Siyasət
Ekspert: “Naxçıvandan keçəcək dəmir yolu xətti Rusiyaya sərf edir”
12 Yanvar, 2021
Baxış: 156
Natiq Cəfərli
FOTO: BBC
 
"Bu xətt Rusiyaya sərf edir, çünki Ermənistandakı hərbi bazaların təchizatından tutmuş, Ermənistanla iqtisadi əlaqələrin Gürcüstan üzərindən deyil, Azərbaycan üzərindən alternativ variant kimi istifadə olunmasından söhbət gedir”.

Bu sözləri "Toplum TV”yə açıqlamasında iqtisadçı Natiq Cəfərli deyib. 

Prezident İlham Əliyev Qafqazda yaxın gələcək üçün yeni nəqliyyat konfiqurasiyasını elan edib. O bildirib ki, Azərbaycan tərəfi Ermənistan ərazisindən Naxçıvan və Türkiyə ilə dəmir yolu rabitəsi, Ermənistan tərəfi isə Azərbaycan ərazisindən Rusiya və İranla birbaşa dəmir yolu rabitəsi alır. 

Eyni zamanda Rusiya və Türkiyə dəmir yollarının birləşdirilməsi ilə beləcə, bölgədə tərəflərin - Rusiya, Azərbaycan, Türkiyə İran və Ermənistanın  sülh şəraitində nəqliyyat əlaqəsi təmin edilir. Bu, Rusiya, Azərbaycan və Ermənistan dövlət başçılarının yanvarın 11-də Moskva keçirilən görüşündə imzalanan bəyanatda da əskini tapıb. 

Natiq Cəfərli isə deyir ki, bu dəmir yolunu, sadəcə, Azərbaycan, Naxçıvan və Türkiyə əlaqələrinin yaradılması kimi dəyərləndirmək düzgün deyil. "Bu xəttə qlobal bir layihənin tərkib hissəsi kimi baxmaq daha yaxşı olar, çünki Türkiyədən Naxçıvana, oradan isə Azərbaycan vasitəsilə Orta Asiyaya yeni və zaman baxımından daha sərfəli bir yolun bərpa olunmasından söhbət gedir. Orta Asiya respublikalarına – Qazaxıstan, Tacikistan, Özbəkistan və Qırğızıstana Türkiyə, eyni zamanda Avropa ölkələrinin istifadə edə biləcəyi daha qısa bir xəttin açılması iqtisadi nöqteyi-nəzərdən, tranzit gəlirlərinin gətirilməsi ilə yanaşı, Azərbaycanın ümumi bir qlobal ticarət xəttinin tərkib hissəsi olmasına və logistik bir mərkəzə çevrilməsinə imkan yaradır”. 

Yaradılacaq yeni nəqliyyat xəttinin Rusiya üçün də sərfəli olduğunu deyən ekspert bunun Rusiyanın Ermənistandakı maraqlarına da xidmət etdiyini vurğulayıb: "Burada Rusiyanın Ermənistandakı hərbi bazaların təchizatından tutmuş, Ermənistanla iqtisadi əlaqələrin Gürcüstan üzərindən deyil, Azərbaycan üzərindən alternativ variant kimi istifadə etməsindən söhbət gedir. Rusiyanın öz maraqları olduğu üçün bu məsələdə israrlıdır və qısa bir zamanda həyata keçirilməsinə çalışır”. 

"Həmin xəttin nəzarəti də Ermənistanın deyil, məhz Rusiya sərhəd qüvvələrinin əlində olacaq. Bu, Azərbaycan üçün bir tərəfdən müəyyən çətinliklər yaratsa da, ümumilikdə bu xəttin işlək bir vəziyyətə gəlməsi Türkiyədən Orta Asiyaya qədər yeni bir nəqliyyat xəttinin yaranmasına səbəb ola bilər. Azərbaycan doğru-düzgün nəqliyyat və tarif siyasəti aparsa, ən azından dəmir yolu tariflərindən və tranzit gəlirlərindən fayda götürə, həm də ümumi bir xəttin mərkəzinə çevrilə bilər”, – N.Cəfərli əlavə edib. 

Nigar Səmədli
Siyasət

Azərbaycan rusiyalı deputatı ''qara siyahı''ya saldı

25 Yanvar 2021

Sputnik.az

"Rusiya Dövlət Dumasının hakim Vahid Rusiya Partiyasından olan üzvü, qatı ermənipərəst mövqeyi ilə tanınan Vitaliy Milonovun erməni KİV-ə müsahibəsi zamanı Azərbaycan dövlətinə və xalqına qarşı qəbuledilməz ifadələr işlətməsini qəti şəkildə pisləyirik". Bunu yanvarın 25-də Azərbaycan Xarici İşlər Nazirliyinin Mətbuat xidməti idarəsinin rəisi Leyla Abdullayeva bildirilib. "Məlum olduğu kimi, Dövlət Dumasının üzvü Vitaliy Milonov Azərbaycan Respublikasının müvafiq qanunvericiliyini pozaraq ölkəmizin işğaldan azad olunmuş ərazisinə qeyri-qanuni səfər etdiyi üçün onun adı Azərbaycana girişi qadağan olunan xarici vətəndaşlar siyahısına əlavə edilib".  L. Abdullayevanın sözlərinə görə, Vitaliy Milonovun Azərbaycan əleyhinə atdığı addım Azərbaycan və Rusiya arasında mövcud olan yüksək səviyyəli münasibətlərə tamamilə ziddir. Dövlət...
Siyasət

Azərbaycan İran sərhədində yeni dəmiryolu terminalı inşa ediləcək

25 Yanvar 2021

İran Front Page

Tezliklə Azərbaycanla sərhəddə yerləşən Ərdəbil vilayətinin Parsabad rayonunda dəmiryol terminalının inşası başlayacaq. Bunu yanvarın 23-də İranın Ərdəbil vilayətinin valisi Əkbər Behnamcu deyib. Onun sözlərinə görə, dəmiryolu terminalının inşası ilə əlaqədar Tehranda Azərbaycan-İran iqtisadi, ticarət və humanitar sahələrdə əməkdaşlıq üzrə Dövlət Komissiyasının 14-cü iclasında müqavilə imzalanıb. O, əlavə edib ki, Ərdəbil-Parsabad dəmiryolunun ilk 25 kilometrinin xəritəsi hazırlanıb və araşdırmalar aparılıb: “Azərbaycanın dəmiryolunun 10 kilometri yenilənəcək və 5 km uzunluğunda yeni dəmiryolu çəkiləcək”. Vali deyib ki, dəmiryol terminalı vasitəsi ilə İranın Ərdəbil vilayətinin Azərbaycan, Rusiya və Orta Asiya ölkələrinə kənd təsərrüfatı məhsullarının ixracı artacaq: “Bu terminal və iki ölkə arasında birgə sənaye...
Seçilmiş Videolar