Siyasət

Hüquqşünas: "Hakimiyyətin “Tərtər işi”ni araşdırmaq niyyəti yoxdur" 

Məzahir Abdurahmanov
28 İyun, 2021
2237

BBC

“Hüquq mühafizə orqanlarının və onlara rəhbərlik edən siyasi hakimiyyətin  “Tərtər işi”ni araşdırmaq niyyəti yoxdur”.  
 
Hüquqşünas “Toplum TV”-yə Yalçın İmanov belə deyib.  
 
O, hərbçilərə qarşı cinayətlərin araşdırılacağına inanmır: “İndiyə qədər praktikada və oxşar işlərdə də belə halları müaşhidə etmişik. Azərbaycan hakimiyyəti əvvəl olduğu kimi yenə də həmin çağırışları qulaq ardına vuracaq”.    

Yalçın İmanov ​​​​​​

İşgəncə Qurbanlarına Dəstək Günü ərəfəsində (26 iyun) Avropa Şurası Parlament Assambleyasının 24 üzvü Azərbaycanda işgəncələrin araşdırılması təşəbbüsü ilə çıxış edib.  
 
1551 saylı müvafiq sənəd iyunun 25-də Avropa Şurası Parlament Assambleyasının saytında dərc edilib.   
 
Araşdırmanın təşəbbüskarı italiyalı senator Robert Rampidir.  
 
Sənəd müəllifləri "Tərtər işi"ndə miqyaslı  işgəncələr faktı ilə əlaqədar  araşdırmaların zəruriliyini vurğulayıblar. Belə ki, 200-dən artıq hərbçi bu işin qurbanı olub, onlardan 11-i vəfat edib.  
 
Bundan sonra həbsdə olan hakimiyyət tənqidçilərinə qarşı qeyri-insani rəftarın və işgəncələrin olması barədə xəbərlər yayılıb.  

Şahin Cəfərli - Sosial Media

Siyasi şərhçi Şahin Cəfərli zənn edir ki, bu məsələnin hərtərəfli və detallı şəkildə araşdırılması ilk növbədə Azərbaycanın xeyrinədir: ”Avropadan, beynəlxalq təşkilatlardan hər hansısa bir tələb, irad gözləmədən Azərbaycan mühafizə orqanları bu iş üzrə addım atmalıdırlar. Onlar bütün istintaq materiallarını, məhkəmə qərarlarını toplayaraq yenidən "Tərtər işi"nin hərtərəfli araşdırılmasını təmin edilməlidir. Çünki bu problem ictimaiyyəti də ciddi narahat edir”.  
 
Onun sözlərinə görə, bu məsələdə siyasi qərar tələb olunur: “Biz bilirik ki, Azərbaycan hüquq mühafizə xidməti siyasi rəhbərliyin qərarı olmadan, hər hansısa bir iş üzrə hərəkətə keçə bilmir. Ona görə də Azərbaycan siyasi rəhbərliyi bu məsələnin araşdırılmasında maraqlı olmalı, hüquq mühafizə orqanlarına vaxtında tapşırıq verməlidir”.  

Xalid Ağalıyev - Meydan.TV

Hüquqşünas Xalid Ağalıyev hesab edir ki, bu tip məsələlərdə Avropa Şurasının tələbi olmadan da hökumət lazımı araşdırma aparmalı, tədbirlər görməlidir: “Araşdırmanın aparılıb-aparılmayacağını hökumət müəyyən edir, ona görə də suallara da cavab verməlidir. Hər hansı bir beynəlxalq təşkilatın işgəncə faktları ilə bağlı iddiaları varsa, buna aydınlıq gətirilməlidir. Azərbaycanın Avropa Şurası qarşısında üzərinə götürdüyü öhdəliklər var. Ona görə də Avropa Şurasını hər hansı bir işlə bağlı araşdırma tələb etməsi normaldır”. 
 
Aprelin 13-də İşgəncələr Əleyhinə Ümumdünya Təşkilatı da "Tərtər işi"cilə bağlı bəyanat yaymışdı.  
 
Bəyanatda qeyd olunurdu ki, "Tərtər işi" çərçivəsində ən azı 78 nəfər Azərbaycan vətəndaşı saxlanılıb və dövlətə xəyanət ittihamı ilə 12 ildən 20 ilədək həbs cəzasına məhkum edilib. 
 
