Siyasət

Daha bir beynəlxalq korrupsiya qalmaqalında Azərbaycanın adı hallanır

10 İyun, 2021
779

Açıq mənbələrdən götürülüb

Tomas Bimer “Bombardier”in 2013-cü ildə Azərbaycanda udduğu, korrupsiya ilə keçdiyi bildirilən tenderdə iddia olunan roluna görə mühakimə olunacaq

"AzadlıqRadiosu"nun məlumatına förə, “Bombardier Transportation” şirkətinin İsveç filialının keçmiş meneceri rüşvətxorluqda ittiham olunur. Jurnalistlərin Mütəşəkkil Cinayətkarlıq və Korrupsiyanı Xəbərləmə Layihəsi (OCCRP) bunun İsveçdə ən böyük korrupsiya qalmaqallarından biri olduğunu yazır.

100 milyon dollar

Tomas Bimer “Bombardier”in 2013-cü ildə Azərbaycanda udduğu, korrupsiya ilə keçdiyi bildirilən tenderdə iddia olunan roluna görə mühakimə olunacaq.

İttihamnaməyə görə, Azərbaycanda dəmiryolunun bir hissəsində siqnal sistemlərinin quraşdırılmasından ötrü 350 milyon dollarlıq kontrakt üçün “Bombardier” azı bir orta vəzifəli dəmiryolu rəsmisinə 100 milyon dollarlıq rüşvət verib.

“Bimer bu layihəyə cavabdeh departamentin başçısı idi. İnanırıq ki, Azərbaycandakı müştəriylə "Bombardier"-in əlbirliyindən onun xəbəri olub”, – Milli Antikorrupsiya İdarəsindən ittihamçı Stafan Edlund OCCRP-yə deyib.

Azərbaycan şirkəti

Rüşvət verildiyi iddia olunan azərbaycanlı dəmiryolu rəsmisinin isə “Trans-Signal-Rabita” (TSR) adlı yerli şirkəti təmsil etdiyi deyilir. Həmin şirkət tenderi İsveç şirkəti ilə birlikdə udub.

Stokholm Rayon Məhkəməsinə təqdim olunmuş ittihamnaməyə görə, TSR və "Bombardier" İsveçdə tenderi elə düzüb-qoşublar ki, onu sonuncu udsun.

İttihamçının sözlərinə görə, Bimer "Bombardier", eləcə də Azərbaycandan dəmiryolu rəsmisi yanlış addım atmadıqlarını deyiblər. Amma isveçli təhqiqatçıların hələlik, azərbaycanlı rəsmini dindirə bilmədiyi vurğulanır.

Məqalədə o da vurğulanır ki, Azərbaycanın dəmiryolu orqanlarının əməkdaşlarından da sözügedən məbləğdən pay düşməmiş deyil.

İttihamçı Edlundun sözlərinə görə, başqalarının da rüşvətxorluqda əli olduğunu demək olar. Amma rüşvətxorluğu sübut eləmək üçün kiminsə bundan faydalandığını göstərmək lazımdır.

Yuxarılara pul çatıbmı?

İttihamçı iddia olunan rüşvətin Azərbaycanda iyerarxiya üzrə yuxarılara nə dərəcədə çatması haqda spekulyasiya etmək istəməyib. Edlundun sözlərinə görə, şübhəliləri dindirmək üçün kömək istəyəndə Azərbaycan hakimiyyəti “o qədər də əhəmiyyətli şeylər” təqdim etməyib. Ancaq ittihamçı Azərbaycandan bəzi sənədləri ala bildiyini deyib.

"Bombardier"-in İsveç filialının keçmiş baş direktorunun əvvəllər də rüşvətxorluqda şübhəli bilindiyi qeyd olunur.

Məqalədə deyilir ki, sözügedən layihənin 85 faizini maliyyələşdirmiş Dünya Bankı "Bombardier"-in 2018-ci ildə Monrealda yerləşən qərargahına yazaraq şirkəti rüşvətxorluqda ittiham edib.

İttihamçı Edlund şirkətin Kanadadakı menecerlərinin yerli tərəfdaşın Azərbaycanla bağlı işindən xəbəri olmasına dəlil görmədiyini deyib. O, sözügedən işin İsveçdə ikinci böyük iddia olunan rüşvət işi hesab edir. Birinci yerdə "Telia" telekommunikasiya şirkətinin Özbəkistanla bağlı korrupsiya qalmaqalı gəlir.

Azərbaycanın beynəlxalq reytinqlərdə korrupsiyaya görə ürəkaçan göstəriciləri olmamasına baxmayaraq, hakimiyyət rüşvətxorluqla sistematik mübarizə getdiyini iddia edir.

Siyasət

“Məhsul” stadionunu "satışa çıxaran"  vəzifəli şəxslər həbs olunub

17 Avqust 2022

Rəsmi səhifə

“Məhsul” stadionunu "satışa çıxaran" Azərbaycan Həmkarlar İttifaqlarının İdman Təşkilatları Assosiasiyasının sədri və digər vəzifəli şəxslər barəsində cinayət işi başlanıb. Bu barədə avqustun 17-də Baş Prokurorluqdan məlumat verilib. Bildirilir ki, Azərbaycan Həmkarlar İttifaqlarının İdman Təşkilatları Assosiasiyasının sədri Nadir Əliyev və “Yasamal” idman-sağlamlıq klubunun direktoru Alik Həsənov  həmin klubun istifadəsində olan keçmiş “Məhsul” stadionun satışa çıxarıldığını bildirərək sahibkarlara qarşı dələduzluq ediblər. Onların sahibkarların pul vəsaitlərini ələ keçirdiyi müəyyən olunub. Nəticədə Baş prokuror yanında Korrupsiyaya qarşı Mübarizə Baş İdarəsində cinayət işi başladılıb. https://toplum.tv/mehkeme/dovlete-xeyanetde-teqsirlendirilen-dini-inancli-israilin-bayragini-oz-heyetimde-yandirmali-oldum "Aparılan istintaqla Nadir Əliyevin Alik Həsənovla qabaqcadan əlbir olaraq Bakı şəhəri, Yasamal rayonu, Həsən bəy Zərdabi prospekti 69D ünvanında 1,26...
Siyasət

İsrailin Azərbaycandakı səfiri İran barədə: Bu qatil rejimin hədələrini ciddi qəbul edin

16 Avqust 2022

Sosial mediadan skrinşot

İsrailin Azərbaycandakı səfiri Corc Dik bu gün, avqustun 16-da "tvitter"də britaniyalı yazıçı Salman Rüşdinin bıçaqlanmasıyla bağlı video müraciət yayıb.  Corc Dik müraciətində deyib:  "İranın Azərbaycandakı səfiri yaxınlarda məni ölümlə təhdid etdi. O, "tvitter"də yazdı ki, mən qırmızı xətti keçmişəm, ona görə də İran xalqı məni dəfn edəcək. İndi siz Salman Rüşdinin bıçaqlandığını eşidərkən mənim nə düşündüyümü təsəvvür edə bilərsiniz. Çünki İran həm də demişdi ki, o, [Salman Rüşdi] qırmızı xətti keçib və onu da ölümlə hədələmişdi. Və terrorçu onu günün günorta çağl öldürməyə cəhd etdi. Ona görə də indi siz mənim müəyyən qədər şəxsi hisslərimi təsəvvür edə bilərsiniz.  https://toplum.tv/siyaset/iranin-azerbaycandaki-sefiri-israilli-hemkarini-tehdid-etdi Həftələr...

Seçilmiş Videolar

Toplum TV loqo