Siyasət
Hüquqşünas: "Belə halda agentlik məsuliyyətə cəlb edilə bilər"
28 İyul, 2020
1387
Ötən gün İcbari Tibbi Sığorta üzrə Dövlət Agentliydən 25, 26 iyul tarixlərində vətəndaşlara koronavirus testinin nəticələri haqqında yanlış məlumat göndərildiyi bildirilib. 

Deyilib ki, qeyd edilən tarixlərdə its.gov.az portalından SMS-lə mesaj alan şəxslərdən rica edirik ki, testin nəticəsini nəzərə almasınlar: "27 iyul tarixindən başlayaq test nəticələri ilə bağlı vətəndaşlara yeni SMS-lər göndəriləcəkdir. Sistemdə baş verən texniki xətaya görə üzr istəyirik”.

Fərhad Mehdiyev: "Yaxşı olardı ki, agentlik təqsirli işçiyə qarşı intizam tənbehi tətbiq etsin”

Hüquqşünas Fərhad Mehdiyevin sözlərinə görə, əgər bu xəta agentliyin hər hansı bir işçisinin ehtiyatsızlığı üzündən baş veribsə, o zaman agentliyin təqsirli işçiyə qarşı intizam tənbehi tətbiq etməsi yaxşı olardı.

Hüquqşunasın fikrincə, ölkədə dövlət qurumlarının öz fəaliyyətində xətaya yol verdiyi zaman vətəndaşlardan üzr istəməsi tez-tez rast gəlinən hadisə deyil: "Üzr istəməkləri böyük bir şeydir. Bizdə adətən dövlət qurumları vətəndaşlardan üzr istəməyə çəkinirlər. Yaxşı ki, ən azından üzr istəyiblər”.
 
"Koronavirusa yoluxmadığı halda, pozitiv cavab alan vətəndaşlar ciddi stressə məruz qoyulub” 
 

F. Mehdiyev İcbari Tibbi Sığorta üzrə Dövlət Agentliyinin hansı hallarda hüquqi məsuliyyətə cəlb oluna biləcəyini qeyd edib: "Təbii ki, koronavirus xəstəsi olmadığı halda, pozitiv cavab alan vətəndaşlar ciddi stressə məruz qoyulub. Əgər koronavirus daşıyıcısı olmayan vətəndaş əslində səhv olan pozitiv cavaba görə ciddi stressə məruz qalıb, sağlamlığı ciddi şəkildə pozulubsa və bunu sənədləşdirə bilirsə, o zaman agentliyə qarşı kompensasiya tələbi irəli sürə bilər. Eyni zamanda nəticəsi neqativ olan vətəndaşa pozitiv cavab gəldiyi üçün gedib boşuna 400-500 manatlıq dərman alıbsa, o zaman həmin dərmanların pulunu sığorta agentliyindən geri istəyə bilər. Digər tərəfdən, əslində koronavirusun daşıyıcısı olan insana neqativ cavabı gəlibsə və bu cavaba görə özünü müalicə etdirmədiyi üçün xəstənin vəziyyəti ağırlaşıbsa, belə halda agentlik məsuliyyətə cəlb edilə bilər”.

Adil Qeybulla: "Əsas odur ki, sonradan üzr istəyiblər”
 

 
Tibb elmləri doktoru, professor Adil Qeybullanın söyləyir ki,  bu hadisəyə xüsusi bir don geyindirməyə ehtiyac yoxdur: "Bu qəsdlə edilmiş bir şey deyil, texniki xətadır. Bəzən belə hadisələr baş verə bilir. Hər halda özləri belə bir səhvliyə necə yol verildiyini müəyyənləşdirməyə çalışırlar. Əsas odur ki, sonradan üzr istəyiblər”.

