Siyasət

Gürcüstan DTX-nin keçmiş rəis müavini Əfqan Muxtarlının oğurlandığını etiraf edib 

Roza Məmmədova
27 İyul, 2022
615

Sosial Media

Jurnalist, keçmiş siyasi məhbus Əfqan Muxtarlı 2017-ci ildə Gürcüstan Təhlükəsizlik Xidmətinin sabiq rəis müavini Soso Qoqaşvili tərəfindən oğurlanıb.

Bu barədə Gürcüstan Dövlət Təhlükəsizlik Xidmətinin keçmiş rəis müavini Soso Qoqaşvili həbsdə olarkən etiraf edib.

Sabiq rəis müavini Soso Qoqaşvili bir həftə əvvəl həbs edilib. 

İyulun 21-də o, vəkilləri vasitəsi ilə bəyanat yayaraq bildirib ki, Əfqan Muxtarlı “Gürcü arzusu” Partiyasının sədri İvanaşvilinin göstərişi əsasında oğurlanmışdı. Daha sonra isə bütün dəlillər və kamera görüntülərini silinib. 

https://toplum.tv/siyaset/dtx-rusiyadan-gelen-ittihamlara-cavab-verib-esassiz-iddialar-ireli-surub

Soso Qoqaşvili 2015-2018-ci illərdə Gürcüstan Dövlət Təhlükəsizliyi Xidmətinin rəis müavini vəzifəsində işləyib. O, buna qədər 2014-cü ildə Daxili İşlər Nazirliyinin Baş Müfəttişliyinin rəisi olub. 2020-ci ilin oktyabrında isə “Gürcü arzusu” Partiyasını tərk edib.

Bu ilin iyulun ortalarında o, dövlət sirrini yaymaq itiihamı ilə həbs olunub.

Ə. Muxtarlı deyir ki, Gürcüstan Təhlükəsizlik Xidmətinin keçmiş rəis müavini onun oğurlanma əməliyyatının bütün detallarından xəbərdardır.

“Biz onun prokurorluqda ifadə verməsinə nail olacağıq. Həmçinin Avropa Şurası və Avropa Birliyinə məsələnin diqqətdə qalması üçün müraciət hazırlayırıq”, - deyə o bildirib.

Əfqan Muxtarlı 2017-ci il mayın 29-da müvəqqəti icazə ilə yaşadığı Gürcüstanda “yoxa” çıxıb, səhəri günsə Azərbaycanda həbs edilib.

Gürcüstan DTX-nin sabiq rəis müavininin etirafına görə, Əfqan Muxtarlı Tbilisidə saxlanılıb, işgəncəyə məruz qalıb, zorla sərhədə gətirilərək Azərbaycan tərəfinə təhvil verilib. Üstəlik, cibinə 10 min avro pul qoyulub.

Əfqan Muxtarlı Azərbaycanda Cinayət Məcəlləsinin hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olan zor tətbiq etmə maddəsi (315.2) ilə ittiham edilirdi.

Bundan başqa, ona dövlət sərhədini müəyyən edilmiş sənədlər olmadan və ya dövlət sərhədinin nəzarət-buraxılış məntəqələrindən kənarda keçmə (318.1) və qaçaqmalçılıq (206.1) maddələri ilə ittiham irəli sürülmüşdü.

Həmin ittihamlarla o, 6 il azadlıqdan məhrum edilmişdi.

Beynəlxalq hüquq müdafiə təşkilatları Əfqan Muxtarlını siyasi məhbus kimi tanımışdı.

O, 2020-ci il martın 17-də jurnalist gözlənilmədən həbsdən azad edilib və dərhal Almaniyaya göndərilib. 
 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

AXCP üzvünə həbs cəzası verilib

2 Fevral 2023
Azərbaycan Xalq Cəbhəsi Partiyasının üzvü Orxan Baxışlı saxlanılıb.  Toplum TV xəbər verir ki, bu barədə fevralın 2-də fəalın anası Kəmalə Rəhimli məlumat verib.  Onun sözlərinə görə, oğlu səhər işə getmək üçün evdən çıxıb, amma bundan sonra ondan xəbər almaq mümkün olmayıb.  "İşə gəlib çıxmayıb, telefonuna da zəng çatmır. Ola bilsin ki, saxlanılıb. Çünki dünən Bəxtiyar Hacıyevin məhkəməsində müsahibə verərkən onu qıraraqdan polis əməkdaşı çəkirdi", - Kəmalə Rəhimli deyib.  Daxili İşlər Nazirliyinin sözçüsü Elşad Hacıyev "Turan"-a bildirib ki, Baxışlı  İnzibati xətalar Məcəlləsinin 535.1-ci (polisin qanuni tələbinə tabe olmamaqda) təgsirli bilinib və 30 sutka müddətinə həbs edilib. Qərar Xətai məhkəməsi tərəfindən verilib.
Siyasət

Lavrov: Azərbaycan torpaqlarını geri qaytarıb

Toplum TV
2 Fevral 2023

Reuters

"Uzun illər boyunca Ermənistan Azərbaycanın 7 rayonunu işğal altında saxlayıb. Rusiya problemin diplomatik həlli üçün çoxsaylı variantlar təklif etsə də, hələ əvvəlki Ermənistan hökumətləri də bunu çox müsbət qarşılamamışdı. Ermənistanın heç vaxt iddia etmədiyi əraziləri əlində saxlamaq istəyirdi. Ona görə də Azərbaycan özünə məxsus olan torpaqları geri qaytardı". Toplum TV xəbər verir ki, bunu Rusiyanın xarici işlər naziri Sergey Lavrov "Rossiya 24" telekanalına müsahibəsində deyib.  XİN başçısının sözlərinə görə, nə vaxta qədər ki, Ermənistan və Azərbaycan Qafqazda sabitliyin həlli yollarını axtarır, KTMT kömək etməyə hazırdır.  "Ötən ilin sentyabrında baş verən zorakılıqlardan sonra Yerevan təşkilata müraciət etdi. KTMT-nin baş katibi Ermənistan-Azərbaycan...

Seçilmiş Videolar

Toplum TV loqo