Siyasət

Ermənistan Azərbaycanla nə vaxt sülh müqaviləsi imzalayacaq? - Paşinyanın silahdaşından açıqlama

1 İyul, 2021
181

Aysor

Ermənistan Azərbaycan tərəfinin təzyiqiylə heç bir sülh müqaviləsi imzalamayacaq. Bu ssenari sadəcə olaraq istisna edilir.

Bu sözləri iyulun 1-də "Sputnik Ermənistan" saytına açıqlamasında Ermənistan parlamentinin xarici əlaqələr komissiyasının sədri, hakim "Mənim addımım" fraksiyasının üzvü Ruben Rubinyan deyib.

Bununla belə, Rubinyan Azərbaycanın yalnız Dağlıq Qarabağın statusunu tanıyacağı təqdirdə "Ermənistanın məmnuniyyətlə sülh sazişinə imza atacağını" bəyan edib. Bu ssenaridə "Azərbaycan Dağlıq Qarabağın ərazi bütövlüyünü tanımalıdır".

Paşinyanın yaxın çevrəsindən sayılan Rubenyan açıqlamasında "Zəngəzur dəhlizi" məsələsinə də toxunub. Onun sözlərinə görə, Ermənistanın suveren ərazisindən heç bir dəhliz keçməyəcək. O, 9 noyabr Atəşkəs sazişində dəhliz barəsində hansısa müddəanın olmadığını qeyd edib.

Bir müddət əvvəl Azərbaycanın xarici işlər naziri Ceyhun Bayramov Ermənistana "sərhədlərin toxunulmazlığı, ərazi bütövlüyünə hörmət və beynəlxalq norma və prinsiplərə" riayət etməklə əlaqələri normallaşdırmağı təklif etmişdi. Bundan başqa, rəsmi Bakı Dağlıq Qarabağ mövzusunun onun üçün qapandığını və sülh sazişinin imzalanması üçün heç bir maneə görmədiyini bəyan etmişdi.

Siyasət

Azərbaycan İsraildə ilk rəsmi nümayəndəliyini açdı - reaksiyalar

Məzahir Abdurahmanov
29 İyul 2021

Rəsmi səhifə

"Azərbaycanla İsrail münasibətlərinin güclənməsinə İran ciddi reaksiya verməyəcək”. Bunu “Toplum TV”-yə açıqlamasında siyasi şərhçi Azər Qasımlı deyib. Bu gün İsraildə Azərbaycanın ticarət nümayəndəliyi açılıb. İsrailin Azərbaycandakı səfiri Corc Dik “Tvitter” səhifəsində məsələyə belə münasibət bildirib: “Həmin o gün gəldi. Bu gün biz Azərbaycan rəsmilərini İsraildə ticarət nümayəndəliyinin açılışı ilə bağlı qarşılayırıq. Bu, ölkədəki ilk rəsmi mövcudluğudur. İndi Azərbaycanın İsraildə ilk rəsmi evi var! Bu gün aramızdakı əlaqələr tarixində mühüm bir gündür. Nazir M.Cabbarov və nazir Y.Razvozov birgə lenti kəsərək Azərbaycanın İsraildəki ticarət nümayəndəliyini açıblar”. Azər Qasımlı - Sosial Media A.Qasımlı hesab edir ki, İsraildə Azərbaycanın ticarət nümayəndəliyinın açılmasını İran təbii...
Siyasət

Siyasi şərhçi: "Rusiya istəsə, Ermənistan KTMT-dən istifadə edə bilər"

Məzahir Abdurahmanov
29 İyul 2021

Sputnik

"Ermənistanın Kollektiv Təhlükəsizlik Müqaviləsi Təşkilatına (KTMT) sədrlik etməsi qurumun regional siyasətini dəyişməyəcək. Bu, sadəcə, rotasiya üsüludur".   Bunu “Toplum TV”-yə açıqlamasında siyasi şərhçi Zaur Əkbər deyib.   Ermənistan 16 sentyabr 2021-ci ildən KTMT-nin sədrik edəcək.   "Hesab edirik ki, KTMT mövcud vəziyyətə uyğun cavab verməlidir, çünki bu, təşkilatın öhdəliyidir. 16 sentyabrdan etibarən Ermənistanın bütün sonrakı nəticələri ilə KTMT-nin sədri olacağına diqqət yetirmək lazımdır”, - bunu "Mənim Adım" blokunun deputatı Ruben Rubinyan Ermənistan İctimai Televiziyasına müsahibəsində deyib/ Zaur Əkbər - VOA  Z.Əkbər deyib ki, KTMT Rusiyanın təşəbbüsü ilə yaranan bir qurumdur: “Orada gedən bütün proseslərə Rusiya nəzarət edir. Azərbaycanın Rusiya ilə...
Seçilmiş Videolar