Siyasət

Ermənistan Təhlükəsizlik Şurası: “Dağlıq Qarabağ problemini həll etmədən sülh müqaviləsi bağlamaq mümkün deyil”

15 Noyabr, 2022
1250

Rəsmi səhifə

"Azərbaycan Müdafiə Nazirliyinin “atəşkəs rejiminin pozulması” ilə bağlı yaydığı xəbərlər vəziyyəti gərginləşdirməyə, daha sonra isə hərbi əməliyyatların həyata keçirilməsinə yönəlib". 

Bu sözləri Ermənistan Təhlükəsizlik Şurasının katibi Armen Qriqoryan "Civilnet"-ə müsahibəsində bildirib.

“Hazırda Azərbaycanın Ermənistana qarşı hərbi təxribat törədə biləcəyi təhlükəsi var. Biz öz imkanlarımızı artırmaq üçün fəaliyyətimizi davam etdiririk, eləcə də eskalasiyanın qarşısını almaq üçün beynəlxalq ictimaiyyətlə birlikdə işləyirik”, - deyə o müsahibəsində deyib. 

https://toplum.tv/multimedia/pasinyandan-gozlenilmez-etiraflar

İlin sonuna qədər sülh müqaviləsinin bağlanmasına gəlincə, Təhlükəsizlik Şurasının katibi deyib ki, sülh müqaviləsinin mətnində Yerevanın təklif etdiyi mexanizmlər də təminat yaradır: "Məsələn, beynəlxalq qarantlardan danışırıq. Qarantların kim olacağı hələ bəlli deyil, bu, danışıqlar mövzusudur. Ermənistan bilir ki, bu zəmanətlər tarix boyu heç də həmişə işləmir, lakin belə hallar ola bilər”.

Qriqoryan bildirib ki, iki ölkə arasında danışıqlarda Qarabağ məsələsi təbii olaraq müzakirə olunur, irəliləyişlə bağlı mümkün həll yolları axtarılır: "Məsələni gələcəyə saxlamaq, ya da Dağlıq Qarabağ rəhbərliyilə Azərbaycan arasında hüquq və təhlükəsizliyin müzakirəsi üçün beynəlxalq mexanizm yaratmaq variantı var. Dağlıq Qarabağ problemini həll etmədən, heç olmasa Qarabağ probleminin necə həll olunacağına aydınlıq gətirmədən sülh müqaviləsi bağlamaq mümkün deyil. Qarabağ problemindən yan keçmək mümkün deyil, bu, bütün iclaslarda müzakirə olunur, gündəmdədir”.

Eyni zamanda, Təhlükəsizlik Şurasının katibi əlavə edib ki, hazırda Qarabağ məsələsini sülh müqaviləsi prosesindən necə ayırmaq barədə müzakirələr gedir. “Çünki uzun müddətdir ki, Qarabağ probleminin sülh sazişinin tərkib hissəsi kimi, prosesin bir hissəsi kimi həlli yolu tapılmayıb. İndi biz mövzuları məhdudlaşdırmağa çalışırıq, lakin bunun üçün zəmanətlər lazımdır. Zəmanət olmadan bunu sülh müqaviləsində əks etdirməmək mümkün deyil”, - deyə Qriqoryan qeyd edib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo