Siyasət

Ərdoğan Ermənistanın yeni hökumətinə uğurlar arzuladı  

30 Avqust, 2021
757

AA

Ermənistanın barışdırıcı bəyanatları fonunda Türkiyə onunla münasibətlərini normallaşdırmağa hazırdır.  

​​RİA Novosti xəbər verir ki, bu sözləri Türkiyə prezidenti Rəcəb Tayib Ərdoğan deyib.

“Mən Ermənistanın yeni hökumətinə uğurlar diləyirəm. Bizim regiona konstruktiv yanaşma lazımdır. Hətta fikir ayrılıqları varsa da, ərazi bütövlüyünə və suverenliyə hörmət əsasında münasibətləri inkişaf etdirmək lazımdır. Ermənistanın yeni hökuməti bu istiqamətdə getməyə hazır olduğunu bildirib, biz də Ermənistanla münasibətləri tədricən normallaşdıra bilərik”, - Ərdoğan avqustun 29-da Sarayevo səfərindən qayıdarkən türk jurnalistlərin suallarına cavab verərkən belə deyib. 

“Biz bu tarixi şansı dəyərləndirmək istəyən bütün tərəflərlə işləməyə hazırıq. Türkiyə, Azərbaycan, Rusiya, İran və Ermənistandan ibarət “beşlər platforması”nın yaradılması gündəlikdə durur. Biz buraya Gürcüstanı da əlavə etməyi təklif edirik. Əgər bu baş verərsə, regionda xeyli daha sakitlik olar”, - deyə Türkiyə Prezidenti bildirib.  

Ermənistanın yeni hökumətinin beş illik fəaliyyət proqramında Türkiyə ilə münasibətləri normallaşdırmaq üçün səylərin artırılması barədə müddəa var. 

Sənəddə bildirilir ki, bu, regionda sabitliyə, təhlükəsizliyə və intisadi inkişafa xidmət edir.

Siyasət

Müharibə iştirakçıları Müdafiə Nazirliyi qarşısında aksiya keçirib

Samirə Əli
16 May 2022

Toplum Tv

Bu gün, mayın 16-da bir qrup II Qarabağ müharibəsi iştirakçısı Müdafiə Nazirliyi önündə etiraz aksiyası keçirib. Şikayətçilər deyir ki, yanvardan bəri onlara ayrılan veteranlıq təqaüdü verilmir. Dəfələrlə qurumun qarşısına toplandıqlarını bildirən müharibə iştirakçıları təqaüdlərin köçürülməsini tələb edir. Əmək və Əhalinin Sosial Müdafiəsi Nazirliyi “Müharibə veteranı” adı verilmiş şəxslərə Prezidentin aylıq təqaüdünü (80 manat) təyin edir. Nazirliyin məlumatına görə, təqaüdün hansı ayda təyin edilməsindən asılı olmayaraq, 2022-ci ilin 1 yanvar tarixindən hesablanaraq vətəndaşların bank kartına köçürüləcək.
Siyasət

Prezident Təhsil Nazirliyinə 5 milyon manat ayırdı

16 May 2022

president.az

Azərbaycan Prezidenti İlham Əliyev Təhsil Nazirliyinə 5 milyon manat vəsait ayırıb. Bununla bağlı “president.az” məlumat yayıb. Məlumatda vurğulanır ki, bununla bağlı mayın 16-da İlham Əliyev Sərəncam imzalayıb. Sərəncama əsasən, Azərbaycan ərazisində modul tipli təhsil müəssisələrinin quraşdırılması işlərinin davam etdirilməsi məqsədilə Təhsil Nazirliyinə 5 milyon manat ayırılıb.

Seçilmiş Videolar

Toplum TV loqo