Siyasət

Feminist: “Polis nə ixtiyarla mənim adresimi hansısa adama verir?”

Roza Məmmədova
18 Aprel, 2022
2507

Azadlıq Radiosu

“Gəncədə arvadına işgəncə edən bir nəfər arvadı evdən qaçdığı üçün məni axtarır. Zəng etmişəm özünə, deyir sizlə danışmağa gəlmişəm. Adresimi polisdən alıb. Polis nə ixtiyarla mənim adresimi hansısa adama verir?”

Feminist Nərmin Şahmarzadə aprelin 17-də “Feysbuk” hesabında bu barədə yazıb.

O, Gəncədə qadın və uşaqlarının əri tərəfindən zorakılığa məruz qaldığını, həyatlarının təhlükədə olduğunu bildirib:

“Qadını gətirməyə gedəndə yolboyu uşaqlar soruşur ki, "ana, ata bizi tapa, nəsə edə bilməz ki?". Düşmüşük yemək yeməyə, qadın əsə-əsə mənə təhlükəni izah etməyə çalışır. Sakitləşdirməyə çalışıram ki, həll edəcəyik, heç nə edə bilməyəcək.

Mütəmadi olaraq deyir ki, "birdən sizi qorxudar, məni ona geri verərsiniz, o, məni öldürəcək. Mənə deyib ki, getsən, tapıb 1 ay içində başını bədənindən ayırıb ananın yanına (qadının anası ölüb- red) yollayacam".

Feministin sözlərinə görə, onun adresini axtaran şəxs keçmiş məhkum olub: bıçaqla, beşbarmaqla adam vurub. 5 ay həbsxanada cəza çəkib.

N.Şahmarzadə “Toplum TV” yə açıqlamasında ilk dəfədir belə halla qarşılaşdığını bildirib və əlavə edib ki, daha əvvəl isə başqa polis tərəfindən hədə-qorxu olunub:

“Sosial hesabıma müdaxilə olunanda şəxsi məlumatlarım yayılmışdı. O vaxtlar polis işləyən bir nəfər zəng vurmuş, narahat etməyə çalışmışdı. Sonradan araşdırma aparanda həmin adamın polis olduğu məlum oldu”.

Daxili İşlər Nazirliyinin Mətbuat Xidmətinin rəhbəri Elşad Hacıyev “Toplum TV”yə açıqlamasında nazirliyin hadisədən xəbərdar olduğunu, məsələnin araşdırılacağını bildirib.

Elşad Hacıyev - sosial media 

Qeyd edək ki, konstitusiyaya əsasən, şəxsi toxunulmazlıq hüququ tanınır. Hər kəsin şəxsi və ailə həyatının sirrini saxlamaq, həmçinin hər kəsin şəxsi və ailə həyatına qanunsuz müdaxilədən müdafiə hüququ var.

Qanunla müəyyən edilən hallar istisna olmaqla, heç kəs onun xəbəri olmadan və ya etirazına baxmadan izlənilə bilməz, video və foto çəkilişinə, səs yazısına və digər bu cür hərəkətlərə məruz qoyula bilməz.

Hər kəsin yazışma, telefon danışıqları, poçt, teleqraf və digər rabitə vasitələri ilə ötürülən məlumatın sirrini saxlamaq hüququna dövlət təminat verir. Bu hüquq yalnız qanunla nəzərdə tutulan qaydada cinayətin qarşısını almaqdan və ya cinayət işinin istintaqı zamanı həqiqəti üzə çıxarmaqdan ötrü məhdudlaşdırıla bilər.

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Prezident səfirliyə hücumun qarşısını alanları təltif edib 

3 Fevral 2023

Açıq mənbələrdən götürülüb

Azərbaycanın İrandakı səfirliyinə qarşı törədilmiş terror aktının qarşısının alınmasında iştirak etmiş şəxslər təltif olunub.  Toplum Tv xəbər verir ki, bu barədə fevralın 3-də Prezident İlham Əliyev sərəncam imzalayıb.  https://toplum.tv/siyaset/pilham-eliyev-iran-polisi-her-hansi-ciddi-tedbir-goumlrmeyibp Sərəncama əsasən, yanvarın 27-də Azərbaycanın İrandakı səfirliyinə qarşı törədilmiş terror aktının qarşısının alınması zamanı həyat və sağlamlıq üçün real təhlükə şəraitində xidməti borcu yerinə yetirərkən mərd və qətiyyətli hərəkətlərinə görə, Tağıyev Vasif Natiq oğlu 1-ci dərəcəli “Rəşadət” ordeni ilə təltif olunub. Həmçinin Əsgərov Orxan Rizvan oğlu (ölümündən sonra) və İmanov Mahir Kamil oğlu “Vətən uğrunda” medalına layiq görülüblər. Xatırlatma Azərbaycanın Tehrandakı səfirliyinə hücum yanvarın 27-si səhər saat 8:30 radələrində baş verib....
Siyasət

Prokurorluq: Tələbələrdən rüşvət alan dekan həbs edilib

3 Fevral 2023

Açıq mənbələrdən götürülüb

Aqrar Universitetin korrupsiya əməllərinə yol vermiş vəzifəli şəxsi barəsində cinayət işi başlanıb. Toplum TV xəbər verir ki, bu barədə fevralın 3-də Baş Prokurorluq məlumat yayıb. Bildirilir ki, Baş prokuror yanında Korrupsiyaya qarşı Mübarizə Baş İdarəsi tərəfindən həyata keçirilmiş əməliyyat-axtarış tədbirləri nəticəsində tələbələrdən rüşvət alan vəzifəli şəxsin qanunsuz əməlləri ifşa edilib. https://toplum.tv/iqtisadiyyat/pazerbaycanda-ruumlsvetxorluq-artib-hesabatp "Azərbaycan Dövlət Aqrar Universitetində dekan işləyən Famil Nəsibovun rəhbərlik etdiyi fakültənin bəzi tələblərinin dərslərdə iştirak etməməsi və imtahanlarda məqbul qiymətlər yazılması müqabilində rüşvət almasına əsaslı şübhələr müəyyən edilib. Famil Nəsibovun üzərində və xidməti otağında aparılan axtarış zamanı iş üçün əhəmiyyət kəsb edən sübutlar aşkar edilərək götürülüb", - deyə məlumatda...

Seçilmiş Videolar

Toplum TV loqo