Siyasət

Etirazçı tələbələr sosial media hesablarına müxadilə edildiyini deyir

Elməddin Şamilzadə
6 May, 2021
2097

Sosial Media

Tələbə Güc Mərkəzinin (TGM) sədri Əhməd Məmmədli sosial şəbəkə hesablarına və telefonuna müdaxilə edildiyindən şikayətçidir. 

Bu barədə o, mayın 6-da “Toplum TV”-yə məlumat verərək bildirib ki, “Feysbuk” və “Tvitter” profillərinə daxil ola bilmir. 

"Bu gün səhərdən telefonuma müxtəlif hesablardan kodlar və linklər göndərilir. Bunların heç birinə daxil olmamağıma baxmayaraq, yenə də hesabı ələ keçiriblər. Sosial şəbəkə hesablarıyla yanaşı, internetə bağlı heç bir tətbiqetməyə də daxil ola bilmirəm. Bircə “İnstaqram”ı qaytara bilmişəm. Telefonumda heç taksi belə sifariş verə bilmirəm”, - Ə.Məmmədli açıqlamasında deyib. 

O hesab edir ki, sosial şəbəkə hesablarına müdaxilə dövlət qurumları tərəfindən təzyiq məqsədiylə edilib. Fəalın sözlərinə görə, daha əvvəl Lənkəranda saxlanılan zaman polis idarəsində bu barədə ona xəbərdarlıq edilib: “Mənə deyilmişdi ki, sənin şəxsi telefonunu və şəxsi kompüterini ələ keçirəcəyik. O zaman bunu edə bilmirdilər. İndi isə müvəffəq oldular. Müdaxiləni datalarımı ələ keçirmək və sosial şəbəkə hesablarımı bloklamaq üçün ediblər". 

Ə. Məmmədli məsələ ilə əlaqədar hüquqi prosedur başladacağını deyib. 

TGM sədri əlində əsas olmadığı üçün DİN-ə şikayət etdiyini bildirir. Lakin o düşünür ki, bu oğurluq Dövlət Təhlükəsizlik Xidməti ilə DİN-in əməkdaşlığı çərçivəsində həyata keçirilib: “Onların əməlləridir, belə işlərə DTX baxır”. 

Digər tələbə, TGM idarə heyətinin üzvü Fərid Cabbar da telefonuna müdaxilə edildiyini, "Quql"dakı elektron poçtlarına daxil ola bilmədiyini deyib. Bu barədə o, özünün "Feysbuk" hesabında yazıb. 

DİN: “Həmin şəxsə deyin ki, bu iddialardan əl çəksin”

Daxili İşlər Nazirliyinin İctimaiyyətlə əlaqələr şöbəsinin rəisi Elşad Hacıyev isə səsləndirilən iddiaları təkzib edib:

“Bu iddiaların heç bir əsası yoxdur. Dövlət orqanlarıyla bağlı səsləndirilən bu cür iddialar heç bir halda həqiqəti əks etdirə bilməz. Qəti olaraq bu iddiaları təkzib edirəm. İddianı səsləndirən şəxsin spiqativ, manipulyativ fikirlərinin heç bir əsası yoxdur”.

Elşad Hacıyev - DİN

E.Hacıyev bildirir ki, polis hər hansı şəxsin sosial şəbəkə hesablarına daxil olmaqda, baxmaqda maraqlı deyil: “Həmin şəxsə deyin ki, bu iddialardan əl çəksin. Bu məsələlərdə polisin adını hallandırmasın”.

Dövlət Təhlükəsizlik Xidmətindən isə məsələylə bağlı münasibət almaq mümkün olmadı.

Mayın 3-də TGM sədri Əhməd Məmmədlinin təşkilatçılığı ilə bir qrup tələbə saat 16:00-da İqtisad Universitetinin qarşısında etiraz aksiyası keçirib.

