Siyasət

Erkin Qədirli: "Qanun layihəsinin əleyhinə səs verdim"

16 Oktyabr, 2021
2039

Açıq mənbələrdən götürülüb

Cəmil Həsənli: "Respublikanın alternativi monarxiyadır"

“Mən bu qanunun əleyhinəydim və 28 Mayın Müstəqillik Günü adlandırılmasını doğru saymıram. Həmin qanunun da əleyhinə səs verdim".

Bunu Meydan TV-yə ReAl Partiyasının Siyasi Komitəsinin üzvü, deputat Erkin Qədirli “Müstəqillik Günü haqqında” yeni qanuna münasibət bildirərkən deyib.

Milli Məclis “Müstəqillik Günü haqqında” yeni qanun layihəsini III oxunuşda qəbul edib.

Qanunverici orqanın 15 oktyabr tarixli iclasında 28 May - Respublika Gününün və 18 Oktyabr - Dövlət Müstəqilliyi Gününün adı dəyişdirilib.

Erkin Qədirli qeyd edib ki, 28 May - Respublika Gününün adının dəyişdilməsi ilə bağlı layihəyə plenar iclasın I və II oxunuşda münasibətini bildirib: "Respublika Gününə münasibətim aydındır. Amma 18 oktyabr Müstəqillik Gününün bərpasını doğru sayıram”.

Milli Şuranın sədri, keçmiş deputat Cəmil Həsənli isə deyir ki, 1918-ci il mayın 28-də Respublikanın (Cümhuriyyətin) elan edilməsi Azərbaycan xalqının böyük tarixi nailiyyəti idi: "Buna görə həmin gün millətimizin tarixinə Respublika günü kimi daxil olmuşdu. İndi onun adını dəyişdirib Müstəqillik Günü qoyurlar. Səbəbsiz deyil. Görünür, hansısa niyyətləri var. Ölkədə 1990-cı ildən indiyə qədər mayın 28-i Respublika Günü kimi qeyd edilib. İndi nə baş verib ki, “Respublika” ifadəsindən imtina etdilər. Respublikanın alternativi monarxiyadır: əlbəttə, Şərq monarxiyası. Respublika sözünün mənası xalqa xidmət deməkdir. Faktiki olaraq, Əliyevlər özlərinə, öz ailələrinə xidmət edir, ölkənin sərvətlərin şəxsi varlanmaq subyektinə çeviriblər, ofşor krallığı yaradıblar, xarici mülklərini belə kral ailəsinə satır, ölkədə ailə monarxiyası qurublar. Gənc şahzadənin artıq Londonda qiyməti yüz milyonlarla ölçülən 17 mülkü var. Hakim ailənin millətdən oğurladığı pullar hesabına aldığı London mülkələrinin aşkarlanan dəyəri 700 milyon dollar ətrafındadır. Respublika quruluşu məhz belə oğurluqların qarşısını almaq üçündür. Respublikada belə şey ola bilməz. Respublika sistemində belə böyük oğurluq əməlinin hesabını sorarlar. Belə şeylərin qarşısını almaq üçün monarxiyaya gedən yolu təmizləmək lazımdır. Bu yolda ilk və böyük maneə respublikadır. Məhz bu ifadəni və onun atributlarını xalqın yaddaşından silmək istəyirlər”.

Cəmil Həsənli deyib ki, hakimiyyət milləti ailə monarxiyasına adaptasiya etmək istəyir: “Bir şəxsin prezidentliyinə qoyulan məhdudiyyətləri də addım-addım bu formada qaldırıb ömürlük bir şəxsin idarəçiliyə yol açdılar, bir ailənin əbədi idarəçiliyinə "hüquqi" zəmin yaratdılar. 28 May ölkəmizin taleyində və tarixində Respublika üsul idarəsinin doğuşu günüdür, Respublikanın ad günüdür, təvəllüd tarixidir. İndi ölkəni bu tarixdən məhrum etdilər. Respublika ifadəsindən imtina monarxiyanın rəsmiləşdirilməsinə yol aça bilər. Əlbəttə, bunu etmək olmazdı, buna getmək yolverilməz idi. Amma etdilər və etdikləri üçün də monarxiyay gedən yolda ən böyük maneə olan RESPUBLİKANI şübhə altına aldılar”.

Bu gündən, oktyabrın 15-dən mayın 28-i Müstəqillik Günü, oktyabrın 18-i isə Müstəqilliyin Bərpası Günü elan edilib. Həmin günlər hər il bayram kimi qeyd olunacaq.

Müstəqillik Günü qeyri-iş günü, Müstəqilliyin Bərpası Günü isə iş günü olan bayram sayılacaq.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Azərbaycan və Ermənistan XİN başçılarının görüş tarixi açıqlandı

26 Fevral 2024

Açıq mənbələrdən götürülüb

Azərbaycan və Ermənistan xarici işlər nazirlərinin görüşü fevralın 28-29-da Berlində baş tutacaq. Toplum TV xəbər verir ki, bu barədə fevralın 26-da Ermənistan Xarici İşlər Nazirliyinin mətbuat katibi Ani Badalyan bildirib. Onun sözlərinə görə, görüş bir müddət əvvəl Münhen Təhlükəsizlik Konfransında keçirilən üçtərəfli görüşdə əldə olunan razılaşmaya əsasən təşkil olunacaq.  Qeyd edək ki, bundan əvvəl xarici işlər naziri Ceyhun Bayramov Ermənistan nümayəndə heyəti ilə sülh müqaviləsi ilə bağlı təkbətək danışıqların aparılacağını bildirmişdi. 
Siyasət

Həbs olunmuş fəalın səhhətində problemlər yaranıb

26 Fevral 2024

Sosial Media

Azərbaycanın alternativ həmkarlar ittifaqı konfederasiyası olan "İşçi Masası"nın həbsdə olan üzvü Möhyəddin Orucovun səhhətində problemlər yaranıb.  Toplum TV xəbər verir ki, bu barədə fevralın 26-da "Turan" agentliyinə onun anası Təranə Orucova bildirib. O qeyd edib ki, 2023-cü ilin oktyabrında inzibati qaydada həbs edildikdən sonra Möhyəddini uzun müddət açıq havada saxlayıblar və onun böyrəklərinə soyuq dəyib. Həbs dövründə onu müayinə etməyiblər, sadəcə olaraq ağrıkəsicilər veriblər. Azad edildikdən sonra fəal müalicə olunub, lakin 2023-cü ildə yenidən həbs edildiyinə görə müalicəsi yarımçıq qalıb. https://toplum.tv/siyaset/pbahar-muradova-quotabzas-isiquot-ile-bagli-hebs-olunan-jurnalistlerden-danisibp Orucovun anasının sözlərinə görə, hazırda onun böyrəklərində ağrılar artıb. Onu xəstəxanaya yerləşdirməkdən imtina edirlər. Vəkil sabah yenidən onun xəstəxanaya...

Seçilmiş Videolar

Toplum TV loqo