Siyasət

Gürcüstanın ombudsmanı azərbaycanlılara müraciət etdi

23 Mart, 2020
414
Gürcüstan ombudsmanı Nino Lomcaria Marneuli və Bolnisidə tətbiq olunan ciddi karantin rejimi ilə bağlı yerli sakinlərə müraciət edib.

"Report”un yerli bürosu xəbər verir ki, insan haqları üzrə müvəkkil xüsusi rejimi yaxından izləyəcəyini bildirib.

N.Lomcaria qeyd edib ki, hər iki rayonda yaranmış vəziyyətdə yerli əhalinin ehtiyaclarının müəyyən olunması və insan hüquqlarının qorunması üzrə monitorinq həyata keçiriləcək.

Müvəkkil rayon sakinlərini zərurət yaranacağı hallarda Ombudsman Aparatının 14 81 saylı "qaynar xətti” ilə əlaqə saxlamağa çağırıb. Eyni zamanda Azərbaycan dilində müraciət etmək üçün Aparatın əməkdaşı Murad Hüseynovun mobil telefon nömrəsi (591 70 10 73) də diqqətə çatdırılıb. 
Siyasət

Maqsud Mahmudov Ukraynada tutularaq Azərbaycana gətirilib

18 Sentyabr 2021

Sosial Media

Bloger kimi M. Mahmudov dələduzluqda ittiham olunur Baş Prokurorluq və Daxili İşlər Nazirliyinin birgə məlumatında bildirilir ki, 2020-ci ilin yanvar ayının 10-dan Cinayət Məcəlləsinin 178.3.2 (dələduzluq külli miqdarda ziyan vurmaqla törədildikdə) maddəsi ilə Daxili İşlər Nazirliyi tərəfindən beynəlxalq axtarışa verilmiş Mahmudov Maqsud Soltan oğlu bu il iyul ayında Ukrayna Respublikası ərazisində tutulub. Sentyabrın 18-də o, Ukraynadan Azərbaycana gətirilərək istintaqa təhvil verilib. M. Mahmudov Azərbaycan hakimiyyətini və ictimai şəxslər kimi tanınan vətandaşları sərt söyüşlə təhqir və tənqid edən bloger kimi tanınır. Bakıda hökumət əleyhinə aksiyaların iştirakçısı olub.
Siyasət

Rusiyanın hərbi gəmiləri Bakıya gəlib

18 Sentyabr 2021
Rusiya Hərbi Dəniz Qüvvələrinin nümayəndə heyəti Azərbaycana səfərə gəlib. "Report"un xəbərinə görə, Rusiya Hərbi Dəniz Qüvvələrinə məxsus "Astraxan" və "Anatoli Qujvin" hərbi gəmiləri ilə gələn nümayəndələr Bakı Dəniz Limanında hərbi orkestrin müşayiəti ilə qarşılanıb. Qarşılama mərasimində Azərbaycan Hərbi Dəniz Qüvvələrinin rəsmiləri, Rusiyanın Azərbaycandakı səfirliyinin və hərbi atteşesinin nümayəndələri iştirak ediblər.
Seçilmiş Videolar