Rəsmi səhifə
Dövlət Departamentinin Federal Reyestrin son buraxılışında dərc edilmiş bildirişində deyilir ki, ABŞ Azadlığa Dəstək Qanununun Azərbaycana yardımla bağlı 907-ci maddəsinin tətbiqindən imtina müddətini uzadıb.
Xəbəri "Turan"-ın Vaşinqton müxbiri verib.
Rəsmi hesabatlara əsasən, ABŞ-ın Azərbaycana istənilən birbaşa yardımını qadağan edən 907-ci düzəlişin dondurulmasına rəsmi icazə dövlət katibinin idarəetmə məsələləri və resurslar üzrə müavini Brayan MakKeon tərəfindən imzalanıb.
"Azadlığa Dəstək Qanununa 907-ci düzəlişdən imtinanın uzadılması və Azərbaycan hökumətinə yardımın davam etdirilməsi.
Bununla Azadlığa Dəstək Qanununa Azərbaycanla bağlı 907-ci düzəlişdən imtina müddətinin uzadıldığını müəyyən və təsdiq edirəm:
* Bu, ABŞ-ın beynəlxalq terrorçuluğa qarşı mübarizə səylərinə dəstək üçün zəruridir və ya
* Beynəlxalq terrorçuluğa qarşı mübarizədə ABŞ-ın və ya koalisiyaya daxil olan tərəfdaşlarının silahlı qüvvələrinin əməliyyat hazırlığına dəstək üçün zəruridir və ya
* Azərbaycanın sərhədlərinin təhlükəsizliyi üçün böyük əhəmiyyət kəsb edir, həmçinin
* Ermənistan və Azərbaycan arasında davam edən dinc nizamlanma cəhdlərini pozmur və onlara mane olmur, yaxud Ermənistana qarşı hücum üçün istifadə olunmur".
21 iyun 2022-ci il.
Brayan P.MakKeon,
Dövlət katibinin idarəetmə məsələləri və resurslar üzrə müavini.
ABŞ Konqresi Azadlığa Dəstək Qanununa 907-ci düzəlişi 1992-ci ildə Dağlıq Qarabağ münaqişəsi zamanı qəbul edib. 2001-ci il sentyabrın 11-dən sonra Konqres prezidentə 907-ci düzəlişə riayət etməkdən imtina hüququ verən xarici əməliyyatlar üçün ayrılan yardımlar haqqında qanun qəbul edib və ABŞ-ın bütün sonrakı administrasiyaları bununla razılaşıblar.
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplum.tv
Facebook: https://www.facebook.com/toplumtv
İnstagram: https://www.instagram.com/toplumtv/
Telegram: https://t.me/Tvtoplum
Şikayətlərinizi Whatsapp-da Qaynar Xəttimizə göndərin: +99450 247 55 06
Rəsmi səhifə
Açıq mənbələrdən götürülüb
Makron Avropadakı müttəfiqləri qorxaq olmamağa çağırıb
Neft gəlirləri ədalətli bölünürmü? - SORĞU
İranla münasibətlər bərpa olunur, azərbaycanlı diplomatlar qayıdacaq
"Arxa cəbhədə olmuşuq deyə veteranlıq vermirlər"
Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər