Siyasət

Cinsi zorakılığa qarşı tək adamlıq aksiya keçirildi

19 Oktyabr, 2021

599

Sosial Media

Gender fəalı Gülnarə Mehdiyeva bu gün Bakıda, Prezident Administrasiya yaxınlığında təkbaşına aksiya keçirib.

Fəal “Azyaşlını zorlayan niyə azaddır?” şüarı yazılan plakat qaldıraraq rəsmi qurumlardan yetkinlik yaşına çatmayan Sənay Yağmurun (Qəhrəmanlı) təcavüzü ilə bağlı əməli fəaliyyət tələb edib.

G. Mehdiyeva "Feysbuk"un canlı yayımında bildirib ki, ölkə rəhbərliyi Sənay Yağmurun məsələsinə müdaxilə etməli və təqsirkarın cəzalandırılmasını təmin etməlidir, əks halda bu, cinayətkarı himayə etmək demək olacaq. “Həmin insan nə qədər ki, azadlıqdadır, biz hamımız təhlükədəyik”, - deyə fəal vurğulayıb.

Polis əməkdaşları plakatı fəalın əlindən alaraq, onu naməlum istiqamətə aparıblar. DİN-in mətbuat xidmətindən Turan-a bildiriblər ki, Mehdiyeva saxlanılmayıb. Bölgədən uzaqlaşdırılaraq sərbəst buraxılıb.

Ötən həftə cinayətin qurbanının anası – yazıçı Zümrüd Yağmur bu cinayətdə bacısı oğlunu ittiham edib, onun qurbana narkotik içirdiyini iddia edib.

Zümrüd Yağmur bildirib ki, istintaq təcavüzkarı qorumaq üçün real araşdırma aparmayıb. Yağmurun çıxışı sosial şəbəkələrdə rezonans doğurub və fəallar Baş Prokurorluqdan obyektiv istintaq aparmağı tələb ediblər.

Dünən Baş Prokurorluq baş prokurorun bu işlə bağlı Yasamal rayon prokurorluğunda CM-in 149.2.3-cü maddəsi ilə açılmış cinayət işinin şəxsi nəzarətə götürdüyü barədə məlumat yayıb. Araşdırmanı davam etdirmək Baş Prokurorluğun İstintaq İdarəsinə tapşırılıb. Zəruri istintaq tədbirləri həyata keçirilir.

Prokurorluq KİV-dən bu cür həssas mövzuları işıqlandırarkən etik normalara və qanunvericiliyin tələblərinə riayət etməyi xahiş edib.

Oxşar Xəbərlər

Türkmənistan qadınların xarici görünüşünə və davranışlarına nəzarəti gücləndirib

Məişət zorakılığına yol verənlər cinayət məsuliyyətinə cəlb oluna bilər

Arvadını öldürən sabiq polis cəzasının yüngülləşdirilməsini istəyir

Polis şöbəsində arvadını güllələyən sabiq serjanta hökm oxundu

Prokurorluq: Bakıda kişi keçmiş arvadını güllələyib, sonra özünü öldürüb

Polis əməkdaşı arvadını döydüyünə görə işdən çıxarıldı

Redaktorun Tövsiyələri

Müştəri restoranda servis haqqı ödəməlidirmi?

Bakıda etiraz aksiyası keçirilib, saxlanıların olduğu deyilir

Siyasi şərhçi: "Rusiya istəyir ki, münaqişə onun monopoliyasında olsun"

“Mətbuat intiharı epidemiya kimi yayır”

Mədəniyyət evlərinin acınacaqlı vəziyyəti – “Büdcədən vəsait ayrılacağı təqdirdə tədbir görüləcək”

55 yaşlı Gülər: "Vaqifi gözləyirəm, gələn kimi qoşulub onunla gedəcəm"

Siyasət

Rəşad Ramazanov saxlanılıb

21 May 2022

Açıq mənbələrdən götürülüb

Bloger Rəşad Ramazanovun saxlandığı bildirilir. Həyat yoldaşı Könül Ramazanova Meydan TV-yə bildirib ki, o, mayın 20-də günorta saatlarında evdən çıxarkən saxlanılıb. Könül Ramazanovanın sözlərinə görə, həyat yoldaşını əvvəlcə Sabunçu rayonu, 14-cü polis bölməsinə aparıblar. Rəşad Ramazanov özü bölmədən evlə əlaqə saxlayıb və orada olduğunu deyib. "Mən dərhal ora getdim. Orada dedilər ki, guya Baş Narkotiklərlə Mübarizə İdarəsinin əməkdaşları saxlayıb. Bildirdilər ki, bölmədə yoxdur. Amma sonradan öyrəndim ki, Sabunçu Rayon Polis İdarəsinə aparıblar. Yenə narkotiklə şərləmək istəyirlər”, – Könül Ramazanova bildirib. O əlavə edib ki, baş verənlərlə əlaqədar həm Ombudsman Aparatına, həm də Daxili İşlər Nazirliyinin "102” zəng mərkəzinə məlumat verib....

Davamını oxu

Siyasət

Kəlbəcərdəki mövqelər atəşə tutulub

21 May 2022

Rəsmi səhifə

Ermənistan silahlı qüvvələrinin bölmələri mayın 20-si axşam saatlarında dövlət sərhədinin Basarkeçər rayonunun Aşağı Şorca yaşayış məntəqəsi istiqamətində yerləşən mövqelərindən Ordumuzun Kəlbəcər rayonunun Yellicə yaşayış məntəqəsi istiqamətində yerləşən mövqelərini atəşə tutub. Bu barədə mayın 21-də Azərbaycan Müdafiə Nazirliyinin Mətbuat xidmətindən məlumat verilib. Məlumatda bildirilib ki, Azərbaycan Ordusunun bölmələri tərəfindən adekvat cavab tədbirləri görülüb.

Davamını oxu