Siyasət

Cəmil Həsənli: "Qızıma qarşı törədilən video cinayətkarlıq DTX tərəfindən həyata keçirilib"

Roza Məmmədova
31 Mart, 2021
1870

Açıq mənbələrdən götürülüb

“Nə mənim, nə də rəhbərlik etdiyim Milli Şuranın istinad edilən dialoq kursuna heç bir aidiyyətimiz yoxdur. Qəti və birmənalı şəkildə bəyan edirəm ki, mənim qızıma qarşı törədilən video cinayətkarlıq bilavasitə prezident İlham Əliyev və birinci vitse-prezident Mehriban Əliyevanın birgə göstərişi üzrə Dövlət Təhlükəsizliyi Xidməti tərəfindən həyata keçirilib”. 

Bu barədə Milli Şuranın sədri Cəmil Həsənli “Feysbuk” hesabında paylaşım edib.

Martın 29-da bir sıra siyasi partiya liderləri, ictimai xadimlər Prezident Administrasiyasına və digər müvafiq dövlət qurumlarına professor Cəmil Həsənliyə və onun ailə üzvünə qarşı törədilən kibercinayətkarlığa aydınlıq gətirilməsi, təşkilatçı və icraçılarının ən tez zamanda tapılıb cəzalandırılması məzmununda müraciət ünvanlayıblar.

Prezident Administrasiyasından müraciətə cavab olaraq bildirilib ki, bu cinayətdə hər hansı dövlət orqanının iştirakından qəti şəkildə söz gedə bilməz, əksinə, bu hadisə dövlətə və iqtidara qarşı, xüsusən müxalifət-iqtidar münasibətlərinin normallaşdırılması və tam əhatəli siyasi dialoq kursunun aparılmasına qarşı genişmiqyaslı təxribatdır: "Bu təxribatın üstünün açılması üçün ən yüksək səviyyədə tapşırıq verilmişdir və ən tez bir zamanda təqsirkarlar aşkarlanıb bu barədə ictimaiyyətə məlumat veriləcəkdir". 

Cəmil Həsənlinin fikrincə, bu açıqlamada törədilmiş cinayət əməlində hansısa dövlət orqanının iştirakını inkar etmək, bunun guya dövlətə və iqtidara qarşı, xüsusən son vaxtlar genişlənən "müxalifət-iqtidar dialoquna qarşı təxribat hesab etmək kimi cəhdlər vardır". 

“Prezident Administrasiyası bununla hakimiyyət orqanlarının ən yüksək səviyyədə hazırlayıb həyata keçirdiyi cinayət hadisəsini fərdiləşdirərək şəxsi müstəviyə yönəltməyə çalışıb”,- deyə C.Həsənli qeyd edib.

Onun sözlərinə görə, təxribatın üstünün açılması üçün ən yüksək səviyyədə tapşırıq verildiyi barədə məlumatlar yalnız iz azdırmaq, məsuliyyəti hakim ailənin, DTX-nın və digər dövlət orqanlarının üzərindən uzaqlaşdırmaq, ona məişət zəminində törədilmiş xırda “cinayət” əməli xarakteri vermək məqsədi daşıyır.

Milli Şursa sədri baş verənlərin onun siyasi fəaliyyəti ilə bağlı olması qənaətindədir:

