Fransa Prezidenti Emmanuel Makron dünən, avqustun 5-i axşam saatlarında Azərbaycan Prezidenti İlham Əliyevə zəng edib.

Bu barədə "President.az" saytının məlumatında bildirilir. 

Xəbərə görə, telefon danışığı əsnasında Emmanuel Makron son günlərdə Qarabağ regionunda yaranmış gərginlikdən narahatlığını bildirib. 

O, Ermənistan və Azərbaycan arasında danışıqların davam etdirilməsinin və 2020-ci 10 noyabr tarixli üçtərəfli Bəyanatın müddəalarının həyata keçirilməsinin vacibliyini qeyd edib. Fransanın iki ölkə arasında dialoqun davam etdirilməsinə dəstək verməyə hazır olduğunu bildirib.

https://toplum.tv/siyaset/pasinyan-azerbaycan-dagliq-qarabag-adli-erazinin-movcudlugunu-qebul-etmelidir

Prezident İlham Əliyevsə hərbi təxribatın Ermənistan tərəfindən törədildiyini qeyd edərək Rusiya sülhməramlı qüvvələrinin müvəqqəti yerləşdirildiyi Azərbaycan ərazisində baş vermiş təxribat nəticəsində hərbi qulluqçumuzun həlak olduğunu vurğulayıb. 

Ölkə başçısı Azərbaycan Silahlı Qüvvələrinin bu təxribatın qarşısını aldığını, lazımi cavab tədbirləri gördüyünü deyib və baş vermiş gərginliyə görə bütün məsuliyyətin Ermənistanın üzərinə düşdüyünü bildirib.

"Azərbaycanın Qarabağ bölgəsində mövcudluğunu davam etdirən Ermənistan silahlı qüvvələrinin və qanunsuz erməni hərbi birləşmələrinin ünsurlərinin ərazimizdən çıxarılması təmin edilməlidir. Lakin Ermənistan tərəfindən bu hələ də təmin edilməyib. Bu isə öz növbəsində rəsmi İrəvan tərəfindən 2020-ci il 10 noyabr Bəyanatının müddəalarının pozulması və Ermənistanın üzərinə düşən öhdəlikləri yerinə yetirməməsidir", - deyə Prezident vurğulayıb. 

O, fransız həmkarının diqqətinə çatdırıb ki, üçtərəfli Bəyanatın müddəalarına uyğun olaraq Rusiya Müdafiə Nazirliyi ilə əldə olunmuş razılaşma nəticəsində Laçın dəhlizinə alternativ yeni yolun marşrutu müəyyən edilib və Azərbaycan tərəfindən bu yolun inşası başa çatdırılmaq üzrədir. 

"Bu işlər yekunlaşan kimi 2020-ci il 10 noyabr tarixli üçtərəfli Bəyanata əsasən Rusiya sülhməramlı qüvvələrinin həmin yola dislokasiya olunması nəzərdə tutulur", - Əliyev bildirib.