Siyasət

Britaniya Azərbaycana səyahət məhdudiyyətlərini ləğv etdi

9 İyul, 2021
154

Açıq mənbələrdən götürülüb

Britaniya XİN Azərbaycana səfərlə bağlı məhdudiyyətlərə (COVID 19) dəyişiklik edib.

APA-nın məlumatına görə, bu barədə Britaniyanın nəqliyyat naziri Qrant Şapps bildirib.

O qeyd edib ki, 19 iyuldan etibarən aralarında Azərbaycanın da olduğu bir sıra ölkələrə istirahət məqsədli səyahətlə bağlı məhdudiyyətlər aradan qaldırılır. Buna görə hökumət həmin ölkələrə ailəsini görmək və ya istirahət etmək üçün getmək istəyən şəxslərə icazə verir. Həmçinin həmin ölkələrdən geri qayıdan Britaniya vətəndaşları və ya sakinləri 10 gün karantində qalmalı olmayacaqlar.

Nazir bildirib ki, bunun üçün həmin şəxslərin Britaniya səhiyyə sistemi tərəfindən təsdiq edilmiş vaksinin hər iki dozasını qəbul etmiş olması lazım gəlir. Onun sözlərinə görə, səyahətdən üç gün öncə mənfi nəticə göstərən COVID-19 testi və iki gün sonraki test isə hələ də qüvvədə qalır. Ancaq həmin şəxslərin 8-ci gündə test verməsinə isə artıq ehtiyac qalmayacaq.

Siyasət

Maqsud Mahmudov Ukraynada tutularaq Azərbaycana gətirilib

18 Sentyabr 2021

Sosial Media

Bloger kimi M. Mahmudov dələduzluqda ittiham olunur Baş Prokurorluq və Daxili İşlər Nazirliyinin birgə məlumatında bildirilir ki, 2020-ci ilin yanvar ayının 10-dan Cinayət Məcəlləsinin 178.3.2 (dələduzluq külli miqdarda ziyan vurmaqla törədildikdə) maddəsi ilə Daxili İşlər Nazirliyi tərəfindən beynəlxalq axtarışa verilmiş Mahmudov Maqsud Soltan oğlu bu il iyul ayında Ukrayna Respublikası ərazisində tutulub. Sentyabrın 18-də o, Ukraynadan Azərbaycana gətirilərək istintaqa təhvil verilib. M. Mahmudov Azərbaycan hakimiyyətini və ictimai şəxslər kimi tanınan vətandaşları sərt söyüşlə təhqir və tənqid edən bloger kimi tanınır. Bakıda hökumət əleyhinə aksiyaların iştirakçısı olub.
Siyasət

Rusiyanın hərbi gəmiləri Bakıya gəlib

18 Sentyabr 2021
Rusiya Hərbi Dəniz Qüvvələrinin nümayəndə heyəti Azərbaycana səfərə gəlib. "Report"un xəbərinə görə, Rusiya Hərbi Dəniz Qüvvələrinə məxsus "Astraxan" və "Anatoli Qujvin" hərbi gəmiləri ilə gələn nümayəndələr Bakı Dəniz Limanında hərbi orkestrin müşayiəti ilə qarşılanıb. Qarşılama mərasimində Azərbaycan Hərbi Dəniz Qüvvələrinin rəsmiləri, Rusiyanın Azərbaycandakı səfirliyinin və hərbi atteşesinin nümayəndələri iştirak ediblər.
Seçilmiş Videolar