Siyasət

Həlak olan erməni hərbçilərinin sayı 207 nəfərə çatıb

19 Sentyabr, 2022
89

Açıq mənbələrdən götürülüb

Azərbaycan-Ermənistan sərhədində baş verən hərbi toqquşmalar nəticəsində erməni tərəfdə ölən və itkin düşənlərin sayı 207 nəfərə çatıb, 3 mülki şəxs həlak olub, 2 mülki şəxsin yeri məlum deyil, 293 hərbçi və 3 mülki şəxs isə yaralanıb. Həmçinin 20 erməni hərbçi əsir götürülüb. 

"Armenpress"in məlumatına görə, bu barədə Ermənistanın Baş nazir Nikol Paşinyanın sədrliyi ilə sentyabrın 19-da Təhlükəsizlik Şurasının iclasında qəbul edilən bəyanatda deyilir. 

"Ermənistan Respublikası öz müstəqilliyini, suverenliyini və ərazi bütövlüyünü bütün mümkün vasitələrlə müdafiə edəcək. Azərbaycan qoşunları Ermənistan Respublikasının işğal olunmuş ərazilərindən çıxarılmalıdır", - deyə bəyanatda vurğulanıb. 

https://toplum.tv/siyaset/blinken-bayramov-ve-mirzoyan-arasinda-ucterefli-gorus-kecirilecek

Təhlükəsizlik Şurası beynəlxalq ictimaiyyəti Ermənistan Respublikasının suveren ərazilərinin işğalına son qoyması və qoşunların çıxarılması üçün Azərbaycana daimi təzyiq göstərməyə çağırıb, eyni zamanda, aydın mövqe tutan bütün ölkələri və təşkilatları alqışladığını bildirib.

Sentyabrın 12-si gecə saatlarından etibarən Azərbaycan-Ermənistan sərhədində vəziyyət gərginləşib. Rəsmi Bakı bəyan edib ki, Ermənistan Silahlı Qüvvələri iki ölkə arasındakı sülh danışıqlarını pozmaq üçün sərhəddə genişmiqyaslı təxribatlar törədib, Azərbaycan tərəfi isə buna cavab verməli olub. Toqquşmalar nəticəsində Azərbaycan tərəfi 79 hərbçsinin həlak olduğunu bildirib. 

Siyasət

Avropa Məhkəməsi Azərbaycanla bağlı qərarlarını elan etdi

29 Sentyabr 2022

Açıq mənbələrdən götürülüb

Avropa İnsan Haqları Məhkəməsi (AİHM) bu gün, sentyabrın 29-da Azərbaycandan göndərilmiş 26 şikayət üzrə 5 yeni qərarını elan edib. Məhkəmə 2 şikayəti qəbuledilməz sayıb. Digər işlərdə tərəflər dostca anlaşıblar. Bu barədə aihmaz.org saytı məlumat yayıb.  "Əsədov Azərbaycana qarşı" - işində ərizəçiyə məxsus mülkiyyətin (yanacaq doldurma məntəqəsi) dövlət maraqları əsası ilə özgəninkiləşdirilməsi və sökülməsi, ərizəçiyə hər hansı kompensasiya ödənilməməsi ilə bağlı olub. Mübahisə ilə bağlı iki AİHM-ə iki fərqli məzmunda şikayət göndərilmişdi. Ərizəçi AİHM qarşısında iddia edir ki, ona məxsus mülkiyyətin sökülməsi, əlindən alınması, onun Konvensiyanın 6-cı, 8-ci, 13-cü və 1 saylı Protokolunun 1-ci maddəsi ilə təminat altına alınan ədalətli məhkəmə...
Siyasət

Paşinyandan Azərbaycanla bağlı iddialar: Ödənişini etdiyimiz silahlar belə bizə çatdırılmır

Aytac Məmmədli
29 Sentyabr 2022

Açıq mənbələrdən götürülüb

“Azərbaycanın təcavüzü Ermənistan Silahlı Qüvvələrində aparılan islahatları pozmaq və Ermənistana silah verilməsinin qarşısını almaq məqsədi daşıyır”. Ermənistanın Baş naziri Nikol Paşinyan hökumətin sentyabrın 29-da keçirilən iclasında belə deyib.  “Ermənistan ərazisi işğal olunub və bizim mövqeyimiz birmənalıdır – Azərbaycan silahlı qüvvələri Ermənistan Respublikasının ərazisindən çıxarılmalıdır”, - deyə baş nazir bildirib. Onun iddiasına görə, Azərbaycan Ermənistan silahlı qüvvələrində aparılan genişmiqyaslı islahatları pozmaq istəyir. https://toplum.tv/dunya/ermenistan-serhedde-atisma-neticesinde-3-ermeni-herbcisinin-helak-oldugunu-bildirir “Biz silahlı qüvvələrdə genişmiqyaslı islahatlar prosesinə başlamışıq. Azərbaycan bu cür təxribatlara əl ataraq, islahatlara mane olmağa çalışır. Təəssüf ki, onlar müttəfiqlərimizlə münasibətlərdə də müəyyən uğurlar qazanıblar. Bakı çalışır ki, Ermənistana silah-sursat verilməsin. Hətta bəzi hallarda ödənişini etdiyimiz silah-sursatlar...

Seçilmiş Videolar

Toplum TV loqo