Siyasət

Ermənistan hökuməti separatçı rejimə 290 milyon yardım göstərəcək

25 Yanvar, 2022
316

Rəsmi səhifə

Ermənistan hökuməti 2022-ci ildə Qarabağdakı separatçı rejimə 144 milyard dram (təqribən 290 milyon dollar) yardım edəcək. 

"Sputnik Ermənistan" xəbər verir ki, bunu Baş nazir Nikol Paşinyan Yerevanda separatçıların lideri Araik Harutunyanı qəbul edərkən söyləyib.

“44 günlük müharibədən sonra Ermənistan hökuməti "Artsax"ın sosial-iqtisadi problemlərinin həllində daha fəal iştirak edir. "Artsax"ın 2022-ci il üçün büdcəsi də rekord həcmə çatıb, bu da mühaibədən sonrakı bərpa işlərini nəzərə aldıqda tamamilə təbiidir”, - deyə Paşinyan söyləyib.

Baş nazir bildirib ki, 2021-ci ildə Ermənistanın yardımı 100 milyard dramdan çox (200 milyon dollardan artıq) olub. Onun sözlərinə görə, müharibədən sonra əsas narahatlıq sosial vəziyyətlə bağlı idi, amma birgə səylər nəticəsində savaş sonası böhranı adlamaq mümkün olub.

Araik Harutunyan isə öz növbəsində bildirib ki, onlar Ermənistan hökumətinin və onun hər bir üzvünün dəstəyini hər zaman hiss ediblər. Onun sözlərinə görə, Ermənistan tərəfinin göstərdiyi nəhəng kömək sayəsində Qarabağdan əhali köçünün qarşısını almaq mümkün olub.

Harutunyan əlavə edib ki, 2022-ci ildə ayrılan yardım sayəsində həm mənzil problemini həll etmək, həm də Badara su anbarını tikmək və Badara-Xankəndi su kəmərini çəkmək mümkün olacaq.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Gültəkin Hacıbəyliyə bəraət verildi

1 Fevral 2023

Sosial Media

Bu gün, fevralın 1-də Gültəkin Hacıbəyliyə qarşı qaldırılan xüsusi ittiham üzrə cinayət təqibinə bəraət verilib.  Toplum TV xəbər verir ki, bu barədə vəkil Aqil Layic sosial media hesabında məlumat verib.  Bəraət qərarını Nəsimi Rayon Məhkəməsi çıxarıb.  https://toplum.tv/siyaset/gultekin-hacibeylinin-oglunun-olkeden-cixisina-qadaga-goturulub Keçmiş deputat, Milli Şuranın Koordinasiya Mərkəzinin üzvü Gültəkin Hacıbəyli ötən ilin noyabrında xüsusi ittiham qaydasında məhkəməyə verilmişdi.  Leyla Arif adlı şəxs Nəsimi Rayon Məhkəməsinə müraciət edərək Gültəkin Hacıbəylinin sosial şəbəkə ona böhtan atdığını bildirmişdi.   Bundan sonra Gültəkin Hacıbəyli barəsində Cinayət Məcəlləsinin 147.2-ci (Ağır və ya xüsusilə ağır cinayətdə ittiham etməklə böhtan atma) maddəsi ilə cinayət işi başlanılmışdı. 
Siyasət

KİV: Türkiyə-Naxçıvan sərhədi açılıb

1 Fevral 2023

Açıq mənbələrdən götürülüb

Türkiyə-Naxçıvan sərhədindəki “Dilucu” buraxılış məntəqəsi açılıb. Toplum TV xəbər verir ki, bu barədə fevralın 1-də APA məlumat yayıb.  Qeyd olunub ki, Türkiyənin Naxçıvandakı Baş Konsulluğu faktı təsdiqləyib. Konsulluğun nümayəndəsi Dursun Gülün sözlərinə görə, Naxçıvan qeydiyyatında olan şəxslər ayda 2 dəfə olmaqla öz avtomobilləri ilə gömrüyü keçə bilərlər. https://toplum.tv/multimedia/hokumetin-demir-serhed-siyaseti-quru-serhedler-niye-acilmir Xatırlatma Azərbaycan 2020-ci ilin martında Covid-19 virusu yayılarkən pandemiyanın qarşısının alınması məqsədilə ölkə sərhədlərini gediş-gəliş üçün bağlamışdı.  Pandemiya davam edən zaman Azərbaycan hökuməti Naxçıvan üzərindən sərhədin açılmasına qərar vermiş, lakin bir müddət sonra sərhəd yenidən bağlanmışdı.  Hazırda Türkiyə istisna olmaqla, Azərbaycanın digər qonşu ölkələrlə quru sərhədləri bağlıdır.  

Seçilmiş Videolar

Toplum TV loqo