Siyasət

Britaniyadakı səfir: Azərbaycan diplomatları təzyiq və təhlükə altındadır 

5 Avqust, 2022
252

Açıq mənbələrdən götürülüb

“Vətəndaşlarımız başda olmaq səfirlik əməkdaşlarının təhlükəsizliyi və mühafizəsi bizim başlıca prioritetimizdir!”

Bunu Azərbaycanın Böyük Britaniyadakı səfiri Elin Süleymanov "tviter"də hesabında yazıb.

Onun sözlərinə görə, hazırda Londondakı Azərbaycan diplomatları təzyiq və təhlükə altında olsaları da, fəaliyyətlərini davam etdirirlər. 

https://toplum.tv/siyaset/xin-azerbaycanin-londondaki-sefirliyine-hucumla-bagli-melumat-yaydi

E. Süleymanov həmçinin qeyd edib ki, Londonda yerləşən radikalların səfirliyə hücumu qəbuledilməz və barbarcadır. 

"Bu, diplomatik binaların toxunulmazlığı prinsipininin aşkar pozulmasıdır. Hazırda Bakıdayam, amma həmkarlarımıza olan təhdidlərə baxmayaraq, təhlükəsizlikdə olmalarını görməkdən şadam", - deyə səfir vurğulayıb. 

Böyük Britaniya səfirliyi bəyanat yaydı

Böyük Britaniyanın Bakıdakı səfirliyi Azərbaycanın Londondakı səfirliyinə hücumu pisləyən bəyanat yayıb.

Bəyanatda deyilir:

"Böyük Britaniya Azərbaycanın Londondakı səfirliyinə daxil olan etirazçıların hərəkətlərini pisləyir və hazırda bu məsələ ilə bağlı hərtərəfli araşdırma aparır.

Polis binanın içərisindəki səfirliyin əməkdaşlarını təhlükəsiz şəkildə təxliyə edib, daha sonra etirazçıları oradan uzaqlaşdırıb və 8 nəfər həbs edilib.

Böyük Britaniya ölkədəki diplomatik nümayəndəliklərin qorunmasına zəmanət vermək öhdəliyinə ciddi yanaşır və polis müvafiq təhlükəsizlik tədbirlərinin görülməsini təmin etmək üçün Azərbaycan səfirliyi ilə əlaqə saxlayır".

Xatırlatma

Avqustun 4-də Azərbaycanın Böyük Britaniyadakı səfirliyinə hücum olub.  

Bir qrup dindar ərəbcə yazılan şüarlarla səfirliyin balkonuna çıxıb, Azərbaycan bayrağını yerə salıb, dini şüarlar səsləndirib. Bir müddət sonra səfirliyin təhlükəsizliyi təmin edilib və hücum edənlər saxlanılıb. Britaniya mediasının yazdığına görə, hücumu Mehdi Nökərləri Birliyi (MNB) təşkil edib. 

Səbəb olaraq, Azərbaycanda şiə müsəlmanların təzyiqə məruz qaldıqları göstərilib. 

"MNB bəyanatında bildirib ki, liderləri onları prezident İlham Əliyevə qarşı təcili tədbir görməyə çağırıb" - Londonun şəhər qəzeti "Metro" yazır.

Rəhbəri Yasir Əl Həbib olan MNB Londonda yerləşən təşkilatdır və internet səhifəsində elan edir ki, məqsədi sivilizasiya üzərində hökmranlığı təmin etməkdir. Təşkilat həm də İran hökumətini tənqid edir. Təşkilatın hazırladığı "Cənnətin Xanımı" filmi bu ilin əvvəlində Londonda sünni müsəlmanların etirazlarına səbəb olduğu üçün kinoteatrlarda yayımdan çıxarılmışdı.

Siyasət

İlham Əliyev: “Qisas” əməliyyatı cəza tədbiri idi

12 Avqust 2022

Rəsmi səhifə

"Ermənistan tərəfi növbəti dəfə silahlı təxribata əl atdı və bu hərbi təxribat nəticəsində bir hərbçimiz şəhid olmuşdur. Ancaq hər kəs gördü və görməlidir ki, şəhidimizin qanı yerdə qalmadı. Biz dərhal “Qisas” əməliyyatı keçirərək şəhidimizin qanını aldıq və qarşı tərəfi ciddi cəzalandırdıq". Bunu Prezident İlham Əliyev avqustun 12-də Basqal qəsəbəsində Azərbaycan Televiziyasına müsahibəsində bildirib. İlham Əliyev bir neçə saat ərzində davam edən “Qisas” əməliyyatının cəza tədbiri olduğunu deyib.  "Əgər yenə də buna oxşar təxribat törədilərsə, cavab da eyni olacaq. Heç kim bizə mane ola bilməz, heç kim bizi durdura bilməz", - deyə o qeyd edib.  https://toplum.tv/siyaset/mudafie-nazirliyinden-qarabagdaki-emeliyyatlarla-bagli-aciqlama Prezident həmçinin bildirib ki, Azərbaycan...
Siyasət

Şəmkirdə əməliyyat, vəzifəli şəxs saxlanıldı

12 Avqust 2022

Rəsmi səhifə

Baş Prokuror yanında Korrupsiyaya qarşı Mübarizə Baş İdarəsi Şəmkir rayonunda əməliyyat keçirib. Bu barədə avqustun 12-də Baş Prokurorluqdan məlumat verilib.  Bildirilir ki, Şəmkir Rayon İcra Hakimiyyəti (RİH) başçısının Çinarlı qəsəbəsi üzrə icra nümayəndəsi Elçin Abbasov saxlanılıb. Hazırda araşdırma aparıldığı qeyd olunub.   

Seçilmiş Videolar

Toplum TV loqo