Siyasət

Əfqanıstandakı etnik azərbaycanlılar Bakıdan xilas gözləyir

17 Avqust, 2021
2533

Reuters

"Bütün azərbaycanlıların və türklərin adları xüsusi siyahılara daxil edilib, indi onların həyatı böyük təhlükə altındadır"

Əfqanıstandakı Azərbaycan diasporunun nümayəndəsi Fərid Şabanpur ölkənin üçüncü böyük şəhəri Heratda "taliblər"in təhdid və hücum təhlükəsi altında yaşayan azərbaycanlıların vəziyyətindən danışıb.

Fərid Şabanpur "Sputnik Azərbaycan"a bildirib ki, "Taliban" tərəfindən işğal olunmuş Heratda təxminən 16 min etnik azərbaycanlı yaşayır.

O bildirib ki, onlardan 500 nəfərinin həyatı xüsusi təhlükə altındadır. Çünki bunlar vaxtilə yerlərdə məmur olmuş şəxslər və onların ailə üzvləridir. Diaspor Əfqanıstanda vəziyyət sabitləşənə qədər bu insanların ölkədən müvəqqəti olaraq çıxarılmasını Azərbaycandan xahiş edib.

Üç gün bundan əvvəl "taliblər" Herata daxil olublar. Etnik azlıqların orada necə və hansı şəraitdə yaşadığı haqda danışmaq çox çətindir. "Taliban" türklərin yaşamaq üçün Türkiyəyə, azərbaycanlıların - Azərbaycana, taciklərin isə Tacikistana getmələrini tələb edib. Yəni, onların fikrincə, Əfqanıstan yalnız əfqanların, puştunların ölkəsidir. İki ay bundan əvvəl taliblər zadəganlarımızın evlərinə giriblər. Onları yerə yıxaraq sorğu-suala tutublar", - Şabanpur qeyd edib.

Azərbaycan diasporunun nümayəndəsi bildirib ki, bütün azərbaycanlıların və türklərin adları xüsusi siyahılara daxil edilib, indi onların həyatı burada böyük təhlükə altındadır.

Onun sözlərinə görə, dördüncü gündür ki, blokadadırlar - işləmək imkanı yoxdur. Şabanpurun özü də Azərbaycandan olan dostlarından kömək istəyib.

Təəssüf ki, Kabildə Azərbaycanın səfirliyi yoxdur ki, etnik azərbaycanlılar müraciət edə bilsinlər. Buna görə də Azərbaycana getmək mümkün deyil. İran və Pakistan da Əfqanıstandan olan miqrantları qəbul etmək istəmirlər. Türkiyə bu günlərdə Əfqanıstan vətəndaşlarına viza vermir, çünki çox sayda insan onun ərazisinə daxil olmaq istəyir. Belə ağır günlərdə Əfqanıstan azərbaycanlıları Azərbaycandan etnik azərbaycanlıların müdafiəsinə qalxmağı və onları tarixi vətənlərinə aparmağı xahiş edirlər.

"Kömək istəyəcək başqa heç kimimiz yoxdur", - deyə Şabanpur bildirib.

Bazar ertəsi, avqustun 16-da Azərbaycan Xarici İşlər Nazirliyinin ictimaiyyətlə əlaqələr şöbəsinin rəhbəri Leyla Abdullayeva deyib ki, hazırda Əfqanıstanda Azərbaycan vətəndaşları yoxdur. Ancaq sülhməramlı kontingentimiz hələ də Əfqanıstandadır.

XİN onu da qeyd edib ki, etnik azərbaycanlıların Əfqanıstandan çıxarılması hələ planlaşdırılmır.

Avqustun 15-də "Taliban" bütün Əfqanıstan ərazisində hakimiyyəti ələ keçirdiyini bəyan edib. Hazırda ölkədə hakimiyyət Müvəqqəti Şuraya verilib, sonra Şura hakimiyyəti "Taliban"a ötürəcək. Əfqanıstan prezidenti Əşrəf Qəni istefa verərək ölkəni tərk edib. O, qırğının qarşısını almaq üçün bu addımı atdığını deyib.

Siyasət

Rusiya sülhməramlılarının komandanı yenə dəyişdi

25 Sentyabr 2021

APA

Ermənistan Müdafiə Nazirliyinin inzibati kompleksində respublikanın müdafiə idarəsi rəhbərliyinin Rusiya Müdafiə Nazirliyinin nümayəndə heyəti ilə görüşü keçirilir. APA-nın məlumata görə, görüş zamanı Qarabağ regionundakı Rusiya sülhməramlı kontingentinin yeni komandanı general-leytenant Gennadi Anaşkin Ermənistan Müdafiə Nazirliyinin rəhbərliyinə təqdim edilib. Qarabağ regionundakı Rusiya sülhməramlı kontingentinin ilk komandanı Rüstəm Muradov təyin edilmişdi. O, bu yaxınlarda missiyasını başa vurub. Qısa müddət ərzində bu vəzifəni general-mayor Mixail Kosobokovla yerinə yetirib. Hazırda estafet Gennadi Anaşkinə keçib.
Siyasət

Həbsdəki sabiq məmurların xaricdəki vəsaitləri geri qaytarıla bilərmi?

Vüsalə Mikayıl
24 Sentyabr 2021

Açıq mənbələrdən götürülüb

"Burada milyonlarla məbləğdən söhbət gedir. Bunlar müsadirə olunmalı və dövlətə qaytarılmalıdır”.  Bu fikirləri “Toplum Tv”-yə “Konstitusiya” Araşdırmalar Fondunun prezidenti Əliməmməd Nuriyev məhkumların xarici ölkələrdə yerləşən əmlakının müsadirə edilməsi məsələsini şərh edərkən deyib. Baş Prokurorluğun Xüsusi müsadirə məsələlərinin əlaqələndirilməsi idarəsinin rəisi Vüqar Əliyev sentyabrın 24-də mətbuata açıqlamasında bildirib ki, məhkumların xarici ölkələrdə yerləşən əmlakının müsadirə edilməsi, həmin əmlakın, yaxud onun dəyərinin ölkəyə qaytarılması məqsədilə zəruri tədbirlər görülür. Vüqar Əliyevin sözlərinə görə, bu hallarla bağlı artıq xarici dövlətlərin səlahiyyətli orqanlarına ünvanlanması üçün beynəlxalq konvensiyaların tələblərinə uyğun olaraq vəsatətlər hazırlanıb və aidiyyəti üzrə göndərilib. Hüquq müdafiəçisi Rəsul Cəfərov deyir ki, qanunla nəzərdə tutulmuş...
Seçilmiş Videolar