Bəyanatda "Tərtər işi" üzrə işgəncələr nəticəsində ölənlərin adları da qeyd olunmuşdu: 
 
1. Mehman Hüseynov - mayın 7-də saxlanılıb, cəsəd 16 may 2017-ci ildə dəfn edilib; 
2. Səxavət Bünyadov - mayın 7-də saxlanılıb, cəsəd 17 may 2017-ci ildə dəfn edilib; 
3. Saleh Qafarov - mayın 4-də saxlanılıb, cəsəd 14 may 2017-ci ildə dəfn edilib; 
4. Elçin Quliyev - mayın 11-də saxlanılıb, cəsəd 18 may 2017-ci ildə dəfn edilib; 
5. Təmkin Nizamioğlu- mayın 12-də saxlanılıb, cəsəd 21 may 2017-ci ildə dəfn edilib; 
6. Dayandur Əzizli - mayın 12-də həbs edilib, cəsəd 20 iyul 2017-ci ildə dəfn edilib; 
7. Süleyman Kazımov - mayın 4-də saxlanılıb, cəsəd 7 may 2017-ci ildə dəfn edilib; 
8. Elxan Ağazadə -mayın 1-də saxlanılıb, cəsəd 10 may 2017-ci ildə dəfn edilib; 
9. Elçin Mirzəliyev - mayın 7-də saxlanılıb, cəsəd 25 may 2017-ci ildə dəfn edilib. 
10. Ruslan Ocaqverdiyev - 16 may 2017-ci il səhər saxlanılıb, cəsəd isə həmin gün axşam ailəsinə təhvil verilib. 
11. Adil Sabirli - 5 may 2017-ci il tarixində ölənədək döyülüb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Rəsmi Bakı İranda saxlanılan azərbayanlı tələbə ilə bağlı açıqlama verib

2 İyun 2023

Rəsmi səhifə

"İranda həbs olunan Fərid Səfərli ilə görüşün keçirilməsi üçün tədbirlər görülür". Toplum Tv xəbər verir ki, bu barədə Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə Azərbaycan vətəndaşı Fərid Səfərlinin İranda həbs olunmasına münasibət bildirərkən deyib. O xatırladıb ki, Fərid Səfərli barədə məlumat Azərbaycan Xarici İşlər Nazirliyinə daxil olan gündən, yəni martın 9-dan etibarən vətəndaşın aqibətinin müəyyən edilməsi və İranın məsələyə aydınlıq gətirməsi məqsədilə müvafiq olaraq İranın Azərbaycandakı Səfirliyinə nota ünvanlanıb: Çoxsaylı müraciətlərdən sonra İran tərəfi notamıza cavab olaraq, Fərid Səfərlinin həbs olunaraq ona qarşı cinayət işi başladıldığını bildirib. Bu barədə Fərid Səfirlinin ailəsinə müvafiq məlumat verilib". https://toplum.tv/siyaset/pazerbaycanli-telebenin-iranda-casusluq-ittihami-ile-hebs-olundugu-bildirilirp...
Siyasət

Rəsmi Bakı Makronun bəyanatından narazı qalıb

2 İyun 2023

Açıq mənbələrdən götürülüb

"Əfsuslar olsun ki, Fransa tərəfindən belə davranışın sərgilənməsi ilk hal deyil və bu, Azərbaycanla Ermənistan arasında sülh prosesinə, bölgədə sülh və sabitliyə heç də müsbət töhfə vermir". Toplum Tv xəbər verir ki, bu barədə iyunun 2-də Xarici İşlər Nazirliyinin mətbuat katibi Ayxan Hacızadə Fransa Prezidenti Emmanuel Makron tərəfindən Kişineu görüşünün nəticələrinə dair yayılmış bəyanata cavab olaraq deyib. Onun sözlərinə görə, Kişineuda Avropa Siyasi İcması sammiti çərçivəsində Azərbaycan Prezidenti və Ermənistanın Baş naziri arasında Aİ Şurasının Prezidenti Şarl Mişelin, Fransa Prezidentinin və Almaniya Kanslerinin iştirakı ilə görüşün yekunları üzrə mətbuata açıqlama ənənəyə uyğun olaraq Brüssel formatının təşkilatçısı kimi Şarl Mişel tərəfindən...

Seçilmiş Videolar

Toplum TV loqo