Siyasət
Əli Kərimli: “Qarabağdakı insidentlər Rusiya silahlı qüvvələrilə koordinasiya olunmuş şəkildə həyata keçirilir”
28 Dekabr, 2020
1255
"Biz Rusiya "sülhməramlılar”ı Azərbaycana gələndə bilirdik ki, onlar gerçək sülh yaratmayacaqlar, onların məqsədləri başqadır. Mənim heç bir şübhəm yoxdur ki, Xocavənd rayonunda olmuş son insident də, ondan əvvəl Cəbrayılda, Hadrutda olmuş insidentlər də, guya haradansa erməni diversantlarının, partizanlarının peyda olması da Rusiya silahlı qüvvələri ilə koordinasiya olunmuş şəkildə həyata keçirilir”.
 
Azərbaycan Xalq Cəbhəsi Partiyasının sədri Əli Kərimli dekabrın 27-də Xocavənd rayonu ərazisində - Ağdam kəndində atəşkəsin pozulmasını, nəticədə bir nəfərin həlak olmasını şərh edərkən belə deyir. 

Son insidentdən sonra Azərbaycan cəmiyyətində belə bir sual yaranıb: "Qarabağda nə baş verir?” Eyni zamanda sosial şəbəkələrdə bir sıra təkliflər irəli sürülür, məsələn, sülhməramlılar missiyasını yerinə yetirə bilmədiyi üçün bəyanatın yerinə yetirilməsinə yenidən baxılmalıdır. Hətta Laçın dəhlizinə nəzarətin artıq Azərbaycan ordusuna keçməli olduğunu istəyənlər var.

AXCP sədri Ə.Kərimlinin sözlərinə görə, 44 günlük müharibə zamanı Ermənistan Ordusu, o cümlədən Qarabağdakı separatçı rejimin silahlı dəstələri tamamilə darmadağın edilib, buna görə də onların özbaşına Azərbaycan Ordusunun qarşısına çıxmağa cəsarətləri yoxdur.

Onun fikrincə, erməniləri bu təxribatları törətməyə təhrik edən Rusiyadır: "Təhrik etməkdə də iki məqsədləri var. Birincisi, qondarma rejimin cinayətkar başçıları elan edəcəklər ki, Hadrutdan vaz keçmək fikirləri yoxdur, ona görə də onu qaytarmaq istəyirlər və bu məqsədlə əməliyyatlar keçirirlər. İkincisi isə Rusiya bu təxribatlardan istifadə edib regionda "sülhməramlıları”nın sayını artırmaq istəyir”. 

Partiya sədri bir məqama da toxunur, deyir ki, Azərbaycan hakimiyyəti, Müdafiə Nazirliyi belə xəbəri gizlətməməli və operativ şəkildə ictimaiyyəti məlumatlandırmalıdır: "Dünən günortadan sonra bu hadisə baş verib, biz şəhid vermişik, sosial şəbəkələrdə bu məlumatlar yayılıb, amma bu gün səhər Müdafiə Nazirliyi bu məlumatı verib. Nəyə görə vaxtında, dərhal məlumat ictimaiyyətə verilmir?..”

Ə.Kərimli hesab edir ki, Azərbaycan rəhbərliyi prinsipial mövqe sərgiləməli və Rusiya sülhməramlılarına etirazını çatdırmalıdır: "İzah olunmalıdır ki, onların işi Ermənistandan zorla insanları Qarabağa köçürmək, onlara ev tikmək, onların sosial problemlərini həll etmək deyil, məhz atəşkəsə nəzarət etməkdir. Onlardan öz vəzifələrinin yerinə yetirilməsi tələb olunmalıdır, bacarmırlarsa,  mövqeləri tərk etmələri tələb olunmalıdır”.

O, təxribatlar davam edəcəyi təqdirdə irimiqyaslı anti-terror hərəkatı keçirmək hüququndan yararlanacağı yönündə rəsmi Bakının Yerevana xəbərdarlıq etməli olduğunu bildirir.

Amma AXCP sədri bunun üçün siyasi iradə lazım olduğunu bildirir və sual edir: "Azərbaycan hakimiyyəti bu iradəni göstərəcəkmi?”
 
Elməddin Şamilzadə

Siyasət

YAP İdarə Heyətinin yeni üzvləri məlum oldu

5 Mart 2021

Report

Bu gün Yeni Azərbaycan Partiyasının (YAP) VII qurultayında partiyanın yeni İdarə Heyəti formalaşıb. 40 nəfərdən Yenilənmiş İdarə Heyətində bu şəxslər yer alıb: 1. İlham Əliyev - Azərbaycan Respublikasının Prezidenti, Yeni Azərbaycan Partiyasının Sədri 2. Mehriban Əliyeva - Azərbaycanın Birinci vitse-prezidenti, Heydər Əliyev Fondunun prezidenti 3. Tahir Mirkişili 4. Cavid Osmanov 5. Sadiq Qurbanov 6. Hikmət Babaoğlu 7. Elşad Mirbəşiroğlu 8. Azər Badamov 9. Şahin İsmayılov 10. Ramin Məmmədov 11. Kamal Cəfərov 12. Əli Əhmədov 13. Mübariz Qurbanlı 14. Eldar İbrahimov 15. Bahar Muradova 16. Mixail Zabelin 17. Vasif Talıbov 18.İsmayılov Amin 19. İsgəndərov Anar 20. Əliyev Rauf 21. Əzizov Eldar...
Siyasət

Prezident: "Ermənistan Zəngəzur dəhlizinin icrasına əngəl törətmək istəyir"

5 Mart 2021

Vikipedia

“Azərbaycan-Ermənistan-Rusiya Baş nazirlərinin müavinləri artıq neçə dəfə artıq görüşüblər. Nə barədə danışırlar? Əməkdaşlıq barəsində. Biz əməkdaşlığın əleyhinəyikmi? Yox! İndi Ermənistan əməkdaşlıqdan boyun qaçırır. İndi Ermənistan Zəngəzur dəhlizinin icrasına əngəl törətmək istəyir. Amma nail ola bilməyəcək".  Bunu Prezident İlham Əliyev martın 5-də Yeni Azərbaycan Partiyasının VII qurultayındakı çıxışında deyib. O, bildirib ki, Ermənistan əməkdaşlıq etməyə məcbur ediləcək: "Məcbur edəcəyik onları, məcbur edəcəyik. Necə ki, qovmuşuq torpaqlarımızdan, bütün istədiyimizə nail olacağıq. Amma o vaxt Ermənistanla əməkdaşlıq etmək bizim işimizə gələrdimi? Əlbəttə ki, yox. Nə qədər deyirdilər ki, qoy, vətəndaş cəmiyyətinin nümayəndələri gəlsinlər, görüşsünlər. Bir müddət belə görüşlər var idi. Amma biz gördük...
Seçilmiş Videolar