Siyasət

Daha bir AXCP fəalı həbs edilib

27 İyun, 2020
651
Azərbaycan Xalq Cəbhəsi Partiyasının fəalı Faiq Rəşidov inzibati qaydada 10 sutka müddətinə həbs edilib. Bu barədə Turan-a AXCP-dən bildiriblər.

O, iyunun 26-da İsmayıllı şəhərində yerli polis əməkdaşları tərəfindən saxlanılıb. Bu gün isə rayon məhkəməsi onu İnzibati Xətalar Məcəlləsinin 388-1.1-ci (yayılması qadağan olunmuş informasiyanın informasiya İnternet-resursunda yerləşdirilməsi, həmçinin belə informasiyanın yerləşdirilməsinin qarşısının alınmaması) maddəsi üzrə təqsirli bilərək 10 sutka həbs edib.

AXCP-də ittihamı uydurma hesab edirlər və fəalın sosial şəbəkələrdəki tənqidi yazılarına görə ifadə azadlığının pozulması kimi dəyərləndirirlər.

Partiyada qeyd edildiyi kimi, bundan öncə də F.Rəşidov öz siyasi baxışlarına və sosial şəbəkələrdə fəallığına görə dəfələrlə təzyiqlərə məruz qalıb.

DİN-dən şərh almaq mümkün olmadı.
Siyasət

Maqsud Mahmudov Ukraynada tutularaq Azərbaycana gətirilib

18 Sentyabr 2021

Sosial Media

Bloger kimi M. Mahmudov dələduzluqda ittiham olunur Baş Prokurorluq və Daxili İşlər Nazirliyinin birgə məlumatında bildirilir ki, 2020-ci ilin yanvar ayının 10-dan Cinayət Məcəlləsinin 178.3.2 (dələduzluq külli miqdarda ziyan vurmaqla törədildikdə) maddəsi ilə Daxili İşlər Nazirliyi tərəfindən beynəlxalq axtarışa verilmiş Mahmudov Maqsud Soltan oğlu bu il iyul ayında Ukrayna Respublikası ərazisində tutulub. Sentyabrın 18-də o, Ukraynadan Azərbaycana gətirilərək istintaqa təhvil verilib. M. Mahmudov Azərbaycan hakimiyyətini və ictimai şəxslər kimi tanınan vətandaşları sərt söyüşlə təhqir və tənqid edən bloger kimi tanınır. Bakıda hökumət əleyhinə aksiyaların iştirakçısı olub.
Siyasət

Rusiyanın hərbi gəmiləri Bakıya gəlib

18 Sentyabr 2021
Rusiya Hərbi Dəniz Qüvvələrinin nümayəndə heyəti Azərbaycana səfərə gəlib. "Report"un xəbərinə görə, Rusiya Hərbi Dəniz Qüvvələrinə məxsus "Astraxan" və "Anatoli Qujvin" hərbi gəmiləri ilə gələn nümayəndələr Bakı Dəniz Limanında hərbi orkestrin müşayiəti ilə qarşılanıb. Qarşılama mərasimində Azərbaycan Hərbi Dəniz Qüvvələrinin rəsmiləri, Rusiyanın Azərbaycandakı səfirliyinin və hərbi atteşesinin nümayəndələri iştirak ediblər.
Seçilmiş Videolar