Siyasət

Elman Nəsirov: "YAP-da da islahatlara böyük ehtiyac vardı" 

Nigar Səmədli
9 Mart, 2021
2116

Sosial Media

"Yeni Azərbaycan Partiyasının növbədənkənar qurultayını zəruri edən Vətən müharibəsindən sonra yaranmış reallıq idi. Artıq yeni reallıqlar yaranıb və bu durumda qarşımızda yeni vəzifələr durur. Həmin vəzifələrin icrası üçün ölkəmizin siyasi sisteminin mərkəzi elementi olan YAP-da da islahatlara böyük ehtiyac vardı”. 

Milli Məclisin deputatı Elman Nəsirov “Toplum TV”-nin "YAP-ın Nizamnaməsində hansı dəyişikliklər olub?" sualına cavab verərkən belə deyib. 
 
O bildirib ki, qurultayda müzakirəyə çıxarılan məsələlər yeni nizamnamənin qəbulu və strukturun dəyişməsilə bağlı olub. Yeni nizamnaməyə görə, partiyada icra katibi vəzifəsi ləğv edildi, onun yerinə Mərkəzi Aparatın rəhbəri vəzifəsi təsis edildi və bu vəzifəyə, həmçinin partiya sədrinin müavini vəzifəsinə Tahir Budaqov təyin olundu. Bununla yanaşı, partiya sədrinin birinci müavini vəzifəsi yaradıldı və Birinci vitse-prezident Mehriban Əliyeva bu vəzifəyə təyin olundu". 

Elman Nəsirov deyib ki, qurultayda partiyanın İdarə Heyətinin 40 nəfərlik, Təftiş Komissiyasının 13 nəfərlik tərkibi təsdiq edilib, həmçinin 35 nəfərdən ibarət Veteranlar Şurası yaradılıb.

Bundan başqa, qurultayda Azərbaycan Xalq Demokratik Partiyasının, Azərbaycan Kəndli Partiyasının, Milli Qurtuluş Partiyasının, Azərbaycan Yurddaş Partiyasının, Azərbaycan Milli Hərəkat Partiyasının və Azərbaycan Demoktatik Sahibkarlıq Partiyasının YAP-a birləşmək barədə müraciətlərinə əsasən bu qurumların təşkilata birləşdirilməsi haqda qərar qəbul olunub.

Onun sözlərinə görə, İdarə Heyətinin yaradılmasında məqsəd YAP-ın fəaliyyətinə operativlik gətirməkdir: "Hazırki tərkiblə partiyanın fəaliyyətinə çeviklik, operativlik gətirilməsi və gələcək vəzifələrin icrası hədəf kimi qoyulub. Qarşıda dayanan əsas məsələlərdən biri isə siyasi dialoqların aparılması, ümummilli məsələlərdə siyasi partiyaların ortaq mövqedən çıxış etməsi istiqamətində nəticələrə müvəffəq olunmasıdır. Artıq bu sahədə ciddi nailiyyətlər var və bu siyasətin davam etdirilməsi və dərinləşdirilməsi kursu müəyyən edilib. Artıq prezidentin siyasi iradəsi ilə ölkəmizdəki siyası partiyaların 52-dən 51-i ümummilli məsələlərdə ortaq mövqe nümayiş etdirə bilirlər". 

O, hakimiyyətlə dialoqla getməyən yeganə siyasi qüvvənin Milli Şura olduğunu qeyd edib. 

YAP-ın digər deputatı Məlahət İbrahimqızı 6 partiyanın YAP-a qoşulmasını əlamətdar hadisə sayır: “Bu onu göstərir ki, YAP-ın məramı, proqramı, fəaliyyəti və əldə etdiyi nailiyyətlər dost partiyalar üçün də cəlbedicidir. YAP Azərbaycanın alternativi olmayan bir xalq partiyasıdır. YAP-ın ümumxalq partiya olması o deməkdir ki, bu partiya xalqı bir yumruq kimi birləşdirir və xalqın bütün təbəqələri bu partiyaya inanır". 

Deputat bildirib ki, partiyanın yeni proqramı da qəbul olunacaq: “Sədrimiz dedi ki, YAP-ın yeni proqramı hazırlanmalı və yeni dövrlə bağlı bütün məsələləri özündə ehtiva etməlidir. Prezident İlham Əliyevin tövsiyə və tapşırıqlarına uyğun olaraq qarşıdakı 3 ay ərzində yeni proqram hazırlanacaq. Nəzərə alınmalıdır ki, Azərbaycan dövləti şəhid ailələrinə və qazilərə hərtərəfli yardım göstərir, YAP da bu kateqoriyadan olan insanlara daim qayğı və diqqət göstərməli, "Böyük Qayıdış" proqramını çərçivəsində məcburi köçkünlərin öz doğma torpaqlarına qaytarılması prosesində öndə olmalıdır”.

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Ermənistanla sərhəddə və Qarabağda atəşkəs pozulub

30 May 2023

Rəsmi səhifə

Mayın 29-u saat 19:00-dan mayın 30-u saat 03:55-dək Azərbaycan Ordusunun mövqeləri fasilələrlə atəşə tutulub. Toplum TV xəbər verir ki, bu barədə Müdafiə Nazirliyi məlumat yayıb.  Bildirilir ki, Ermənistan bölmələri Azərbaycanın Tovuz, Kəlbəcər və İstisu yaşayış məntəqələri istiqamətlərində yerləşən mövqelərini atıcı silahlardan atəşə tutub. https://toplum.tv/siyaset/pqarabag-seperatccedililari-eliyeve-cavab-verdip Həmçinin Qarabağdakı qeyri-qanuni erməni silahlı dəstələri tərəfindən Azərbaycan Ordusunun Ağdam, Şuşa və Kəlbəcər rayonları istiqamətlərində yerləşən mövqelərinin atəşə tutulduğu xəbər verilib.  "Qeyd olunan bütün istiqamətlərdə adekvat cavab tədbirləri görülüb", - deyə Müdafiə Nazirliyindən bildirilib. 
Siyasət

İsrail Prezidenti Azərbaycana rəsmi səfərə gəlib

30 May 2023

Açıq mənbələrdən götürülüb

İsrail Prezidenti İsxaq Hersoq mayın 30-da Azərbaycana rəsmi səfərə gəlib. Toplum TV xəbər verir ki, İsxaq Hersoqu və xanımı Mixal Hersoqu hava limanında Azərbaycanın Baş nazirinin birinci müavini Yaqub Eyyubov, xarici işlər nazirinin müavini Fariz Rzayev və digər rəsmi şəxslər qarşılayıblar. İsxaqın Azərbaycan Prezidenti İlham Əliyev və digər rəsmi şəxslərlə görüşü gözlənilir. Ötən ay İsrailin xarici işlər naziri Eli Kohenin Azərbaycana səfəri baş tutmuşdu.  Martın 28-də isə Azərbaycanın İsraildəki səfirliyinin rəsmi açılış mərasimi olub. Azərbaycanın bu ölkədəki səfiri vəzifəsini Muxtar Məmmədov icra edir.  Azərbaycanın İsrail Tel-Əviv şəhərində səfirliyinin təsis edilməsi ilə bağlı sərəncamı Prezident İlham Əliyev ötən il noyabrın 26-da imzalayıb.

Seçilmiş Videolar

Toplum TV loqo