Siyasət

Əvəz Zeynallının apellyasiya şikayəti təmin edilmədi

Samirə Əli
13 Sentyabr, 2022
357

toplum TV

İki gün öncə saxlanılan "Xural TV"nin təsisçisi, jurnalist Əvəz Zeynallının həbsindən apellyasiya şikayəti təmin edilməyib.

Vəkil Aqil Layıcın sözlərinə görə, Bakı Apellyasiya Məhkəməsində hakim Həsən Əhmədovun sədrliyi ilə keçirilən iclasda qaldırılan vəsatətlər təmin edilməyib:

"Nə onun ev dustaqlığına buraxılması barədə tələbimiz qəbul olundu, nə də apellyasiya şikayətimiz. Şikayətdə bildirmişdik ki, Ə.Zeynallıya tətbiq olunmuş həbs qəti imkan tədbiri ləğv edilsin.

Eyni zamanda biz həm prokurorluqdan, həm də məhkəmədən tələb etmişdik ki, müsadirə olunmuş Avropa Məhkəməsinin Əvəz Zeynallıya təyin etdiyi pul kompensiyasiyası və "youtube" kanalından əldə etdiyi gəlir geri qaytarılsın. Bunlar da təmin olunmadı".

Vəkilin sözlərinə görə, Ə.Zeynallı hazırda Dövlət Təhlükəsizliyi Xidmətinin təcridxanasında saxlanılır. 

A.Layıc həmçinin bildirib ki, Əvəz Zeynallı saxlanılma şəraitindən narazı deyil və səhhəti qaydasındadır. 

Jurnalist Əvəz Zeynallı və vəkil Elçin Sadıqov sentyabrın 10-dan 11-nə keçən gecə saxlanılıblar. Ə. Zeynallı "Baku Steel Company"-nin sabiq rəhbəri, həbs olunmuş iş adamı Rasim Məmmədovun ailəsindən hədə-qorxu yoluyla rüşvət almaqdan, Elçin Sadıqov isə buna vasitəçi olmaqda təqsirləndirilir.

https://toplum.tv/multimedia/senbe-gecesi-hebs-elcin-sadiqov-ve-evez-zeynallini-nece-tutdular

İttihamlara "Haqqın.az" saytının baş redaktoru Eynulla Fətullayevin iddiaları səbəb olub.

Baş prokurorluq əməkdaşlarının Zeynallı və Sadıqovun evlərində apardığı axtarış əməliyyatları nəticəsində əşyalar və sənədlər müsadirə edilib. 

Binəqədi Rayon Məhkəməsinin hakimi Fərid Əmirəliyevin qərarı ilə hər iki şəxs barədə 4 aylıq həbs qəti imkan tədbiri seçilib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

İlham Əliyev: Biz Türkiyədəki bərpa işlərinə də qoşulmağa hazırıq 

8 Fevral 2023

President.az

Azərbaycan Prezidenti İlham Əliyev fevralın 8-də Türkiyə səfirliyində olub, Türkiyədə baş vermiş zəlzələ nəticəsində çox sayda insanın həlak olması ilə əlaqədar başsağlığı verib. Toplum TV xəbər verir ki, bu barədə Prezidentin rəsmi saytı xəbər verib.  Bildirilib ki, Prezident İlham Əliyev matəm kitabına ürək sözlərini yazıb, ardınca da səfir Cahit Bağçı ilə söhbət edib.  "Bilirsiniz ki, Azərbaycan hər zaman olduğu kimi, ilk dəqiqələrdən, ilk saatlardan qardaş Türkiyənin yanında idi və öz dəstəyimizi, öz həmrəyliyimizi həmişə olduğu kimi nümayiş etdirmişik. Əgər bu acı faciənin fəsadlarının aradan qaldırılmasına bir balaca kömək edə bilmişiksə, bunu özümüz üçün şərəf bilirik. Hər zaman Türkiyə də bizim...
Siyasət

Mirzoyan: Azərbaycanla bəzi məsələlərdə mövqelərimiz yaxınlaşıb

Toplum TV
8 Fevral 2023

Açıq mənbələrdən götürülüb

“Azərbaycanla bəzi məsələlərdə mövqelərimizi yaxınlaşdıra bilmişik. Amma erməni tərəfinin özünün fundamental məsələləri var və bunlar məlumdur”. Toplum TV xəbər verir ki, bu sözləri fevralın 8-də Ermənistanın xarici işlər naziri Ararat Mirzoyan xorvatiyalı həmkarı Qordan Qriç Radmanla keçirdiyi mətbuat konfransında deyib. O həmçinin qeyd edib ki, Moskvada Ceyhun Bayramov və Sergey Lavrovla görüşməyə hazırdır: “Biz xarici işlər nazirlərinin Moskva görüşünü ləğv etməmişik, təxirə salmışıq. Münasib vaxtda bu görüşdən istifadə edəcəyik”. https://toplum.tv/siyaset/pmoskva-quotqarabagdaki-rus-suumllhmeramlilarina-bmt-mandati-lazim-deyilquotp XİN başçısı regionda yeni eskalasiya ehtimalının da olduğunu bildirib:  "Ermənistanın bütün cəhdlərinə baxmayaraq, regionda vəziyyət kövrək və gərgin olaraq qalır, yeni eskalasiya ehtimalı var". Mirzoyan çıxışında rəsmi Bakını qeyri-konsruktivlikdə ittiham...

Seçilmiş Videolar

Toplum TV loqo