Siyasət

Böyük Britaniyadan qadın qətlləriylə bağlı Azərbaycana çağırış

9 Avqust, 2021

207

Açıq mənbələrdən götürülüb

"Heç bir qadın ailə üzvlərinin hücumundan qorxu içində yaşamamalıdır"

Bu barədə Böyük Britaniyanın Azərbaycandakı səfirliyinin avqustun 9-da yaydığı bəyanatda deyilir.

Böyük Britaniyanın Azərbaycan hökumətinə İstanbul Konvensiyasını imzalamaq üçün çağırış edib.

“Keçən ay ərzində altı qadının ailə üzvləri tərəfindən öldürülməsi xəbəri və eləcə də Sevinc Məhərrəmovanın qətlindən olduqca narahatıq. Heç bir qadın ailə üzvlərinin hücumundan qorxu içində yaşamamalıdır və hər bir qız təhlükəsiz olduğunu bilərək böyüməlidir. Belə halların düzgün araşdırılması və məişət zorakılığından zərərçəkmişlərin mühafizəsi çox vacibdir. Böyük Britaniya Azərbaycanda gender bərabərliyini dəstəkləməyə davam edir və Azərbaycanı məişət zorakılığına son qoymaq üçün beynəlxalq çərçivə olan İstanbul Konvensiyasını imzalamağa çağırır”, - səfirliyin bəyanatında bildirilir.

Qadınlara Qarşı Zorakılıq və Ailədaxili Zorakılığın Əngəllənməsi və Bunlarla Mübarizəyə dair Avropa Konvensiyası 2011-ci ildə mayın 11-də Avropa Şurası Nazirlər Komitəsinin İstanbul şəhərində keçirilən 121-ci iclasında qəbul edilib. Buna görə də İstanbul Konvensiyası adını alıb. Konvensiyada 45 dövlətin imzası var.

S. Məhərrəmova bu ilin may ayında əri tərəfindən fiziki zorakılığa məruz qaldığı üçün evdən qaçmış, müxtəlif qurumlara müraciət etdikdən sonra zəruri hüquqi prosedurun başladılmasına nail olmuşdu. O, ərinin iki azyaşlı uşağını əlindən almasından da şikayətçi idi.

Vəkil Zibeydə Sadıqova "Toplum TV"-yə açıqlamasında bildirib ki, S. Məhərrəmova uşaqlarına görə məcbur qalıb əriylə barışıb.

O, evə qayıtdıqdan bir müddət sonra, avqustun 3-də isə həyat yoldaşı Füzuli Qarayev tərəfindən qətlə yetirilib.

S. Məhərrəmovanın öldürülməsi ilə bağlı Xəzər rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Füzuli Qarayev şübhəli şəxs qismində tutularaq istintaqa cəlb edilib.

Oxşar Xəbərlər

Britaniya hökuməti 12+ uşaqların vaksinasiyasına başlayır

Şotlandiya müstəqillik haqqında yeni referendum keçirmək istəyir

Britaniya Qarabağın minalardan təmizlənməsi üçün maliyyə ayırdı

Ailə münaqişəsi: Bakıda ana və körpəsi damdan yıxılaraq ölüb

Bu il Azərbaycanda 33 qadın qəsdən öldürülüb

Azərbaycan İstanbul Konvensiyasını niyə imzalamır?

Redaktorun Tövsiyələri

Həftəsonları ictimai nəqliyyata qoyulan qadağa - “Ya qərarın ləğvini əsaslandıra bilmirlər, ya da ki, yaddan çıxıb qalıb”

YAP-çı deputat: “Bazarlarda araşdırmalar aparılmalı və qiymətlərə nəzarət edilməlidir”

KTMT-də sədrlik Ermənistana nələr vəd edir? - “Təşəbbüs Rusiyanın əlindədir”

“Müstəqil Azərbaycanda xilaskar ordunun komandanının heykəlinin olmaması üzücü haldır”

Azərbaycan-İran münasibətləri niyə gərginləşib? - “İran çox əsəbi görünür”

Belarus Rusiyadan asılılığı niyə qəbul etdi? – “SSRİ-ni xortladacaqlar”

Siyasət

Maqsud Mahmudov Ukraynada tutularaq Azərbaycana gətirilib

18 Sentyabr 2021

Sosial Media

Bloger kimi M. Mahmudov dələduzluqda ittiham olunur Baş Prokurorluq və Daxili İşlər Nazirliyinin birgə məlumatında bildirilir ki, 2020-ci ilin yanvar ayının 10-dan Cinayət Məcəlləsinin 178.3.2 (dələduzluq külli miqdarda ziyan vurmaqla törədildikdə) maddəsi ilə Daxili İşlər Nazirliyi tərəfindən beynəlxalq axtarışa verilmiş Mahmudov Maqsud Soltan oğlu bu il iyul ayında Ukrayna Respublikası ərazisində tutulub. Sentyabrın 18-də o, Ukraynadan Azərbaycana gətirilərək istintaqa təhvil verilib. M. Mahmudov Azərbaycan hakimiyyətini və ictimai şəxslər kimi tanınan vətandaşları sərt söyüşlə təhqir və tənqid edən bloger kimi tanınır. Bakıda hökumət əleyhinə aksiyaların iştirakçısı olub.

Davamını oxu

Siyasət

Rusiyanın hərbi gəmiləri Bakıya gəlib

18 Sentyabr 2021

Rusiya Hərbi Dəniz Qüvvələrinin nümayəndə heyəti Azərbaycana səfərə gəlib. "Report"un xəbərinə görə, Rusiya Hərbi Dəniz Qüvvələrinə məxsus "Astraxan" və "Anatoli Qujvin" hərbi gəmiləri ilə gələn nümayəndələr Bakı Dəniz Limanında hərbi orkestrin müşayiəti ilə qarşılanıb. Qarşılama mərasimində Azərbaycan Hərbi Dəniz Qüvvələrinin rəsmiləri, Rusiyanın Azərbaycandakı səfirliyinin və hərbi atteşesinin nümayəndələri iştirak ediblər.

Davamını oxu

Xəbər Lenti