görünməmiş hücumun şahidi olduq. Bizim 244 yaşlı tariximizdə heç vaxt buna bənzər bir şey baş verməyib", - Bayden bəyanatında bildirib. 

O, hücumun koordinasiya edilmiş və planlaşdırılmış xarakter daşıdığını deyib: "Bunu prezident Trampın qızışdırdığı siyasi ekstremistlər və daxili terrorçular həyata keçiriblər". 

Dünən isə Donald Tramp xalqa videomüraciətində ABŞ Konqresində baş verən iğtişaşları pisləyib. O, baş verənlərə görə, sarsıldığını və kədərləndiyini bildirib.

Respublikaçı lider deyib ki, onun əsl tərəfdarları polislə toqquşa bilməzdi. Ağ Ev sahibi iğtişaşların iştirakçılarının cəzalandırılacağını da vurğulayıb.
Siyasət

Daha 31 erməni hərbiçisinin meyiti qarşı tərəfə təhvil verildi

27 Yanvar 2021

Sosial media

Daha 31 erməni hərbçisinin meyiti Füzuli rayonu istiqamətindən Ermənistana təhvil verilib. "Sputnik Ermənistan"ın yanvarın 27-də verdiyi məlumata görə, erməni tərəfi meyitlərin kimliyinin müəyyən olunması üçün ekspertiza təyin edib. İlkin məlumata görə, meyiti qaytarılanlar könüllülərdir və bəzilərinin üzərində sənədlər də var. Azərbaycan daha əvvəl də 30 erməni hərbçisinin meyitini qarşı tərəfə vermişdi. Ümumilkdə, işğaldan azad olunan ərazilərdə indiyədək 1318 erməninin meyitinin tapıldığı bildirilib.
Siyasət

 Ramin Quluzadəyə yeni vəzifə verildi

26 Yanvar 2021

PRESIDENT.AZ

Oqtay Şahbazov Azərbaycan Respublikası Prezidentinin İşlər müdiri vəzifəsindən azad edilib. Bu barədə Prezident İlham Əliyev yanvarın 26-da sərəncam imzalayıb. Prezidentin rəsmi saytının məlumatına görə,  İlham Əliyev digər sərəncamı ilə Ramin Quluzadə Azərbaycan Respublikası Prezidentinin İşlər müdiri təyin edilib.
Seçilmiş Videolar