Siyasət

Ələsgər Məmmədli: “Görüntüləri kimin yaydığı araşdırılmasa, bütün məsuliyyət hökumətin üzərində qalacaq”

29 Mart, 2021

1010

Açıq mənbələrdən götürülüb

“Görüntülər siyasi məqsədlə yayılıbsa, hüquq-mühafizə orqanları, xüsusilə də siyasi hakimiyyət ciddi tədbir görüb bunu ortaya çıxarmalıdır. Əks halda bütün məsuliyyət hökumətin üzərində qalacaq”.

Bunu “Toplum TV”-yə hüquqşünas Ələsgər Məmmədli deyib.

Sosial şəbəkədə Milli Şuranın sədri Cəmil Həsənlinin qızı Günel Həsənliyə aid olduğu iddia edilən intim görüntülər yayılıb. Bu barədə martın 28-də C.Həsənli şəxsi “Feysbuk” hesabında paylaşım edib.
O bu görüntülərin yayılmasında Azərbaycan hakimiyyətini ittiham edib.

Ə.Məmmədli şəxsi həyatın toxunulmazlığını hüquqi baxımdan şərh edib: “Konstitusiyanın 32-ci maddəsində şəxsi həyatın qorunması ilə bağlı konkret olaraq dövlətin öhdəlikləri sadalanıb və hər bir insanın şəxsi həyatının təminat altında olduğu vurğulanıb. Yəni bu, dövlətin öhdəliyidir ki, insanların şəxsi həyatına hər hansı müdaxiləyə icazə verməsin və belə bir hadisə baş verdiyi halda buna uyğun tədbir görülsün.

Bundan başqa, Cinayət Məcəlləsinin 156-cı maddəsinə görə, şəxsi həyata müdaxilə, şəxsi həyata dair görüntülərin çəkilməsi, əldə olunması və yayılması və sairə çox açıq şəkildə cinayət məsuliyyəti yaradır. Əgər bu, hansısa vəzifəli şəxslərin qulluq mövqeyindən istifadə etməsi nəticəsində baş verərsə, o zaman bu məsuliyyətin dərəcəsi artır və 2 ilədək azadlıqdan məhrumetmə cəzası ilə cəzalandırıla bilir. Bunlar məsələnin hüquqi tərəfidir. Əxlaqi və mənəvi qisminə gəldikdə isə, Cəmil Həsənli siyasətlə məşğuldur, onu bu yolla siyasətdən çəkindirmək çox yanlış metoddur və tərs nəticə verir. Bütün cəmiyyət bu tip davranışları qınayır və buna nifrət edir. Əgər görüntülər siyasi məqsədlə yayılıbsa, hüquq-mühafizə orqanları, xüsusilə də siyasi hakimiyyət ciddi tədbir görüb bunu ortaya çıxarmalıdır. Əks halda bütün məsuliyyət hökumətin üzərində qalacaq”.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Oxşar Xəbərlər

Cəmil Həsənli Milli Şuranın sədrliyindən getmək istəyir

Müxalifət "Pandora sənədləri" ilə bağlı Baş Prokurorluğa müraciət etdi

Erkin Qədirli: "Qanun layihəsinin əleyhinə səs verdim"

Milli Şura: "Hakimiyyət Qarabağ savaşından əvvəlki repressiya siyasətinə qayıdıb"

Günel Həsənlinin şəxsi həyatına müdaxiləylə bağlı cinayət işi açılıb

Günel Həsənli videolarla bağlı araşdırmadan narazıdır

Redaktorun Tövsiyələri

Sorğu: Maaş artmayıb, dərmanlar niyə qalxır?

Penitensiar Xidmət: Bəxtiyar Hacıyev həkim nəzarətindədir - YENİLƏNİB

İran-Azərbaycan böhranı: redaksiyalarda casus əməliyyatları, müharibə ajotası

Gültəkin Hacıbəyliyə bəraət verildi

KİV: Türkiyə-Naxçıvan sərhədi açılıb

Dövlətin gənclər siyasəti özünü doğruldurmu?

Siyasət

Gültəkin Hacıbəyliyə bəraət verildi

1 Fevral 2023

Sosial Media

Bu gün, fevralın 1-də Gültəkin Hacıbəyliyə qarşı qaldırılan xüsusi ittiham üzrə cinayət təqibinə bəraət verilib. Toplum TV xəbər verir ki, bu barədə vəkil Aqil Layic sosial media hesabında məlumat verib. Bəraət qərarını Nəsimi Rayon Məhkəməsi çıxarıb. https://toplum.tv/siyaset/gultekin-hacibeylinin-oglunun-olkeden-cixisina-qadaga-goturulub Keçmiş deputat, Milli Şuranın Koordinasiya Mərkəzinin üzvü Gültəkin Hacıbəyli ötən ilin noyabrında xüsusi ittiham qaydasında məhkəməyə verilmişdi. Leyla Arif adlı şəxs Nəsimi Rayon Məhkəməsinə müraciət edərək Gültəkin Hacıbəylinin sosial şəbəkə ona böhtan atdığını bildirmişdi. Bundan sonra Gültəkin Hacıbəyli barəsində Cinayət Məcəlləsinin 147.2-ci (Ağır və ya xüsusilə ağır cinayətdə ittiham etməklə böhtan atma) maddəsi ilə cinayət işi başlanılmışdı.

Davamını oxu

Siyasət

KİV: Türkiyə-Naxçıvan sərhədi açılıb

1 Fevral 2023

Açıq mənbələrdən götürülüb

Türkiyə-Naxçıvan sərhədindəki “Dilucu” buraxılış məntəqəsi açılıb. Toplum TV xəbər verir ki, bu barədə fevralın 1-də APA məlumat yayıb. Qeyd olunub ki, Türkiyənin Naxçıvandakı Baş Konsulluğu faktı təsdiqləyib. Konsulluğun nümayəndəsi Dursun Gülün sözlərinə görə, Naxçıvan qeydiyyatında olan şəxslər ayda 2 dəfə olmaqla öz avtomobilləri ilə gömrüyü keçə bilərlər. https://toplum.tv/multimedia/hokumetin-demir-serhed-siyaseti-quru-serhedler-niye-acilmir Xatırlatma Azərbaycan 2020-ci ilin martında Covid-19 virusu yayılarkən pandemiyanın qarşısının alınması məqsədilə ölkə sərhədlərini gediş-gəliş üçün bağlamışdı. Pandemiya davam edən zaman Azərbaycan hökuməti Naxçıvan üzərindən sərhədin açılmasına qərar vermiş, lakin bir müddət sonra sərhəd yenidən bağlanmışdı. Hazırda Türkiyə istisna olmaqla, Azərbaycanın digər qonşu ölkələrlə quru sərhədləri bağlıdır.

Davamını oxu