Siyasət

"Ermənistan Soçi razılaşmalarının həyata keçirilməsindən qazanacaq"

2 Dekabr, 2021
170

Un.org

Soçidə noyabrın 26-da keçirilən üçtərəfli görüşün yekunu olaraq Rusiya, Azərbaycan və Ermənistan liderləri əvvəlki öhdəliklərini və razılaşmalarını təsdiq ediblər. Bu, regional kommunikasiyaların, iqtisadi əlaqələrin bərpa edilməsi ilə bağlıdır. 

Bu barədə "Turan" agentliyinə ABŞ-ın Azərbaycandakı keçmiş səfiri Metyu Brayza Soçi görüşünün yekunlarını şərh edərkən bildirib.

"Nəqliyyat kommunikasiyalarının açılması haqqında əvvəlki razılaşmalar Ermənistandakı siyasi vəziyyətlə əlaqədar həyata keçirilməmişdi. Baş nazir Paşinyan siyasi rəqiblərinin, ilk növbədə Qarabağ klanının, daşnakların və ABŞ-ın erməni diasporunun hücumuna məruz qalmışdı", - deyə Brayza bildirib.

O, həmçinin qeyd edib ki, Soçi görüşü Moskvanın Cənubi Qafqazda əsas oyunçu olduğunu və prosesi sona qədər çatdırmaq niyyətində olduğunu göstərib.

Rusiya prezidentinin Paşinyana ünvanlanmış, iqtisadi əlaqələr və əməkdaşlıq bərpa ediləcəyi təqdirdə Ermənistanın böyük mənfəət əldə edəcəyi haqqında qeydi də əhəmiyyətli idi. "Ermənistan Azərbaycan və Türkiyə ilə əməkdaşlıq edərsə böyük investisiyalar əldə edəcək və təkcə regional layihələrə deyil, həm də beynəlxalq layihələrə inteqrasiya edə biləcək", - deyə diplomat qeyd edib.

Tərəflərin Azərbaycan və Ermənistan arasında sərhədlərin demarkasiyası və delimitasiyası prosesinə başlamaq barədə razılığı da çox böyük əhəmiyyət kəsb edir. Bu, sərhəddə çoxsaylı döyüşlərə və insan itkilərinə son qoya bilər. 

"Düşünürəm ki, ATƏT-in Minsk Qrupu bunun həyata keçirilməsində böyük rol oynaya bilərdi. Rusiya, ABŞ və Fransa bunda vahid rol oynamalıdır. Dekabrın 15-də Brüsseldə keçiriləcək görüşə gəlincə, Avropa İttifaqı da artıq əldə edilmiş razılaşmaların irəlilədilməsində və həyata keçirilməsində öz müsbət rolunu oynamalıdır. Bu, həmçinin Fransa üçün obyektiv oyunçu olduğunu, birtərəfli, ermənipərəst mövqe tutmadığını sübut etmək şansıdır", - deyə Brayza qeyd edib. 

Siyasət

“Məhsul” stadionunu "satışa çıxaran"  vəzifəli şəxslər həbs olunub

17 Avqust 2022

Rəsmi səhifə

“Məhsul” stadionunu "satışa çıxaran" Azərbaycan Həmkarlar İttifaqlarının İdman Təşkilatları Assosiasiyasının sədri və digər vəzifəli şəxslər barəsində cinayət işi başlanıb. Bu barədə avqustun 17-də Baş Prokurorluqdan məlumat verilib. Bildirilir ki, Azərbaycan Həmkarlar İttifaqlarının İdman Təşkilatları Assosiasiyasının sədri Nadir Əliyev və “Yasamal” idman-sağlamlıq klubunun direktoru Alik Həsənov  həmin klubun istifadəsində olan keçmiş “Məhsul” stadionun satışa çıxarıldığını bildirərək sahibkarlara qarşı dələduzluq ediblər. Onların sahibkarların pul vəsaitlərini ələ keçirdiyi müəyyən olunub. Nəticədə Baş prokuror yanında Korrupsiyaya qarşı Mübarizə Baş İdarəsində cinayət işi başladılıb. https://toplum.tv/mehkeme/dovlete-xeyanetde-teqsirlendirilen-dini-inancli-israilin-bayragini-oz-heyetimde-yandirmali-oldum "Aparılan istintaqla Nadir Əliyevin Alik Həsənovla qabaqcadan əlbir olaraq Bakı şəhəri, Yasamal rayonu, Həsən bəy Zərdabi prospekti 69D ünvanında 1,26...
Siyasət

İsrailin Azərbaycandakı səfiri İran barədə: Bu qatil rejimin hədələrini ciddi qəbul edin

16 Avqust 2022

Sosial mediadan skrinşot

İsrailin Azərbaycandakı səfiri Corc Dik bu gün, avqustun 16-da "tvitter"də britaniyalı yazıçı Salman Rüşdinin bıçaqlanmasıyla bağlı video müraciət yayıb.  Corc Dik müraciətində deyib:  "İranın Azərbaycandakı səfiri yaxınlarda məni ölümlə təhdid etdi. O, "tvitter"də yazdı ki, mən qırmızı xətti keçmişəm, ona görə də İran xalqı məni dəfn edəcək. İndi siz Salman Rüşdinin bıçaqlandığını eşidərkən mənim nə düşündüyümü təsəvvür edə bilərsiniz. Çünki İran həm də demişdi ki, o, [Salman Rüşdi] qırmızı xətti keçib və onu da ölümlə hədələmişdi. Və terrorçu onu günün günorta çağl öldürməyə cəhd etdi. Ona görə də indi siz mənim müəyyən qədər şəxsi hisslərimi təsəvvür edə bilərsiniz.  https://toplum.tv/siyaset/iranin-azerbaycandaki-sefiri-israilli-hemkarini-tehdid-etdi Həftələr...

Seçilmiş Videolar

Toplum TV loqo