Siyasət

Həbsdəki AXCP üzvünün həyat yoldaşı saxlanıldığını deyir

Fərid İsmayılov
28 Noyabr, 2022
195

Açıq mənbələrdən götürülüb

Aygün Hümbətova

Həbsdə olan Azərbaycan Xalq Cəbhəsi Partiyasının üzvü Aqil Hümbətovun həyat yoldaşı Aygün Hümbətova polis tərəfindən saxlanılaraq Bakı Şəhər Baş Polis İdarəsinə aparıldığını deyir. 

Toplum TV-yə açıqlama verən Aygün Hümbətova vurğulayıb ki, buna səbəb bu gün Daxili İşlər Nazirliyi önündə etiraz aksiyası keçirmək istəməsidir:

"Daxili İşlər Nazirliyi önündə aksiya eləmək istəyirdim. Evdən çıxanda 1 mülki geyimli, 4-5 nəfər də polis formasında olan şəxs məni saxladı. Apardılar Bakı Şəhər Baş Polis İdarəsinə. Mülki geyimdə olan polis əməkdaşı mənimlə söhbət elədi. Dedi, aksiya eləmə, hər şey yaxşı olacaq."

https://toplum.tv/siyaset/taleh-bagirzadenin-acliga-basladigi-bildirilir

Aygün Hümbətova deyir, 4 saata yaxın polis idarəsində saxlanılıb. Aksiya etmək istəməsinə səbəb isə həyat yoldaşının sağlamlığının yaxşı vəziyyətdə olmamasıdır:

"Saat 11-ə qalmış məni saxladılar, saat 3-də buraxdılar. Açığını deyim pis rəftar olmadı. Məqsədimi onlara çatdırdım. Dedim ki, yoldaşımın müalicəsi yaxşı aparılmır, 2 xəstə uşağım var. Nə edim mən? Keçən səfər mən aksiya edəndə həyat yoldaşımı incitmişdilər. Mən belə hesab edirəm ki, bundan sonra aksiya edə bilməyəcəm, məni polislər artıq izləyir."

Daxili İşlər Nazirliyindən isə Toplum TV-nin sorğusuna cavab olaraq bildirilib ki, Aygün Hümbətova polis əməkdaşları tərəfindən saxlanılmayıb, müraciəti əsasında dinlənilib.

Aqil Hümbətov 2021-ci ilin noyabrında Bakı Ağır Cinayətlər Məhkəməsinin qərarı ilə 10 il müddətinə azadlıqdan məhrum edilib. O, xuliqanlıq niyyətilə qəsdən sağlamlığa ağır zərər vurmaqda (Azərbaycan Respublikası Cinayət Məcəlləsinin 126.2.4-cü maddəsi) təqsirli bilinib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Naxçıvanın prokuroru vəzifəsindən azad edildi

31 Yanvar 2023

Açıq mənbələrdən götürülüb

Səbuhi Zəhmət oğlu Şahverdiyev Naxçıvan Muxtar Respublikasının prokuroru vəzifəsindən azad edilib. toplum TV xəbər verir ki, bu barədə yanvarın 31-də Prezident İlham Əliyev Sərəncam imzalayıb. Sərəncam imzalandığı gündən qüvvəyə minib. https://toplum.tv/siyaset/naxcivanin-dovlet-gomruk-komitesi-legv-edildi Xatırlatma Naxçıvan Muxtar Respublikası Ali Məclisinin sabiq sədri Vasif Talıbov ötən ilin noyabr ayında vəzifəsindən istefa verib. Bir müddət sonra onun qardaşı Məhərrəm Talıbov Naxçıvan Muxtar Respublikası prokurorunun müavini vəzifəsini itirib. Həmçinin Vasif Talıbovun digər ailə üzvləri də vəzifələrindən azad olunublar.  Vasif Talıbov vəzifəsindən azad ediləndən sonra Naxçıvanda Azərbaycan Prezidentinin səlahiyyətli nümayəndəliyi təsis edilib. Prezident İlham Əliyevin sərəncamıyla Fuad Nəcəfli xüsusi nümayəndə kimi Naxçıvana göndərilib. Vasif Talıbov vəzifədən gedəndən...
Siyasət

Ermənistan KİV: Vardanyan və Arutunyan arasındakı ixtilaf dərinləşir

Toplum TV
31 Yanvar 2023

Açıq mənbələrdən götürülüb

Ermənistanın “Hraparak” nəşri Qarabağ separatçılarının “dövlət naziri” Ruben Vardanyan ilə qondarma "respublikanın prezidenti” Arayik Arutunyan arasında yeni ziddiyyətlər barədə məlumat yayıb. Toplum TV bildirir ki, “Hraparak” Vardanyanın və Arutunyanın Qarabağdakı erməni əhalisi ilə görüşlərinə diqqət çəkib.  https://toplum.tv/siyaset/pvardanyan-ermenistan-rehberliyinden-narazidirp Bildirilir ki, Vardanyanın Martuni rayonunun bir sıra kəndlərinin sakinləri ilə görüşüb. Görüş zamanı, o, Laçın yolundakı blokadanın mart-aprel aylarına qədər davam edəcəyini bəyan edib. Vardanyan deyib ki, qar əriməyə başlayanda su və işıq problemi olmayacaq. Eyni zamanda o, Azərbaycanla yeni müharibənin mümkünlüyünü də istisna etməyib. “Hraparak” yazır ki, eyni vaxtda, bazar günü Arayik Arutunyan Qarabağ sakinləri ilə qapalı görüş keçirib. Görüş zamanı o...

Seçilmiş Videolar

Toplum TV loqo