Siyasət
Fransa səfiri Senatın Qarabağla bağlı qərarına münasibət bildirdi
26 Noyabr, 2020
Baxış: 210
Fransanın Azərbaycandakı səfiri Zaxari Qross Fransa Senatında qondarma Dağlıq Qarabağ Respublikasının tanınmasını tövsiyə edən qərarın qəbuluna münasibət bildirib:

"Aydın olsun deyə bir daha təkrar edim.Dünən axşam Fransa hökumətinin naziri Senatda bunları deyib: "Fransa hökumətinin siyasəti birtərəfli qaydada "Dağlıq Qarabağ Respublikası”nı tanımaq deyil. Bu addım nə faydalı, nə də effektiv olacaq. Dağlıq Qarabağdakı münaqişənin həlli Fransanın birtərəfli jesti sayəsində deyil, tərəflər arasındakı dialoq sayəsində reallaşacaq” - Zaxari Qross bu barədə noyabrın 26-da özünün "Tvitter" hesabında belə yazıb. 

Fransa Senatı noyabrın 25-də Dağlıq Qarabağdakı qondarma rejimin "müstəqilliyinin” tanınmasının zəruriliyi barədə qətnamə qəbul edib. Senatın 305 senatoru qətnamənin qəbulunun lehinə səs verib. Cəmi bir nəfər əleyhinə çıxıb, 30 senator isə bitərəf qalıb. Azərbaycanın Xarici İşlər Nazirliyi qətnamənin qəbulunu pisləyib.


Siyasət

Daha 31 erməni hərbçisinin meyiti qarşı tərəfə təhvil verildi

27 Yanvar 2021

Al Jazeera

Daha 31 erməni hərbçisinin meyiti Füzuli rayonu istiqamətindən Ermənistana təhvil verilib. "Sputnik Ermənistan"ın yanvarın 27-də verdiyi məlumata görə, erməni tərəfi meyitlərin kimliyinin müəyyən olunması üçün ekspertiza təyin edib. İlkin məlumata görə, meyiti qaytarılanlar könüllülərdir və bəzilərinin üzərində sənədlər də var. Azərbaycan daha əvvəl də 30 erməni hərbçisinin meyitini qarşı tərəfə vermişdi. Ümumilkdə, işğaldan azad olunan ərazilərdə indiyədək 1318 erməninin meyitinin tapıldığı bildirilib.
Siyasət

Ramin Quluzadəyə yeni vəzifə verildi

26 Yanvar 2021

PRESIDENT.AZ

Oqtay Şahbazov Azərbaycan Respublikası Prezidentinin İşlər müdiri vəzifəsindən azad edilib. Bu barədə Prezident İlham Əliyev yanvarın 26-da sərəncam imzalayıb. Prezidentin rəsmi saytının məlumatına görə,  İlham Əliyev digər sərəncamı ilə Ramin Quluzadə Azərbaycan Respublikası Prezidentinin İşlər müdiri təyin edilib.
Seçilmiş Videolar