Siyasət
D18 Hərəkatının sədri hərbi xidmətə aparılır
22 May, 2020
929
D18 Hərəkatının sədri Ruslan İzzətli mayın 25-də hərbi xidmətə aparılacaq. 

Bunu "Turan"a bildirən Ruslan İzzətlinin sözlərinə görə, ona bu barədə bu gün, mayın 22-də Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Ağdam Rayon Şöbəsindən məlumat verib. 

İzzətlinin onu hərbi xidmətə aparılmasını siyasi sifariş adlandırdı: "Mayın 4-də məni Ağdam hərbi komissarlığına çağırdılar ki, orada müayinədən keçim. Mayın 6-da isə Ağdam Mərkəzi Klinikasından tibbi müayinə barədə yekun akt aldım. Aktında hərbi biletimdə yazılmış diaqnoz, yəni böyrəyim xəstə olması öz təsdiqini tapdı. Mayın 8-də isə mən gördüm ki, işimin içində yazılan yekun akt dəyişdirilib. Yazılıb ki, mən sağlam adamam, sadəcə, hərdən ürək bulantılarım olub. Bakıda özəl klinikaların birində müayinədən keçəndə bilindi ki, 5 mm səviyyəsində bel yırtığım var və bu bel yırtığı sinir sistemini sıxır. Bu mənə nə çox bir yerdə oturmaq, nə də çox gəzmək imkanı verir. Həkimlər mənə təcili fizioterapiyadan keçmək lazım olduğunu bildirdilər və hərbi xidmətə aparılmağımın mümkünsüz olduğunu dedilər". 

İzzətli vurğuladı ki, vəkili bununla bağlı sənədlərini aidiyyatlı orqanlarına göndərdiyinə baxmayaraq onu hərbi xidmətə aparılması ilə bağlı qərar verilib: "Normalda mənim növbəti tibbi müayinədən keçməyim 2023-cü ildə olmalı idi. Çünki mən 8 ay əvvəl müayinədən keçmişəm, hərbi komissar da biletimə möhür vurub. Mən 31 yaşıma qədər hərbi xidmətə getməmişəm. Dövlət Təhlükəsizliyi Xidməti rayonlarda icra başçılarını tutur, korrupsiyaya qarşı mübarizə aparır. İndi Səfərbərlik və Hərbi Xidmətə Çağırış üzrə Dövlət Xidmətini də yoxlasın, baxsın Arzu Rəhimov başda olmaqla, Xidmətin Ağdam Rayon Şöbəsinin rəhbəri Elxan Feyziyev necə oldu ki, 3 ildən bir hərbi biletimə möhür vurub. Deməli, pul alıb və rüşvətə bulaşıb. Sağlam olub getməmişəmsə, deməli, burada korrupsiya var. Yox, səhhətimdə problem varsa və bunu istənilən xəstəxanada yoxlamaq olur, onda məni hərbi xidmətə qanunsuz olaraq aparırlar. İstənilən halda qanun mənim tərəfimdədir. Görünür, hakimiyyətin mənə kini və nifrəti o qədər yüksəkdir ki, bu diaqnozla məni xidmətə aparır. Mən hərbi xidmətdən yayınmıram, bu Vətən üçün canım fəda. Amma insanlar bildi ki, mənim hərbi xidmətə aparılması siyasi qərardır və cəza müxanizmidir. Sanki bir illik siyasi məhbusam". 

Məsələ ilə bağlı Səfərbərlik və Hərbi Xidmətə Çağırış üzrə Dövlət Xidmətindən münasibət öyrənmək mümkün olmayıb.
Siyasət

Diaspor Komitəsi Gürcüstan azərbaycanlılarına çağırış etdi

17 May 2021

Sosial Media

Diasporla İş üzrə Dövlət Komitəsi Gürcüstanın Dmanisi şəhərindəki hadisələrlə əlaqədar olaraq bu ölkədə yaşayan azərbaycanlılara çağırış edib. Komitədən mayın 17-də verilən məlumatda bildirilir:  "Mayın 16-da saat 17.00 radələrində Gürcüstanın Dmanisi rayonunun “9 aprel” küçəsində bir qrup şəxsin azərbaycanlı sahibkar Qəşəm Şamilova məxsus mağazanın qarşısına gələrək, ona, eləcə də mağazanın qarşısındakı azərbaycanlı gənclərə hücum etmələri nəticəsində kütləvi dava baş verib. Hadisə zamanı bir neçə nəfər ciddi xəsarət alıb, insident iştirakçılarından 8 nəfəri Gürcüstanın hüquq-mühafizə orqanlarıtərəfindən saxlanılıb. Dövlət Komitəsi insidentdən dərhal sonra hadisəyə reaksiya verərək, soydaşlarımızla əlaqə saxlayıb. Hadisənin hücum edən qrupdan olan bir neçə şəxsin mağazadan aldıqları məhsulun pulunu ödəmək istəməməsi...
Siyasət

Ermənistan-Azərbaycan sərhədində nə baş verir?

Nigar Səmədli
17 May 2021

Sosial Media

Hərbi ekspert: “Azərbaycan Zəngəzurda əvvəlki xəritəyə əsasən irəliləyib” “Qaragöl ərazisi ilə bağlı 1960 və 1980-ci illərdə qərar qəbul olunan qərara görə, buradakı göl susuzluq səbəbilə Ermənistana verilib. Düşünürəm ki, Azərbaycan ordusu bu qərar verilmədən öncəki xəritəyə əsasən, irəliləyib”. Bunu “Toplum TV”-yə hərbi ekspert Telman Əbilov deyib.  Ermənistan Müdafiə Nazirliyinin mayın 16-da yaydığı məlumata görə, Azərbaycan Silahlı Qüvvələrinin bölmələri hələ də Ermənistan-Azərbaycan sərhədindəki Syunik və Geqarkunik bölgələrindədir.  Eyni zamanda bildirilir ki, mayın 15-də Azərbaycan tərəfi həmin ərazidə mühəndis işləri keçirməyə çalışsa da, qarşısı alınıb. Ermənistan tərəfi mayın 12-də 240-250 nəfərlik Azərbaycan hərbçilərinin sərhədi pozaraq Syunik bölgəsinə 3,5 km irəlilədiyini, daha sonra...
Seçilmiş Videolar