Siyasət
Fuad Qəhrəmanlının yanına vəkil buraxılmır
5 Avqust, 2020
645
İyulun 23-də həbs edilmiş Xalq Cəbhəsi Partiyasının Rəyasət Heyətinin üzvü Fuad Qəhrəmanlı indiyədək vəkili ilə görüşə bilməyib. Bu barədə Turan-a onun vəkili Bəhruz Bayramov məlumat verib.

Onun sözlərinə görə, istintaq orqanı vəkillə müqaviləni Qəhrəmanlının ailə üzvlərinin bağlamaması bəhanəsi ilə məhbusa baş çəkməyə icazə verməkdən imtina edir. Avqustun 4-də gün ərzində vəkil görüş üçün icazə gözləyib, amma nəticə olmayıb.

Öz növbəsində, AXCP də hələ Qəhrəmanlının yanına hələ vəkil buraxılmadığını  bildirib. Bu, Qəhrəmanlıya qarşı amansız işgəncələr haqqında məlumatların doğru olması və indi istintaqın işgəncə izlərini gizlətməyə çalışması haqqında şübhələri artırır.

"İstintaq Fuad Qəhrəmanlının qardaşına təzyiq göstərib ki, o, vəkillə müqavilə bağlamasın. Amma bu, imtina üçün əsas ola bilməz, vəkildən yalnız Fuad Qəhrəmanlı özü imtina edə bilər. Order varsa, istintaq mütləq təqsirləndirilən şəxsə vəkil verməlidir”, deyə AXCP-nin məlumatında bildirilir.

Qəhrəmanlının ailə üzvlərindən şərh almaq mümkün olmayıb.

Fuad Qəhrəmanlı iyulun 23-də həbs edilib və CM-in 4 maddəsi, o cümlədən 278-ci (hakimiyyəti zorla ələ keçirmə) maddə ilə ittiham olunub.

Bir müddət əvvəl Ombudsman, DİN və Baş Prokurorluq nümayəndələri Qəhrəmanlıya işgəncə verilməsi haqqında iddiaları təkzib ediblər. Amma onun yanına vəkil buraxılmaması işgəncə verilməsi ilə bağlı şübhələri artırır.


turan.az
Siyasət

Satirik şairlə profilaktik söhbət ediblər

6 Mart 2021

Toplum TV

Salyanda yaşayan gənc satirik İbrahim Xudayi (Xudiyev) martın 5-də yerli polis şöbəsinə aparılıb.   Bu barədə "Turan" xəbər verir.  Bildirilir ki, rayon polis şöbəsində şairlə profilaktik söhbət aparılıb: “Mənə dedilər ki, güldən, çiçəkdən yazım.  Rəis tapşırdı ki, hökumətdən, dövlət adamlarından şeir yazmayım.  Bundan sonra məni buraxdılar”.  İ. Xudayi 1990-cı ildə Salyan şəhərində anadan olub.  Salyan Yaşıllaşdırma idarəsində işləyir - yol kənarlarını təmizləyir. Azərbaycanda satirik şairlər əvvəllər də təzyiqlərə məruz qalıblar. Mirzə Sakit və Tofiq Həsənli narkotik maddələrin qanunsuz dövriyyəsi ittihamı ilə mühakimə olunublar.
Siyasət

Bu gün Məhəmməd Əmin Rəsulzadənin anım günüdür

6 Mart 2021

"Sputnik"

Martin 6-ı Azərbaycan Xalq Cümhuriyyətinin - Şərqin ilk demokratik respublikasının qurucusu Məhəmməd Əmin Rəsulzadənin anım günüdür. “Toplum TV” M.Ə.Rəsulzadənin ömür yolu haqqında Nəsiman Yaqublununun məqaləsini təqdim edir.   1884-cü il 31 yanvar – M.Ə.Rəsulzadə Bakı quberniyası Bakı qəzasının Novxanı kəndində, axund Hacı Molla Ələkbərin ailəsində dünyaya gəlib. 1901-1903-cü illər – İlk təhsilini bu kəndin axundu olan atasından alıb. Sonradan Bakı şəhərində Sultan Məcid Qənizadənin ilk dəfə əsasını qoyduğu və müdirlik etdiyi 2-ci “Müsəlman və Rusi” məktəbində, eləcə də Bakı Texniki məktəbində rus dilində təhsil alıb. 1903-cü il – “Azərbaycanlı Gənc İnqilabçılar Dərnəyi”ni yaradır. Gizli fəaliyyət göstərən bu təşkilatın əsas vəzifəsini...
Seçilmiş Videolar