"Karantinin taleyi bizim davranışlarımızdan asılı olacaq” 

Professorun fikrincə, əsas məsələ sərt karantin rejiminin uzadılıb-uzadılmayacağı ilə bağlıdır: "Avqustun 1-i yaxınlaşır. Əsas müzakirə olunmalı məsələ bundan sonrakı situasiyanın necə olacağıdır. Düşünürəm ki, sərt karantin ləğv olunsa, daha yaxşı olar. İnsanlar rahat küçəyə çıxar, çimərliyə, rayonlara gedər, gəzərlər. Yəni öz istirahətlərini təşkil edə bilərlər. Təbii ki, karantin qaydalarına ciddi şəkildə riayət edərək. Xüsusilə qapalı məkanlarda, avtobusda, metroda gigiyenik qaydalara- sosial məsafə, tibbi maskadan istifadə və əllərin dezinfeksiyasına, çox ciddi riayət olunmalıdır. Karantinin taleyi bizim davranışlarımızdan asılı olacaq. Polisin yanında maskanı yuxarı qaldırıb, o kənarlaşdıqda maskanı çənənin altına endirməklə yoluxma sayı aşağı enmir. Siz rəsmi rəqəmlərə baxmayın. Evlərdə xeyli qeydiyyatdan keçməmiş xəstə var”.

Türkay Mirizadə
Siyasət

Tofiq Yaqublu: “Paşinyanın qalib gəlməsi bizə daha ciddi problem yarada bilər” 

Nigar Səmədli
18 İyun 2021

Al Jazeera

İyunun 20-də Ermənistanda növbədənkənar parlament seçkiləri keçiriləcək.     Namizədlər arasında Ermənistanın sabiq prezidentlər Levon Ter-Petrosyan, Robert Koçaryan, Serj Sarkisyan və hazırda Baş nazir vəzifəsini icra edən Nikol Paşinyan kimi şəxslər  yer alıb.   Elman Nəsirov - Sosial Media   Bəs Azərbaycanda Ermənistanda keçiriləcək seçkilərlə bağlı proqnozlar nədir?     Milli Məclisin deputatı Elman Nəsirov deyir ki, Ermənistanda seçkilərin gərgin keçəcəyi indidən məlumdur: “Tərəflər bir-birini dövlətə xəyanətdə ittiham edir, düşmən və satqın adlandırırlar. Budəfəki seçkinin əsas özəlliyi ondadır ki, Ermənistanı idarə etmiş bütün şəxslər seçkilərə qatılıb və bu da seçki prosesinə əlavə gərginlik gətirir. İlkin proqnozlar göstərir ki, əsas namizədlər...
Siyasət

Lavrov Türkiyənin Azərbaycanda hərbi baza açacağı iddialarına cavab verdi

18 İyun 2021
Rusiyanın xarici işlər naziri Sergey Lavrov Türkiyənin Azərbaycanda hərbi baza açacağı barədə ehtimallara şərh verməkdən imtina edib.  "RIA Novosti"-nin iyunun 18-də verdiyi məlumata görə, o, bu iddiaları şayiə adlandırıb.  "Biz bu məsələni müzakirə etməmişik və biz şayiələrə şərh vermirik", - deyə Rusiyanın baş diplomatı vurğulayıb.  Bir neçə gün əvvəl Bakıda jurnalistlərin suallarını cavablandıran Türkiyə prezidenti Rəcəb Tayyib Ərdoğan Azərbaycanla imzalanmış Şuşa Bəyannaməsi çərçivəsində Azərbaycan ərazisində Türkiyə Hərbi Qüvvələrinin bazasının yaradılması fikrini istisna etməmişdi.  "Bu məsələnin [hərbi bazanın yaradılması] inkişafı mümkündür. Bu mövzu Azərbaycan prezidenti İlham Əliyevin Rusiya prezidenti Vladimir Putinlə apardığı məsləhətləşmələrdən sonra təkmilləşə bilər. Həmçinin bizim danışıqlarımız prosesində də...
Seçilmiş Videolar