“Bu, hakim ailə tərəfindən həyata keçirilən qisas xarakterli siyasi şantaj və təqib əməlidir. İstisna olunmur ki,  əməliyyatın icraçısı olan şəxs məsuliyyəti öz üzərinə götürsün və bunun hakimiyyətə aidiyyəti olmaması kimi bir şeylər desin. Onun DTX-nın həyata keçirdiyi əməliyyatın icraçı kimi iştirakının hüququ məsuliyyəti vardır. Lakin əməliyyatın təlimatçısı bilavasitə İlham Əliyev və Mehriban Əliyeva, təşkilatçısı şəxsən Əli Nağıyev başda olmaqla DTX orqanları, icraçısı isə təhlükəsizlik orqanları şəbəkəsidir. Video görüntülər bilavasitə DTX-nın “media” şəbəkəsi vasitəsi ilə yayılıb, bu şəbəkəyə bağlı troll sürüsü tərəfindən körüklənib. Mənim qızımla bağlı baş verən video cinayətkarlıq əməli bu ilin mart ayı ərzində şəxsi həyata müdaxilə ilə bağlı hakimiyyət orqanlarının üçüncü əməliyyatıdır və hər üç hadisə bilavasitə DTX tərəfindən həyata keçirilib”. 

Cəmil Həsənli ailə üzvlərinin əvvəllər də oxşar hallarla qarşılaşdığını deyib:

“Qızım Günel Həsənlinin telefonu, hərəkət traektoriyası, mənim ailəmin yaşadığı mənzil izlənilib, əməliyyat zamanı kirayə maşınlardan, qabaqcadan hazırlanmış və texniki cəhətdən təchiz edilmiş kirayə mənzildən və psixotrop dərman peraparatlarından istifadə edilib”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Qarabağ separatçıları Əliyevə cavab verdi

Toplum TV
29 May 2023

Açıq mənbələrdən götürülüb

Qarabağ separatçılarının lideri Araik Aratyunyanın sözçüsü Lusine Avanesyan Azərbaycan Prezidenti İlham Əliyevin son bəyanatları ilə bağlı açıqlama verib.  Toplum TV "Novosti-Armeniya"-ya istinadən xəbər verir ki, Avanesyan Qarabağdakı qondarma quruluşun Əliyevin tələblərini yerinə yetirməyəcəyini bildirib.  "Arutyunyan beynəlxalq hüququn norma və prinsiplərinə, xüsusən də xalqların bərabər hüquqlu və öz müqəddəratını təyin etmə prinsipinə əsaslanan beynəlxalq formatda dialoqa başlamağa hazır olduğunu bildirib.  Üçtərəfli Atəşkəs Bəyannaməsindən sonra Azərbaycan dəfələrlə "Artsax xalqı" ilə güc dili ilə danışıb, biz lokal hərbi fəaliyyətlə düşmənçilik, blokadalar, enerji və digər təzyiqlər formasında aqressiyanın şahidi olmuşuq və olmaqda davam edirik. Bu dəfə isə Azərbaycan Prezidenti "Artsax xalqı"nın seçilmiş hakimiyyət orqanlarına...
Siyasət

AXCP fəalı həbs edilib

29 May 2023

Açıq mənbələrdən götürülüb

Azərbaycan Xalq Cəbhəsi Partiyası (AXCP) Salyan rayon təşkilatının fəalı Zaur Əhmədov inzibati qaydada 30 sutka həbs edilib. Toplum Tv xəbər verir ki, bu barədə mayın 29-da AXCP-nin mətbuat xidmətindən bildirilib  Məlumata görə, Əhmədov mayın 26-da səhər saxlanılıb. "Sonradan bəlli olub ki, o, naməlum və açıq-aşkar uydurma ittihamla 30 sutka həbs edilib. Ona görüş, telefon danışıqları, yemək alması üçün imkan yaradılmır", - Partiyanın açıqlamasında qeyd edilib.  https://toplum.tv/siyaset/pelizamin-salayevin-vekili-quotdedi-ki-ya-beraet-alacaq-ya-da-hedsxanada-oumllecekquotp AXCP hesab edir ki, Əhmədovun həbsi onun siyasi fəaliyyəti ilə bağlıdır.   Daxili İşlər Nazirliyi Şirvan regional qrupundan "Turan" agentliyinə bildiriblər ki, Zaur Əhmədov mayın 26-da "ictimai asayişi pozduğuna və polisə tabe olmadığına görə"...

Seçilmiş Videolar

Toplum TV loqo