Siyasət

Gürcüstan prokurorluğu Əfqan Muxtarlının işini araşdırmağa başlayıb

1 Avqust, 2022
135

Sosial Media

Gürcüstan Baş Prokurorluğu avqustun 1-də Dövlət Təhlükəsizliyi Xidmətinin keçmiş sədr müavini Soso Qoqaşvilinin 2017-ci ildə Tbilisidə azərbaycanlı jurnalist Əfqan Muxtarlının oğurlanmasında hakimiyyətin iştirakı olduğu haqqında bəyanatını araşdırmağa başlayıb.

"Turan"-ın məlumatına görə, Qoqaşvili həmçinin parlament seçkiləri zamanı seçicilərin ələ alınması faktlarından bəhs edib. Prokurorluq bütün bu faktları yoxlamağa başlayıb, xəbəri Gürcüstan KİV-ləri yayıb.

https://toplum.tv/dunya/saakasvili-gurcustan-siyasetinden-gedir

Əfqan Muxtarlı "Gürcü arzusu"nun qurucusu Bidzina İvanişvilinin əmri ilə oğurlanıb və zorla Bakıya gətirilib, bu barədə iyulun 26-da Gürcüstan Dövlət Təhlükəsizliyi Xidmətinin keçmiş sədr müavini Soso Qoqaşvili bildirib.

Qoqaşvili iddia edir ki, bu iş üzrə bütün dəlillər DTX-nin əməliyyat-texniki departamenti tərəfindən məhv edilib.

2017-ci ilin mayında Gürcüstan güc qurumlarının əməkdaşları Əfqan Muxtarlını oğurlayaraq sərhəddə Azərbaycan tərəfinə təhvil veriblər. Sonradan jurnalist Bakıya gətirilib və 2018-ci ilin yanvarında sərhədi qanunsuz keçmək, qaçaqmalçılıq, hakimiyyət nümayəndəsinə müqavimət göstərmək ittihamı ilə altı il müddətinə həbsə məhkum edilib.

Siyasət

İsrailin Azərbaycandakı səfiri İran barədə: Bu qatil rejimin hədələrini ciddi qəbul edin

16 Avqust 2022

Sosial mediadan skrinşot

İsrailin Azərbaycandakı səfiri Corc Dik bu gün, avqustun 16-da "tvitter"də britaniyalı yazıçı Salman Rüşdinin bıçaqlanmasıyla bağlı video müraciət yayıb.  Corc Dik müraciətində deyib:  "İranın Azərbaycandakı səfiri yaxınlarda məni ölümlə təhdid etdi. O, "tvitter"də yazdı ki, mən qırmızı xətti keçmişəm, ona görə də İran xalqı məni dəfn edəcək. İndi siz Salman Rüşdinin bıçaqlandığını eşidərkən mənim nə düşündüyümü təsəvvür edə bilərsiniz. Çünki İran həm də demişdi ki, o, [Salman Rüşdi] qırmızı xətti keçib və onu da ölümlə hədələmişdi. Və terrorçu onu günün günorta çağl öldürməyə cəhd etdi. Ona görə də indi siz mənim müəyyən qədər şəxsi hisslərimi təsəvvür edə bilərsiniz.  https://toplum.tv/siyaset/iranin-azerbaycandaki-sefiri-israilli-hemkarini-tehdid-etdi Həftələr...
Siyasət

Qarabağ Azadlıq Təşkilatı adını dəyişir, partiyaya çevrilir

16 Avqust 2022

Açıq mənbələrdən götürülüb

Qarabağ Azadlıq Təşkilatı adını dəyişib Azad Vətən Partiyasına çevriləcək.  Bunu təşkilatın sədri Akif Nağı avqustun 16-da APA-ya açıqlamasında deyib. Onun sözlərinə görə, qanunvericilik təşkilatın yenidən təşkilinə icazə verir. Bununla əlaqədar Təşkilat Komitəsi yaradılıb, sabah qurultay keçiriləcək. Qurultayda Qarabağ Azadlıq Təşkilatının Azad Vətən Partiyasına çevrilməsi barədə qərar qəbul ediləcək. Partiya sədrliyinə namizəd Akif Nağıdır. "Qarabağ Azadlıq Təşkilatı" - 1993-cü ildə yaradılıb.  Təşkilatın ilk adı Qarabağ Azadlıq Hərəkatı olub, 2000- ci il yanvarın 28-də keçirilən qurultayda adın indiki forması - Qarabağ Azadlıq Təşkilatı qəbul olunub. 

Seçilmiş Videolar

Toplum TV loqo