İqtisad Universitetin rəhbərliyinə etiraz edən tələbələrin əsas tələbi semestr imtahanlarının keçirilməsi qaydalarında düzəliş edilməsi, tələbələrin tam şəkildə test sualları və cavabları ilə təmin edilməsi, etiraz etdikləri üçün töhmət alan tələbələrin töhmətlərinin silinməsi, təhdid edilən tələbələrdən üzr istənilməsi və tələbələrin imtahan nəticələrinin ədalətli qiymətləndirilməsi üçün apellyasiya komissiyalarının şəffaf fəaliyyət göstərməsi olub. 

Aksiyada TGM sədri Ə. Məmmədli, habelə idarə heyəti üzvləri Rəvan Axundov, Fərid Cabbar, Tükəzban Qasımova və “Tələbə Tələbi” platformasının təsisçisi Rüstəm İsmayılbəyli polis tərəfindən saxlanılmışdı. Ə. Məmməli Bakı şəhər Baş Polis İdarəsinə, digər fəallar isə Səbayıl rayon 9-cu polis bölməsinə aprılmışdılar. Digər fəallar polis bölməsindən buraxılsalar da, Ə.Məmmədli metronun “Xalqlar Dostluğu” stansiyası ətrafındakı çöllük ərazidə sərbəst buraxılmışdı. O, “Toplum TV”-yə açıqlamasında bildirmişdi ki, idarəyə aparılarkən fiziki zorakılığa, idarədə isə psixoloji təzyiqə məruz qalıb. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Rəsmi Bakı İranda saxlanılan azərbayanlı tələbə ilə bağlı açıqlama verib

2 İyun 2023

Rəsmi səhifə

"İranda həbs olunan Fərid Səfərli ilə görüşün keçirilməsi üçün tədbirlər görülür". Toplum Tv xəbər verir ki, bu barədə Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə Azərbaycan vətəndaşı Fərid Səfərlinin İranda həbs olunmasına münasibət bildirərkən deyib. O xatırladıb ki, Fərid Səfərli barədə məlumat Azərbaycan Xarici İşlər Nazirliyinə daxil olan gündən, yəni martın 9-dan etibarən vətəndaşın aqibətinin müəyyən edilməsi və İranın məsələyə aydınlıq gətirməsi məqsədilə müvafiq olaraq İranın Azərbaycandakı Səfirliyinə nota ünvanlanıb: Çoxsaylı müraciətlərdən sonra İran tərəfi notamıza cavab olaraq, Fərid Səfərlinin həbs olunaraq ona qarşı cinayət işi başladıldığını bildirib. Bu barədə Fərid Səfirlinin ailəsinə müvafiq məlumat verilib". https://toplum.tv/siyaset/pazerbaycanli-telebenin-iranda-casusluq-ittihami-ile-hebs-olundugu-bildirilirp...
Siyasət

Rəsmi Bakı Makronun bəyanatından narazı qalıb

2 İyun 2023

Açıq mənbələrdən götürülüb

"Əfsuslar olsun ki, Fransa tərəfindən belə davranışın sərgilənməsi ilk hal deyil və bu, Azərbaycanla Ermənistan arasında sülh prosesinə, bölgədə sülh və sabitliyə heç də müsbət töhfə vermir". Toplum Tv xəbər verir ki, bu barədə iyunun 2-də Xarici İşlər Nazirliyinin mətbuat katibi Ayxan Hacızadə Fransa Prezidenti Emmanuel Makron tərəfindən Kişineu görüşünün nəticələrinə dair yayılmış bəyanata cavab olaraq deyib. Onun sözlərinə görə, Kişineuda Avropa Siyasi İcması sammiti çərçivəsində Azərbaycan Prezidenti və Ermənistanın Baş naziri arasında Aİ Şurasının Prezidenti Şarl Mişelin, Fransa Prezidentinin və Almaniya Kanslerinin iştirakı ilə görüşün yekunları üzrə mətbuata açıqlama ənənəyə uyğun olaraq Brüssel formatının təşkilatçısı kimi Şarl Mişel tərəfindən...

Seçilmiş Videolar

Toplum TV loqo