Siyasət

Erməni KİV: Qarabağda döyüşlər gedir

3 Avqust, 2022
128

Açıq mənbələrdən götürülüb

"Azərbaycanın minaatan və dron hücumu nəticəsində 7 əsgər yaralanıb".

Bu barədə avqustun 3-də "Armenpress" portalı məlumat yayıb. 

Laçın dəhlizi yaxınlığında gedən döyüşlər zamanı Qarabağda xidmət edən 7 erməni əsgərinin yaralandığı, birinin vəziyyətinin ağır olduğu qeyd olunub.

""Artsax (Qarabağdakı qondarma rejimin ermənicə adı - red.) hakimiyyəti vəziyyəti sabitləşdirmək üçün Rusiya sülhməramlı kontingenti ilə birgə tədbirlər gördüklərini bildirib", - deyə məlumatda bildirilib. 

Azərbaycan Müdafiə Nazirliyi hələlik məsələylə bağlı rəsmi açıqlama verməyib. 

https://toplum.tv/siyaset/xin-qarabagda-esgerin-sehid-olmasiyla-bagli-beyanat-yayib

Son günlərdə Qarabağ regionunda vəziyyət yenidən gərinləşib. Bu gün Azərbaycan Müdafiə Nazirliyi Laçın istiqamətində bir hərbi qulluqçusunun həlak olduğunu açıqlayıb. 

Bu gün Ermənistan Təhlükəsizlik Şurasının katibi Armen Qriqoryan mətbuata açıqlamasında demişdi ki, rəsmi Bakının Laçın dəhlizini başqa marşrutla əvəz etmək tələbi qanunsuzdur. Halbuki iyulun 29-da Ermənistan Ərazi İdarəetmə və İnfrastruktur Nazirliyi Laçın dəhlizinə alternativ olacaq M-12/-Teh-Kornidzor avtomobil yolunun yenidən qurulması üzrə işlərə 2022-ci ilin avqustunda başlanacağı bildirmişdi. 

Qriqoryan açıqlamasında deyib: "Bəli, inşaata artıq başlanılıb, amma nəzərə alın ki, üçtərəfli bəyanatda yeni marşrut xəttinin çəkilməsi planından bəhs edilir. Razılaşdırılmış belə plan isə yoxdur. Ermənistan Respublikası artıq üçtərəfli formatda planı təsdiqləmək, imzalamaq və razılaşdırılmış qrafikə və yol xəritəsinə uyğun olaraq irəliləməyi təklif edib. 9 noyabr 2020-ci il tarixli üçtərəfli bəyannamədə də məhz bu nəzərdə tutulur".

Siyasət

İsrailin Azərbaycandakı səfiri İran barədə: Bu qatil rejimin hədələrini ciddi qəbul edin

16 Avqust 2022

Sosial mediadan skrinşot

İsrailin Azərbaycandakı səfiri Corc Dik bu gün, avqustun 16-da "tvitter"də britaniyalı yazıçı Salman Rüşdinin bıçaqlanmasıyla bağlı video müraciət yayıb.  Corc Dik müraciətində deyib:  "İranın Azərbaycandakı səfiri yaxınlarda məni ölümlə təhdid etdi. O, "tvitter"də yazdı ki, mən qırmızı xətti keçmişəm, ona görə də İran xalqı məni dəfn edəcək. İndi siz Salman Rüşdinin bıçaqlandığını eşidərkən mənim nə düşündüyümü təsəvvür edə bilərsiniz. Çünki İran həm də demişdi ki, o, [Salman Rüşdi] qırmızı xətti keçib və onu da ölümlə hədələmişdi. Və terrorçu onu günün günorta çağl öldürməyə cəhd etdi. Ona görə də indi siz mənim müəyyən qədər şəxsi hisslərimi təsəvvür edə bilərsiniz.  https://toplum.tv/siyaset/iranin-azerbaycandaki-sefiri-israilli-hemkarini-tehdid-etdi Həftələr...
Siyasət

Qarabağ Azadlıq Təşkilatı adını dəyişir, partiyaya çevrilir

16 Avqust 2022

Açıq mənbələrdən götürülüb

Qarabağ Azadlıq Təşkilatı adını dəyişib Azad Vətən Partiyasına çevriləcək.  Bunu təşkilatın sədri Akif Nağı avqustun 16-da APA-ya açıqlamasında deyib. Onun sözlərinə görə, qanunvericilik təşkilatın yenidən təşkilinə icazə verir. Bununla əlaqədar Təşkilat Komitəsi yaradılıb, sabah qurultay keçiriləcək. Qurultayda Qarabağ Azadlıq Təşkilatının Azad Vətən Partiyasına çevrilməsi barədə qərar qəbul ediləcək. Partiya sədrliyinə namizəd Akif Nağıdır. "Qarabağ Azadlıq Təşkilatı" - 1993-cü ildə yaradılıb.  Təşkilatın ilk adı Qarabağ Azadlıq Hərəkatı olub, 2000- ci il yanvarın 28-də keçirilən qurultayda adın indiki forması - Qarabağ Azadlıq Təşkilatı qəbul olunub. 

Seçilmiş Videolar

Toplum TV loqo