Siyasət

Gürcüstan Prezidenti İlham Əliyevin səfəri barədə ona məlumat verilməməsindən şikayətlənib

25 Oktyabr, 2022
1132

Rəsmi səhifə

Gürcüstan Prezidenti Salome Zurabişviliyə azərbaycanlı həmkarı İlham Əliyevin Tbilisiyə səfəri barədə məlumat verilməyib və onun istəyinin əksinə olaraq, iki dövlət başçısının görüşü baş tutmayıb. 

“Novosti-Georgia” xəbər verir ki, bu barədə Gürcüstan Prezident Administrasiyasının bəyanatında deyilir.

“Qonşu və dost ölkənin Prezidenti cənab İlham Əliyevin Gürcüstana işgüzar səfəri barədə dövlət başçısına məlumat verilməyib. Gürcüstan Prezidentinin istəyinə və hazırlığına baxmayaraq, təəssüf ki, bütün dövlət başçılarının ölkəyə səfəri zamanı ənənəvi olaraq keçirilən prezidentlərin görüşü baş tutmayıb”, - deyə məlumatda bildirilir.

https://toplum.tv/siyaset/ilham-eliyev-gurcustanla-elaqelerimiz-muttefiqlik-seviyyesine-yukselib

Prezident Administrasiyası vurğulayıb ki, Zurabişvili “Azərbaycan Prezidentini yaxın gələcəkdə rəsmi səfərdə qəbul etməyə hazır olduğunu və arzusunu ifadə edir”.

İlham Əliyev Gürcüstana işgüzar səfəri oktyabrın 24-də baş tutub. Rəsmi məlumatda onun yalnız Gürcüstan hökumətinin başçısı İrakli Qaribaşvili ilə danışıqlar aparacağı açıqlanıb.

Salome Zurabişvili və İlham Əliyev sonuncu dəfə 2019-cu ilin fevralında, Zurabişvilinin prezident seçilməsindən az sonra Bakıda görüşüblər.

Sonra Gürcüstan dövlətinin başçısı iki dövlətin sərhəd demarkasiya prosedurunun başa çatdırılmasının zəruri olduğunu bəyan edib. Bir qədər sonra da o, Gürcüstan-Azərbaycan sərhədinin demarkasiya olunmamış hissəsində yerləşən orta əsrlərə aid Keşikçidağ (David Qareci - gürcücəsi) monastır kompleksinə baş çəkib.

Bundan sonra Azərbaycan tərəfinin monastıra gedən yolu bağladığı bildirilirdi. Yalnız XİN səviyyəsində aparılan danışıqlardan sonra yol açılmışdı. Azərbaycan və Gürcüstan ictimaiyyəti bu mübahisəli məsələni uzun müddətdir ki, müzakirə edir. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Naxçıvanın iqtisadiyyat naziri vəzifəsindən azad olunub 

8 Dekabr 2023

Açıq mənbələrdən götürülüb

Naxçıvan Muxtar Respublikasının iqtisadiyyat naziri Tapdıq Vaqif oğlu Əliyev vəzifəsindən azad edilib. Toplum TV APA-ya istinadən xəbər verir ki, bu barədə dekabrın 8-də Naxçıvan Muxtar Respublikası Ali Məclisi sədrinin müavini Anar İbrahimov sərəncam imzalayıb. https://toplum.tv/sosial/pprezidentin-serencami-naxccedilivanda-neyi-deyisecek-nbspp Tapdıq Əliyev 2019-cü ilin mayın 14-də NMR Ali Məclisinin keçmiş sədri Vasif Talıbovun Fərmanı ilə bu vəzifəyə təyin edilmişdi.
Siyasət

İlham Əliyev Ermənistanla verilmiş birgə bəyanatdan danışıb

Toplum TV
8 Dekabr 2023

President.az

Dekabrın 8-də Prezident İlham Əliyev Avropa Şurasının Baş katibi Mariya Peyçinoviç Buriçi qəbul edib. Toplum TV xəbər verir ki, görüşdə bir sıra məsələlərə, həmçinin Azərbaycanla Ermənistan arasında sülh quruculuğu prosesinə toxunulub.  Buriç xüsusilə Azərbaycan Prezidentinin Administrasiyası və Ermənistan Respublikası baş nazirinin Aparatı arasında qəbul olunmuş birgə bəyanatı alqışladıqlarını bildirib, Avropa Şurasının iki ölkə arasında etimad quruculuğu proseslərinə töhfə verməyə hazır olduğunu vurğulayıb. https://toplum.tv/siyaset/presmi-moskva-azerbaycanla-ermenistan-arasindaki-razilasmaya-muumlnasibet-bildiribp Öz növbəsində İlham Əliyev qeyd edib ki, sözügedən birgə bəyanat qarşılıqlı sülh gündəliyinin irəli aparılması və iki ölkə arasında münasibətlərin normallaşdırılması üçün qarşılıqlı siyasi iradənin bir daha nümayişidir. Prezident həmçinin vurğulayıb ki, Avropa Şurası da iki ölkə...

Seçilmiş Videolar

Toplum TV loqo